¹ Landila Yisu kamana wutua ku Betelemi dia Yuda mu tandu kia lumbu ya ntinu Elodi, anduenga atuka ku tini kia Este aluaka ku Yelusalemi avova: ² "Kue kuena ndioyo wa wutulu ntinu a Ayudayo? Yeto tuamueni mbuetete ani ye ku Este ye tuizidi kunsambidila." ³ Kansi ntinu Elodi va kawa mambu momo, zyu kiani kiatenguka, ye Yelusalemi dia dionsono ye yani. ⁴ Elodi wa kutikisa ngudi za nganga ye minlongi mia nsiku ye waku ayuvula: "Kue ku fuiti wutua Klisto." ⁵ Yawu a nkamba: "Ku Betelemi dia Yuda, kadi tala mambu masonika mbikudi: ⁶ "Ngeye Betelemi, mu nsi ya Yuda kuen'aku wawu ke u minyadi mia Yuda, kadi mu ngeye si mua tuka nyadi wuna tuadisa nkangu ami Isaeli." ⁷ Elodi wab bokidisa a nduenga mu nsueki mu ku wayuvula mu nki ntangu ya sikididi kia vayika lubuetete. ⁸ Yani wa afila ku Betelemi wa akamba: "Nuele tombi ki muana muana kiokio. Vo nu mueni, nuiza kunkamba kidi mono diaka ngiele ku sambila." ⁹ Va amona wa ntinu, yawu a tatamana nzil'awu ye lubuetete lu a mona ku Este luakala kuele finkingi ku ntual'ani nate ye luatelama ku zulu va vuma kiakala kimuana muana. ¹⁰ Va amona lebuetete, yawu akala kiese kiayingi. ¹¹ Yawu akota mu nzo ye amona kimuana muana ye Malia ngudi ani yawu a fukama ye asambila kiona. Yawu a kutula yifunda yawu ye ani ana minkayilu miakala wola, libana ye mile. ¹² Nzambi wa akamba mu ndozi mu lembua vutuka kua Elode; i dina a vutukila nzila yankaka ku nsi awu. ¹³ Mboki yawu vo ayuda, mbasi ya Mfumu ya monika kua Yosefi mu ndozi ye yankamanba: "Telema, bonga fi muana ye ngudi, tinina ku Ngipiti. Kalakuna nate ye ngina kukamba kadi Elode weti tomba fimuana mu kunvonda." ¹⁴ Mu fuku diadina, Yosefi watelama ye bonga fi muana ye ngudi ye wayenda ku Ngipiti. ¹⁵ Yani wakala kuakuna nate ye Eloe kafua. Mama malungusua mu mavova Mfumu kua mbikudi: "Mono yabokila muan'ame kavayika mu Ngipiti. ¹⁶ Mboki, ntangua Elodi kavisa vo anduenga a nsakanene, yani wakala (nganzi beni). Wafuema mu ngolo beni. Yani wafila ye vondisa ane akala akala mvula zole wa ku nsi a mvula zole wowo akala ku Betelemi ye mu zunga kiokio, Landila ntangu ya kedika yi a wisana ye anduenga. ¹⁷ Mavova Yelemia mbikudi mele detila: ¹⁸ "Ndinga ya wakana ku Loma, yidilu ye manioongo mangolo, Lakeli weti dila ana ani, ye yani wabela bombua kadi yawu ka ena diaka ko." ¹⁹ Ntangu Elode kafua, tala mbasi ya Mfumu yamonika mu ndozi kua Yosefi mu Ngipiti ye yanlamba: ²⁰ "Telama baka muan ye ngudi ani ye wenda mu nsi ya Isaeli kadi wowo azolelenge moyo a muana a vidi fua." ²¹ Yosefi watelama, wabonga muan ye ngudi ani ye wayenda kunsi a Isayeli. ²² Kansi yani vakawa vo Alakeloa wavingana mu Yuda va fulu kia sani Elodi, yani wakala wonga mu kuenda. Buna Nzambi wanluengisa mu ndozi, yani wayenda mu zunga kia Ngalili. ²³ Ye wayenda vuanda mu mbanza yi bokoduluanga vo Nazaleti. Mamamalungana ma bikula kua mimbikudi, yani wuna bokudulua muisi Nazaleti.