1
Muna ntangu yina, muayiza vayika lutumunu kua kayisala Agustu mu sonikisa antu awonsono azingidingi mu nza.
2
Nsonokono yoyo yantete yakala mu ntangu kilenio kakadila mfumu mu zunga kia Siliya.
3
Iwuna awonsono ayenda kukisonikisa, konso konso kamuntu muna mbanza ani kibeni.
4
Yosefi mpe watambuka luka ku mbanza Nazaleti mu zunga kia Ngalili, mu kuenda mu zunga kia Yuda, muna mbanza ya Davidi ya yikwa Betelemi; kadi yani wakala mtekolo mu kanda dia ntinu Davidi.
5
Yani wayenda ko mu kisonikisa ye Malia ndumba ani wu bawizana makuela, wakala ye vumu.
6
Wawu akala vana, ntangu yi kafueti wuta yifweni,
7
Yani wayiza wuta fi muana fia yakala, wuta diantete fi kazinga va nlele ye wantula muna dikulu kia yibuli, kadi kamua kala fulu kia yawu muna nz a zinzenza.
8
Kuakala muna nsi yayina kaka mimvungi mia mameme miakezi lekanga mu minzenza mu kenga yikamba yawu ya mameme.
9
Muna kintulumukina, mbasi ya Mfumu ya ku avayikila ye nkembo wa mfumu walezima mna kinzungidila kiawu, ye yawu amona wonga wawingi.
10
Mbasi yaku akamba: "Kanukalani wonga ko, kadi ngieti kunu zayikisa nsangu zambote, zina kala zakiese kiayingi kua nkangu wawonsono.
11
Yeno nuwutulu, wunu kiaki, muna mbanza ya Davidi, Mvuluzi yani i Klito Mfumu.
12
Tala dimbi kiluna vewa luna vewa: Luna kuenda wana fimuana fiwutukidi fia zingua ye fia lekusua muna dikulwa kia yibulu."
13
Vana fulu vayiza yikama kua mbasi, kabu diayingi dia mankangu mia mazulu, miasanisina Nzambi ye miavova:
14
"Nkembo kua Nzambi muna kayengele, ye vava ntoto luvuvamu kua antu aku n'yangidikanga>"
15
Mbasi va zaku asia mu vutuka ku zulu, mimvungi miamaname avovana yawu ye yaw: "Nduendieno nate ye kuna Betelemi mu tala mamena luaka kuna, momo mameni kutu zayikisa Mfumu."
16
Anangumuka mu nzaki mu kuenda kuakuna kuna ayyenda wana Malia ye Yosefi mbosi mpe ye fimuana fia leka muna dikulu dia yibulu.
17
Va amona wawuna, azayikisa kua antu momo ma azayikuswa mu diambu dia muana wowo.
18
Awonsono aku awa ayutukua mu mambu maku azayikisa mimvungi.
19
Nga yani Malia, wayindula mambu mamonsono makuakala wanga walunda mo muna ntima ani.
20
Mbosi mimvungi mia vutukisa ku atuka mu kuele yimbidi minkunga mu zitisa Nambi mu mamonsono ma amana wa ye mona, nadede konso uwa zayikisilua mo.
21
Lumbu kia nana va kiafuana ye mboosi muana nga kafueti zengwa, wavewa nkumbu a Yisu; nkumbu yi kavewa kua Mbasi tekila ka yakua mu vumu kia ngudi ani.
22
Mu ntangu ntalu a lumbu yawu ya mpedoso va ya lunga, wonso wenina nsiku mia mose, Yosefi ye Malia an'nata ku tempelo ku Yelusalemi muku sungula va ntadisi a Mfumu.
23
Wonso wasonama mu nsiku a Mfumu: "Konso konso muana wayakala wuna wutuka wantete, wuna biekua wanlongo kua Mfumu.
24
Ayiza mpe ye wana nkayilu wazikwa konso wa akambua mu nsiku mia Mfumu: "Yiduka yole evo ana awole a mayembe."
25
Nkingolo ko, vakala muna Yelusalemi, muntu umosi wakala ye nkumbu a Simeoni, muntu wawuna walunungu ye wa vumi kia Nzambi. Wavingila mbombolo a Isaeli ye mpeve yanlongo yakala mu yani.
26
Yani wasikwa kua Mpeve yanlongo vo kalendi vita fwa ko vo ka muene mesiya ma Mfumu ko.
27
Simeoni wayiza ku tempelo, wanatua kwa Mpeve anlongo ye wawu kina vo mase manata muana Yisu u lungisa mu diambu dia yani wonso wuwa sadulwa minsiku;
28
watambulamu moko mani, wazitisa Nzambi ye wavova: 29"Wawu Mfumu, nayambudi sielo kiaku kienda mu yenge konso wenina mambu maku.
.
30
Kadi meso mami mamueni mpulusu akuv
31
Yoyo yi wakubika va ntadisi a minkangu miamionsono:
32
I kia kuanzayikusulu kua alembolo kala ayudayo ye nkembo kua aku wa Isaeli."
33
Sani ye ngudi ani atoma yangalala mu ma avovila mu kuma kia muana.
34
Simeona waku asakumuna ye wavova kua Malia ngudi ani: "ndiayu muana wayikulua mu mbuisilu ye mu ntedomoso ya antu ayingi mu Isaeli ye konso sinsu kina yangumuna mpindumuka.
35
Sabala kina zoka muela aku, kidi vo mabanga mena mu mintima mia ayingi manamonukusua."
36
Vakala mpe mbikudi wa Fanueli, mu kanda dia fisidi mu nsambudia ye yakala diani kunima kindumba kiani kondua kua lembi kunzaya niti.
37
Yani walungisa lunana ye ya lu mimvu mu kifola, katatuka nkutu ko ye tempelo ye wasadila Nzambi fuku ye muini mu mbinunu a nsoki ye tusambulu.
38
Muna lokula kina kaka, wayiza kua yawu ye watona mu vutula matondo kua Nzambi ye wwavovila mu diambu dia muana kua awonsono avingidila nkudulu a Yelusalemi.
39
Va amana lungisa momo masonukwa mu minsiku mua Mfumy, avutukisa ku nzo awu ku mbanza ya Nazaleti ku Ngalili.
40
Muana wayunduka , wakola, wazala kua nduenga ye nlemvo wa Nzambi wakala mu yani.
41
Mase mani mayelenge konso ka mvu ku Yelusalemi mu diambu dia nkinzi wa Fasa.
42
Va kamana fwanisa mvu kumu ye zole, atombuka kuna konso wenina kisi nsi mu diambu dia nkembo.
43
Mbosi lumbu va biamanisa ye avutuka mu yifulu yawu, muana i Yisu wasala sala ku mbanza Yelusalemi, kansi mase mani ka asala bakusa nkutu ko.
44
Abanza vo wakalayawu ayendanga nzila mosi, akisadila lumbu kiamvimba mu diata kondwa kwa lembi utoba va kati kua mase ye akundi.
45
Alembana mu kumona, avutukisa kuna Yelusalemi mu kuele konsosi.
46
I kunima lumbu itatu ayiza kunsolula mu kinlongo, wavuanda va kati kua minlongi, waku adimba ye waku adia yawu.
47
Awonsono akuakunwa ayutukwa mu ngangu zani ye mumvutu zani.
48
Va amona, ayitukua ye ngudi ani wamvovisa: "Muana ame wayakala bila nki ukutu vangidi wowo e? wa, sediaku ye mono, tuku tombele mu kadi kiakio.
49
Waku akamba : "Bila nk nueti kuntombila kanuzeyi ko vo mono mfuiti kala mu nzo a sami e?"
50
Kansi ka abakusa mambu ma kaku akamba ko.
51
Mbki wakulumuka ye yawu mu kuele yemdi ku mbanza Nazaleti waku atumamana.
52
Ye ngudi ani watoma lunda mambu momo mamo mu n'tima ani. Ye mbosi Yisu watatamana mu kula mu nzngu ye mu nitu, e wa monukunua nlemvo wawingi va ntadisi a Nzambi ye ya antu