¹ Lumbu kia nkembo a Pentekoti va kiafuana, Akala yau akutakana va fulu kimosi. ² Nakibiu, wayiza tuka kuna mmazu wonso tembo kia mupepe wangolo, kiazala mu nzo yamvimba mu akala. ³ Muaku avayikila tudimi wonso tua tiya, tua vaku akayizilwa ye tua tentama va ntandu antu a umosi umosi mu yau. ⁴ Azaduswa yau awonsono kua Mpeve yanlongo ye atona mu vova mu ndinga za kinzenza, konso Mpeve yaku avanina mu vova. ⁵ Muna ntngu yina vakala ayudayo akala vuandanga ku Yelusalemi, antu a luzitu, atuka mu zinsi zazonsono ku nsi a mazulu. ⁶ Mazu va mawakana, ndonga yakutakana va mosi ye ayitukua kadi konso ka muntu waku ewa eti vova mu ndinga ya yau beni. ⁷ Atona yangalala ye ayitukua. A vova, mukedika ka ena yau wonsono esi ngalili ko aha eti vova e? ⁸ Bika nki tueti ku awila, wonso wonso ka muntu muna ndinga eto yangutukula e? ⁹ Bisi Peletia, Media ye Elami, ye wowo azinganga ku Mesopotamia ku Yuda, ku Kapadakia, ku Pinto ye ku Azia, ¹⁰ ku Filingia ye ku Pamfilia, ku Ngipiti ye ku zanga kia Libi lukufi ye kilene, zinzenza zatuka ku Loma, ¹¹ Bayudayo ye yau akota mu sambu kia ayudayo, esi Kileti ye esi Alabia, tueti ku awa eti vovila lelendo lua mavanga ma Nzambi." ¹² Akala yau awonsono mu kiese kia ngolo ye atona yitukua; avova yau ye yau: "Nki disongele?" ¹³ Kansi ankanka a ku asevila ye avova: "Ameni kolua malavu ma nzenzo. ¹⁴ Kansi Petelo watela ye bintumwa kumi ye mosi, wanzangula ndinga ye waku avovisa: "Mayaka ma ku Yuda, ye yeno awonsono nuvuandanga ku Yelusalemi, nuzaya edi vo; nutoma kenga mpova zeno, ¹⁵ Kadi antu aha ka ena mu nkolwa ko konso unueti dio banzila, kadi tuakidi mu lokula kia ntatu kia lumbu. ¹⁶ Kansi nutala mavovuka kua mbikudi Yoeli: ¹⁷ Vakina luaka yilumbu ya nsuka, mavovele Nzambi "Ngiena mwangisa Mpeve ami kua antu awonsono. Ana ena a amakala ye ana ena a akento ean bikula. zintuenia zeno zena mona kimona meso, ye yinunu yeno yena lota zindozi ¹⁸ Va mosi kua isadi yame ya amakala ye asadi yame ya akento, mun lumbu zina, ngina mwangisa Mpeve ami ye se abikula. ¹⁹ Mono ngiena vanga yimangu ya ngitukulu mu mazulu ye yi sinsu vantoto, ya menga, ya tiya ye ya matuti ma muisi. ²⁰ Ntangu yena kituka tombe ye ngonda wonso menga va ntete lumibu kiokio kia kinene ye kiazayakana kia mvutukulu a Mfumu. ²¹ Idina wuna kadila vo wonso wonso muntu wuna bokila nkumbu a Mfumu wuna vulusua. ²² Mayakala makisi Isaeli, nuwa mambu mama: Yisu muisi Nazaleti I muntu Nzambi katambudila mu fila va kati kueno mu diambu dia yisalu ya yinene ye maweti, ye mu bisinsu, biavangua kua Nzambi yani mosi va kati kueno; konso wunuzayidi wo yeno mosi; ²³ Wonso wenina nzengolo ya kubukua ye lukanu luasilua kua Nzambi, yani wa yekulua, ye yeno, mu moko ma akondua zayi, nua nkoma vana kulunsi ye nua mvonda. ²⁴ Nzambi wamfulukisa, mu ku nkula mu kuama kua lufua, kadi kadilandakana ko vo kasimbininua kua luau. ²⁵ Kadi Davidi wamvovila: "Mono ya mueni Mfumu va ntadisi ami ntangu zazonsono, kadi wena valubakala luani kidivo ya lembua nikunua. ²⁶ Idiawu ntim'ami wena mu kiese, ye ludimi luame lua yangalala. Diaka, nsuni ami wuna zinga mu vuvuv. ²⁷ kadi kuna yambula mel'ami mu nsi ya lufua ko, ye kuna yambula ko vo sadi kiaku kia nlongo kia wodila mu ndiamu. ²⁸ Wansonga nzila yinatanga ku moyo; ngeye wuna kumpulusu mu mbonokono aku." ²⁹ Nu zimpangi, ndend kunu zayisa mu vuvu mu matadidi nkulu eto Davidi, yani wafua ye wazikua, ye ndiamu ani yena va kati kueto ye wunu kiaki. ³⁰ Kina vo wakala mbikudi ye wazaya vo Nzambi wa dia ndefi mu kunsila vo yani wuna vuandisa umosi mu ana ani va kintinu kiani. ³¹ Wakizayila wo va ntete ye wavova mu kuma kia mfulukulu a Klisto: "Yani kayambulwa muna nsi a bafua ko ye nitu ani ka ya zaya mbodolo ko. ³² Yisu diodio, Nzambi wanzangula, ye yeto awonsono zimpangi. ³³ Wu kazangulua va lubakala lua Nzambi, ye wu katambuta nsilulu ya Mpeve anlongo yatuka kua se, wa dukumuni yo konso wunueti yo muena ye wa. ³⁴ Kadi Davidi kasala baluka ku zulu ko, kansi wavova: "Mfumu wavova kua Mfumu ame, vuandu kuaki va lubakala, ³⁵ nate ye ngina kitula mbeni zaku tentokolo a bitambi biaku. ³⁶ I wuna nzo amvimba ya Isaeli yina tona zaya mu kedika vo Nzambi wankitula Mfumu ye Klisto, Yisu diodio dilua komene vana kulunsi." ³⁷ Bu amana va wa mambu momo, ntima miau mia luala ye wvova kua Petelo ye kua zintumua zasala: "Nuzimpangi, nki tufueti vanga?" ³⁸ Ye petelo wa ku avutudila: "Nu vilula madiela ye bika nua botama, wonso wonso muntu, muna nkumbu a Yisu-Klisto mu diambu dia ngiambudulu a masumu meno ye sinua tambula nkayilu a Mpeve yanlongo. ³⁹ Kadi nsilulu yasilua mu yeno, mu ana ena awonsono ye mu awonsono ena mua nda, ndnga yawonsono konso Mfumu Nzambi eto wu kalenda ku abokila." ⁴⁰ Ye mpova zayingi diaka zankaka, yani waku a sindisila mu tambudila ye ku asiamisa; yni wavova: "Nu kivuluza mu mbandu yayi ya sumuka." ⁴¹ Mu diawu atambula mpova zani ye abotukwa ye muna lumbu kina, fidisi mafunda matatu na miela nakulama mu kabu dia akuikila mu Yisu. ⁴² Yau akuikama mu malongi ma zintumua ye akala kintuadi mu nkabununu ya dimpa ye mu tusambu. ⁴³ Wonga wakota mu wonso ka muela e yinangi yayingi. ⁴⁴ Awonsono akuikila akala va mosi ye abunda yayaonsono yakala yau vamosi. ⁴⁵ Ye ateka lekua yau ye mvuilu zau ye akayana va kati kua yau awonsono, wonso wakadila nsatu za wonso wonso ka muntu. ⁴⁶ Iwuna kumbu ka lumbu, atatamana mu kutakana muna mbueno imosi mu kinlongo, ye bukuna dimpa muna zinzo, ye akayana madia mu kiese ye mu luyinunu lua ntima. ⁴⁷ Yau azitisa Nzambi ye nkangu wawonsono waku azola. Mfumu wakudikila mu kabu diau lumbu ka lumbu wowo avuluzua.