¹ Wau tunu lombele, a mpangi, mu matedi ngizulu a mfum'eto Yisu-Klisto ye nkutukunu eto ye yani. ² Ka nuviki zietisa mu mabanza meno, mu mpeve eno, mu mpova, ka mu nkonda ulenda songa vo kua yeto wutukidi ko, wonso vo lumbu kia mfumu kia yiza. ³ Muntu kakunu vuni ko evo nawe. Kadi momo kamana kuiza ko tekila antu ayingi asisa Nzambi nkumbu a nsaka, tekila muntu wambi kamonukua, muana a mbungulu. ⁴ I yani wukakilanga ye uku yizangulanga va ntandu a yayonsono yi yeno nkumbu vo Nzambi. ⁵ Ka nueti bambuka moyo ko vo mono yanukamba buau va yakala yeno? ⁶ Kansi wau nu zeyi momo meti kunkakidila, i diau yani una monika kaka mu ntangu a ya zengua. ⁷ Kadi lulendo lua nkolomno lua tona sala, dimosi, vena ye muntu u nsimanene mu lokula kiaki nate ye kana katulua mu nzila. ⁸ Mu dina nkua wambi una monukusua, ye mfumu Yisu una kumvonda kumfula mpuvulu a nua ani. Mfumu una ku mfuasa mu ntemo a ngizulu ani. ⁹ Ngizulu a nkua wambi yina tukusua ngolo za satana ye tulendo tuani tua tonsono, mu yi sinsu, ye yimangu ya makutu, ¹⁰ ye mu makani momo makondolo kua lunungu. Mamonsono momo mena kua yau a zimbalanga, ku kadi yau ko a tombula zola kua kedika ko mpa yau a vulusua. ¹¹ I mu kuma kiokio, Nzambi uku afidisanga lulendo lua nzimbukusu mpasi yau akuikila mamakutu. ¹² Nsukusunu yena vo yau awo ena fundusua, yau a kuikila kedika ko nkutueti a toma yangalala mu kondua kua lunungu. ¹³ Kansi yeto tu luta tondanga kua Nzambi ntangu zazonsono mu diambu dieno yeno zi mpangi za nzolua mu mfumu, kadi Nzambi wawu sala mu kala wonso mbutu mia ntete mia mpulusu mu mbiekolo a mpeve ye mu minu kiakedika, ¹⁴ Mu diodio yani wanu bokila mu nzila ya nsamu sto wambote mu tombula nkembo a mfumu eto Yisu Kliso. ¹⁵ I dina zompangi mutatamana siama. Simbinineno malongi ma nua longua, ana vo mu mpoava evo mu nkanda eto. ¹⁶ Wau, bika mfumu eto Yisu Klisto yani mosi, ye Nzambise dieto watuzola ye watu vana lusiamisu lua mvu a mvu, ye vuvu kia mbote kia nkutuala mu nlemvo ani. ¹⁷ A kunu bomba ye kunu siamisa mu mintima mu sala mo monsono mena ma mbote ye mu mpova.