¹ Kua ngudi a nganga te kua nengua ya solua kua ana andi, ba ngi zolanga mu kedika, ka mono ko kansi awo a visa kedika. ² Mu diambu dia kedika kiena mu yeto ye kina sikila mu yeto lumbi yayo. ³ Bika nlemvo, nkenda, luvuvamu bia kala kua yeno mu nkumbu a Nzambi wa se ye Yisu Klisto, muana wa se, mu kedika ye zola. ⁴ Ngiena wa yangalala mu kuiza wana ndambu a ana waku eti diatila mu kedika, wonso wenina ntumunu yi tua tambula kua se. ⁵ Wawu, ngieti ku bombidila, nengua, ka mu kukomikina nsikudusu za mpa ko, kansi i zozo kuani tua tambula tuka muna ntonono; yi mu zolasana yeto ye yeto. ⁶ Ye mu zola koko kuenina mu diata wonso wenina nsikudusu zani yi nsikudusu yi lua longua tuka muna ntonono ye mu wawu lufiti diatila. ⁷ Kadi mvukumuni mia yingi mia vayika ye kota mu nza, ye ka basiamisanga ko vo Yisu Klisto wa yiza mu nkisuni. Ndua mpila yoyo yi mvukumuni ye mbeni a Klisto. ⁸ Nu kikenga mpasi vo nua lendua vidisa mbutu mia salu kieno, kansi nua tambula nsendo. ⁹ Wonso wonso wuna kuenda nseke ye lembua kua sikila mu malongi ma Klisto, kena ye Nzambi ko. Wonso wu sikilanga mu malongi ma klisto wena ye se ye muana. ¹⁰ Vose muntu wizidi kua ngeye kondua kua nata ma longi momo, ku ntambudi ko mu vinga kiaku ye ku mvani mbote ko. ¹¹ Wonso wu mvene mbote weka ntuadi ye yani mu mambu mani ma sumuka. ¹² Ngiena ye mamingi muku sonikina kansi kieti banzila mu ku sonekina ko mu papela ye tinta. Kansi ngiena ngunda mu kuiza kua yeno ye mu vovana zizi mu zizi, kidi kiese kieto kia lungana. ¹³ Ana a mpangi aku wa kento wa solua baku fidisi mbote