¹ Ana, ngieti kunu sonikina mambu mama kidi nua lembua sumuka. kansi vo mosi mu yeno sumukini, tuena ye kimpovila va ntadisi a se i yesu klistu, wa lunungu. ² Yani i wakivana bonso nkayilu mu diambu dia masumu meto, kamu diambu dia mayeto kaka ko kansi ma munza yayonsono. ³ Mudiadi, tuzeyi vo tuku zeyi vo tulundanga nsikudukusu zani ⁴ konso vovele vo: « nzeyi Nzambi», ye lembua lunda nsikudukusu zandi, yani yi mvuni ye kena kedika ko. ⁵ Kansi wonso wu lundanga mambu mandi mu kedika i mu munntu wowo zola kua nzambi kua vewa nadede. Mu wowo tuzayanga vo tuena mu yani. ⁶ konso vovele vo usikilanga mu nzambi, fueti diatila nga wonso Yisu Klisto kadiatila. ⁷ Nu bakianzola kina kunu sonikina nsikudukusu ya mpa ko, kansi i nsikudukusu yankulu i muatambula tuka mu mbadukulu. Nsikudukusu yankulu i mambu ma nuawudi. ⁸ I dina ngieti kunu sonikina nsikudukusu yampa yoyo ya kedika yena mu Klisto ye mu yeno, kadi tombe kieti vila ye kia kua kedika kueti monika kala ⁹ Wonso vovele vo wena mu kia ye lembolo zola mpangi ani, wakinu mu tombe nate ye ntangu yayi. ¹⁰ Wonso wu zolanga mpangi ani wusikilanga mu kia ye ntotolo nkutu kayikadi mu yani. ¹¹ Kadi wonso wubelanga mpangi ani wena mu tombe ye wudiatanga mu tombe, lembolo zoya kuketi kuenda kadi tombe kunkitudi mpofo. ¹² Lubana banzola, ngieti kunu sonikina kidi masumu meno malemvokolo mu diambu dia nkumbu ani. ¹³ Ngieti kunu sonikina lu mase, kadi yeno nuazaya ndioyo wena tuka lubantuku. Ngieti kunu sonikina lubantuena, kadi yeno luanunga ntantu. yakunu sonikina nu yingana ngana kadi yeno luzeyi se. ¹⁴ Ngia kunu sonikina nu mase kadi yeno luzeyi ndioyo wena tuka lubantuku. Ngia kunu sonikina nu antuenia kadi nuena ngolo ye mpe mambu ma Nzambi masikilanga mu yeno, ye nuanunga ntantu. ¹⁵ Kanunzodi nza yayi ko ka lekua yena mu nza yayi ko vo muntu zolele nza, zola kua se kakuena mu yani ko. ¹⁶ Kadi mamonsono mena mu nza yayi ( nzinunu za nsuni, nzinunu za meso ye kukitumpidika mu luzingu ) kabitukidi kua se ko, kansi bitukidi mu nza. ¹⁷ Nza ye mpuilu zani zena vioka. Kansi wonso wuvanganga luzolo lua Nzambi wuna sikila yakuele mvu. ¹⁸ Lu yingana ngana yayi yi ntangu ya nsuka, wonso wunua longolo vo mvuezi a Klisto lueki, mimvezi miamingi mia Klisto mia vayikidi. I wonso tuzayidi vo i ntangu yansuka. ¹⁹ A vayika va kati ueto kansi ka akala ayeto ko. Kadi vo akala ayeto nga ena yeto kansi bu bavayika diodio dieti songa vo ka akala mu yeto ko. ²⁰ Kansi yeno nuena ye mbiekolo ya ndiona wena wa nlongo yeno awonso nuzeyi kedika. ²¹ Kia kunu sonekene ko kadianu ko vo nulembolo zaya kedika, kansi mu mudiambu dia nuzeyi kio, ye luvunu kaluena mu kedika ko. ²² Nani i nkua luvunu? vo ka ndiena ko watinguni vo Yisu i Klisto? muntu wowo i mvezi a Klisto bu katinguni se ye muana. ²³ Ka mosi ko va kati a wonsono eti tinguna muana wena ye se. Ndiena zeyi muana zeyi mpe se. ²⁴ Kua yeno, bika vo mamonsono ma nuawa tuka lubantiku ma sikila mu yeno, nuna sikila mu muana yemu se. ²⁵ Ye tala nsilulu yikakutu sila i moyo wa mvu ya mvu. ²⁶ Yakunu sonikina mambu mama mu diambu dia a wonsono etizola kunu zimbisa. ²⁷ Idina mu yeno bika mbiekolo yi nuatambula ya sikila mu yeno, ye ka nuna nsatu a muntu mu kunu longa ko. ²⁸ Kansi bonso mbiekolo ani yakunu longa mamonsono ye mena ma kedika ye makondolo luvunu, ye wonso wu kamulongila, sikileno mu yandi. Ye wonso nu ana anzola nu sikila muyandi mpasi vo bukena monika, tuna kala mu kiese ye ka tuna kala mu nsoni ko va ntadisi ani mu ntangu a ngizulu ani. ²⁹ Vo nuzeyi vo yani i nkua lunungu, nuzeyi vo wonso wonso wu vanganga malunungu mu yandi.