¹ I dina ba mpangi zamo batondana, ba yi ta muena mpasi, kiese kiamo ye kolowa kiamo, mu na mpila yina lu kala bakwikama mu na mfumu. Bankundi bamo ba zolakana. ² Yi ta dodokila Evodi ye Sintise mpasi bakala ye kiese kimosi muna mfumu. ³ Mu dina i ta mo bambula diaka ku ngeye, nkudi amo mu kiedika mu kisalu ki Mfumu: Sadisa ba nketu bobo. Mu diambu ba sala kisalu kumosi ye munu ki ku mwangasa nsangu zi mbote, ku mosi ye Kelema ye bankaka ba mpangi bamo mu kisalu k Nzambi, ba ba sonama nkumbu zawu muna nkanda moyo. ⁴ Lu yangalalanga ntangu zakulu muna Mfumu, yi ta mo vutukila lu yangalala. ⁵ Bika bu nlemfu bwaku bu zayakana ku bantu bakulu, Mfumu una lukufi. ⁶ Ka lukikwamisa mu diambu ko, kansi mu konso mambu, muna bisambu ye ku dodokila ye vutula matondo lu monikisa nsatu zeno ku Nzambi. ⁷ Yi ngemba Mfumu i lutidi Nzayilu za kulu i lunda ntima mieno ye Ngindu zeno mu Klisto Yesu. ⁸ Ku mama sidi ba mpangi, mana makulu mena kiedika, mana makulu mena nzitusu, mana makulu mena lunungu, makulu mena kugedila, go gena mambu malutidi bu mboti, go gena mambu ma fueni mabaka nkembo, luyindula muna mambu mana. ⁹ Mambu mana lu longuka, lu baka, lu wa , ye lu mona muna munu lu gangila mo ye Nzambi ngemba si ka kala ye benu. ¹⁰ I ta yangalala bubwingi muna na Mfumu mu diambu bungangi lu vutuedi diaka ngindu zeno zi mboti muana munu.Lu baka kibeni ngindu zi mbote mu diambu di mono mu luyantiku kansi kalu baka kinsunsa mu nkunsadisa ko. ¹¹ Ka mu diambu zi nsantu zamo nta ngoyila mo ko. Mu diambu i longoka mu ku kitambudila mu nkonso ntangu. ¹² Nzeyi bwe y kadila muna ntangu ku konda ye nzeyi diaka bwu i kadila mu ntangu ku vua mu mpila za kulu ye mu mambu makulu y longuka kinsweki bwe mu nkumbu mosi i fueti kadila u teba, ye kukala ye nsantu, ku kala ku fuluka ye nsantu. ¹³ I lendi sala mambu makulu mu na yani ta ku ngana ngolu. ¹⁴ Kadi ma mbote luganga bu luvukana ya mo mu mpasi. ¹⁵ Luzeyi beno besi fidipo nde kuluyantiku lu nsangu zi mbote, mu ntangu yi katuka ku Makedoni nkatu dibundi di nsadisa muna ma tadidi ku gana ye ku baka go ka beno ko. ¹⁶ Kani bu i kala ku Tesaloniki lu mfidisa kulu ta nkumbu mosi lusalusu mu nsatu zamo. ¹⁷ Ka dina ko nde i ta sosa makabu kansi i ta sosa mbutu una uta zangula ki muntu kieno. ¹⁸ I tambula makulu ye ngina i fuluka yi kala u fuana. I ta baka ku Epafoloditi bima bina lunfidisa. Bina ma futa mansunga ye nkayilu mosi gu mbotu uta yangidika Nzambi. ¹⁹ Yi buna Nzambi amo si ka yikila bonso buna bimvuama biani muna nsatu zeno zakulu mu na nkembo, mu Klisto Yesu. ²⁰ Bungangi ku Nzambi eto ye Tata ku kala nkembo ntangu ka yimani amen. ²¹ Gana mboti ku basantu bakulu muna Yesu Klisto. Bampangi ba bena ye munu ba lugeni mboti. ²² Basantu bakulu balugeni mboti, ku tanga bawu ba bena mu nzi Cesari. ²³ Nkenda zi mfumu eto Yesu Klisto zi kala ye beno bakulu. Amen.