¹ Yudea kisadi ki Yesu Klisto ye mpangi u Yakobi, ku bau bena ba bokua mu Nzambi Tata, ye bena balundama mudiambu di Yesu Klisto. ² Bika nkenda ngemba ye lutondo bi lufuluka. ³ Bampangi ba zolakana, i ganga luzolo lufuana mpasi yi lusonokina mu na matadila lugulusu lueto mu kimvuka. Nga yifueti kulusonekina makulu mukusa nde yi lubambula mbundu mu kunuana ye kedika kiakulu mu diambu di lukuikilu luluganama ku bamikuikisi nkumbu mosi mu kimvimba. ⁴ Kadi mukota mu kinsueki gana kati ki bantu. Bau bena bantu ba bakala basolama mu diambu diku zengukila nkanu. Bau balembo kuikila, basobasanga nkenda zi nzambi mu mambu ma nsoni ye ba tunanga Nlongi u mosi u beto Yesu Klisto. Bungangi, nzoledi ku lu bambula mbundu, kani vo luzeyi makulu nde Mfumu ntangu mosi gu gulusa ndambu mosi yi bantu yi Nipiti, kansi landila mana gu bebisa bana ka ba kukila ko. ⁶ Buna bawanzio ba ka balundako nkal'au yi kimfumu kansi ba yambula nzo au (Nzambi u balunda muna mvu ya mvu mu mpimpa, mu mfundusu yi kilumbu kinsuka). ⁷ Bonso Sodomo ye Ngomola ye mbasa zi kinzungidila zi kigana baumosi ku kinsunsa ye balanda nzinunu zi nza. Bakala bonso mbandu mu bau bamona mpasi zi tiya tukatumani. ⁸ Mumpila ya yina, banloti ndosi babebisa nitu zau, bageta kimfumu ye bagoga mambu maluvunu ku bigangu bi nkembo. ⁹ Kani wanzio Mikayeli buka tedimina satana ye usa mpaka mukikuma ki Mose, ka tedimisa mfundu u luvunu muna yani ko, kansi u goga: Bika Mfumu ka kugana kitumbu. ¹⁰ Kansi bantu bana ba sungula bau kabazaya ko ye kabazaya ko (bonso bibulu bikondedi makedika bazeyi kaka nsatu zikinsuni). I bina bitakubafuasa. ¹¹ Kiadi ku bau! Kadi ba ndiatidi mu nzila kayina ye ba ki buisa mu nzimbakana zi Balami mu diambu di nluta. Ba fua muna mbedumuka yi kole. ¹² Yi bau bi wonso mu ma mi nkinzi mieno mi zola. Ba yangalalanga mu m nkinzi konda ku nsoni, ba dianga kaka mu ka ki yangidika bena ma tuti ma konda masa, ba natusuanga ku mupepe. ¹³ Bena mi nti mi mbangala mi konda mbuma (mi fua nkumbu zodi, mi vusuka mi yuma). Bena mafuku ma mbi ma nzadi, ma ta tukisa fulu-fulu di nsoni zau kibeni. Bena mbwetete zi lengananga mu zau zi luntama mpimpa zi nkobo zi mvu ya mvu. ¹⁴ Enoki, gu mosi gu nsambuadi mu bana ba Adami, gu bikula mu ku zayisa : "tala, Mfumu ta kuisa ye makumi ma mafunda ma ba nlongo bandi, ¹⁵ Ta kwisa mu zenga nkanu ku bantu ba bonso, ta kuisa mu tungumuna bankwa luvuezo bakulu mu diambu di mavanga mau ba sala mu ndengi luvenzo ye ngogo miakulu mi ntingununu ba kua masumu bana kaba kuikilanga ko ba zayisa mu yandi." ¹⁶ Yi bantu bobo ba mbokutanga ye ba yaulanga ba sadilanga mu nzila zi mbi. Bena ba kua ki mvuni, muna nkandulu zau mu ku sa nde ba baka mfutu. ¹⁷ Kansi beno, bampangi ba tondama, lu bambuka mbundu mu ngogo mi lu wa mu ntama ku ntumua za Mfumu eto Yesu Klisto. ¹⁸ Ba lu tela : " Mu ntangu yi nsuka, ( ku nsuka ntangu) sa ku kala ba nkua bieya ba sa ba natuka ku ndufu zau zi nsatu zi nitu." ¹⁹ Bantu bobo kotisanga ngambasa. Bena ye mabansa ma ga ntoto ye ba kondolo Mpeve. ²⁰ Kansi beno bampangi ba ntondama, lukitunga beno kibeni mu minu kieno kina kilutidi ki nlongo ye lusambila mu mpeve yi nlongo. ²¹ Luzingila mu zola ku Nzambi ye lukingila nkenda zi Mfumu eto Yesu Klisto zi ta kutunatina luzingu lu mvu ya mvu. ²² Lu kala bantu ba fuilana nkiandi ku bau ba diengananga mbundu (keti keti). ²³ Lu vulusa ba nkaka mu ku ba katula ku tiya. Ku ba nkaka, lu ba kadila kiadi ye gonga. Ka lu golakana nkutu ku mvuatu miau mi funsuka ye mvindu yi nitu zau. ²⁴ Bu ngangi, ku yandi gu lendi ku lu keba mu lembua bua ye ku lu nata kondua mvila ye mu kiesi ki kingi ya meso ma nkembo ani. ²⁵ Ku yani mosi kaka, Nzambi a gulusi eto, mu Yesu Klisto Mfumu, muena nkembo, kinene, luyalu ye lulendo, zono, wunu ye nate mvu mia mvu ya mvu. Ameni.