¹ Bulungidi, bampangi, tuta lugana bunkabu ye kuluzangula mu Mfumu Yesu, bonsu buluwila mawu ku betu,nki mpila lufeti diatila mu yangidika Nzambi; ye buna nkutu luta diatila, luganga bufueni kibeni mambu malunata ku ntuala. ² Kadi luzeyi, nki ndongolo tulutumina tulugana mu Mfumu betu Yesu: ³ Dio dina luzolu lu Nzambi, yikinlongu kibenu; mpasi konsu muntu kavilakana mambi ma ngiangulu, ⁴ Bika konsu muntu mubenu kazaya bueyi kafeti vuila nkentu yani mosi. mu kinlongu ye mu vumi, ⁵ Konda kukiyekula mu nzinunu zimbi( bonsu buganga bapakanu bawu kabazeyi Nzambi ku), ⁶ Ye ka muntu ku kasadila kinsueki ata ganga mambi ku mpangi yani mu mambu, kadi Mfumu wufuemanga ma mambu makulu, bonsu nkutu butuzayisa bonsu butekila ye sikidisa. ⁷ Kadi Nzambi katubokila ku masumu ku, kansi bufueni ku kinlongu. ⁸ Mukuma kio, yonsu si wugeta nsiku miomini ka losedi muntu mosi ku, kansi Nzambi, yu wulugananga Mpevi yi Nlongu yani. ⁹ butadidi zola ku mpangi, kaluna ye mfumu ku nde muntu kalusonikina, kadi Nzambi yani mosi, wu lulonga, luzolana benu ye benu. ¹⁰ Mudiodio, bumboti maluta ganga ku bampangi bakulu bena mu Makedonia mamo, kansi tuta luzangula, bampangi, mugangila buawu diaka bulutidi. ¹¹ Tuta luzangula bufuanekeni mu gumuna mukala basimpama, mukukigana ku mambu mabenu makulu, musala mu moku mabenu, bonsu tuluganina lutumu. ¹² Luganga buawu, mpasi ludiatila muluzitu mu vumi ku bawu bena mu mbasi minsiku, ye bufueni nde kalukadi ku ye mfunu wu nkatu. ¹³ Katuzoledi ku, bampangi, lukala mu mpilakani ku bawu balekanga tulu, mpasi nde kalukadi ku kiadi bonsu bankaka kabena ye vuvu ku ki kuntuala. ¹⁴ Kadi tukuikidi nde Yesu wufua ye wufuluka, bumosi diaka, Nzambi zikanata diaka ye Yesu bakulu baledi ye yani. ¹⁵ Kadi tala, tuta lugogisa mu ngogu wu Mfumu, betu tuta zinga, tuta kingila mvutuka Mfumu, katulutidi ku mukedika bawu beledi tolu. ¹⁶ Kadi Mfumu yani kibeni, ye mboka ntumumunu, mundinga zimbasi, ye tulumeta di Nzambi, si kakulumuka ku zulu, ye bafua mu Klisto si bafutumuka nteti. ¹⁷ Mbosi betu tuna moyu tusidi, si tukala kumosi bazanguka ye bawu mu matuti mu kutana ye Mfumu mu mazulu, ye yibuna situkala bilumbu biakulu ye Mfumu. ¹⁸ Lukibombidila mu nsuka benu ye benu mu mingogu.