¹ Yidina, kukina nde wakangama mu mfumu, munu yilusia misi, benu mudiata munkala yansikangama mu mbokolo yi luabokolua. ² Lutoma kikululua, munlemfu ye mumvivudulu. Lukala ye mvivudulu u benu mu luzolo. ³ Lusala mama lendekeni kua benu mpasi lulunda kintuadi kia mpefi muluvuvamu. ⁴ Nitu yi mosi yina ye mpefi mosi, bonsu benu balubokila munguisani yi mosi mu mbokolo eno. ⁵ Ye Mfumu yi mosi kaka yina, lukuikulu lu mosi, mbotokolo yi mosi, ye Nzambi mosi ye sedi bakulu. ⁶ Yani wena kuzulu di bakulu, mu biakulu ye mu bakulu. ⁷ Kua konsu muntu mu betu wa tambula lenfu bonsu buna nkayilu Klistu. ⁸ Bonsu butedi mansonukua:"Mu ntangu yani ka zanguka mu ma zulu, yani wunata ba kangama mu nkangulu yani wu gana kayilu ku bantu." ⁹ Nki disongila nde "yani wumapa", yani wa kuluuka diaka mu kati ki ntotu? ¹⁰ Yuna wakulumuka yi yani diaka muntu wa tonduka diaka kuntama gantandu ma zulu. Yani wu ganda buna mpasi nde kalungisa bima biakulu. ¹¹ Klistu wa kaba nkayilu bonsu ebue: ntumua, muangisi nsangu ye balongi: mimbikudi. ¹² Yani wusala mana mpasi nde kasadila mi nkikisi mu kisalu ki Nzambi mu diambu diku tomisa nitu Mfumu. ¹³ Yani weti sala mana na ye kuna na teyi kuna betu situ lungisila mu nkituadi kilukuikulu ye mu nzayilu yi Muana Nzambi. Mu nzayilu ya kimbuta mu nkalulu yi mboti mu Klistu. Bonsu bana bena nzayilu na neni mu Klistu. ¹⁴ Yi buna buena mpasi nde betu katukala bonsu nde bana bandueluku. Yi buna diaka buinina kua betu mpasi vo kasi natua mu mupepi wa malongi, muluvunu wa bantu ye nkalulu zia vanga maku ma luvunu. ¹⁵ Kansi betu situguganga kieleka muluzolu. ye situ yela mu makulu mu yani yena ntu, Klistu. ¹⁶ Nteti Klistu wa vukisa nitu zi bakuikilanga mu kinvuka. Yani sika simbana mu nkituadi ku konsu kinvuka bisimbananga, mpasi nde nitu yakulu yi yela yeyi tatamana mu luzolu. ¹⁷ Buna, ntedi ma, ye ngeti ku lusiamisa mu Mfumu: benu kalulendi diatila diaka bonsu ba pakanu ba diatanga mu buzoba bua ngindu zawu. ¹⁸ Bawu bena ye ngangu zisuekama. Bawu bena banzenza luzingu lua Nzambi mukondu zaya ma mena yawu mu kuma kintima miawu mikangama. ¹⁹ Bawu kabamonanga nsoni kutu ku. Bawu bakigananga mu mambu ma nitu, mu mambu makondolo songa, ²⁰ kansi kabuna ku benu bulua wela buba gogila muzaya Klistu. ²¹ Monu tambuela nde bonsu balulonga bu diambu di yani, bonsu buena kiedika mu Yesu. ²² Benu lufueti katula kimuntu kinkulu yuweti kulu nata mungangu za mambi ziki muntu ye katula ngindu zikukiwuna. ²³ Mpasi luavutukila kalulu zampa mu mpefi yi ngindudulu zenu. ²⁴ Lufuata muntu wa mpa wena mu Nzambi, bulua vangua mu lunungu ye nongu ya kiedika. ²⁵ Mu dina, lukatula bia bio kabina bisonga ku. "Luta kiedika, konsu muntu kua mpangi ani", kadi betu tuviulu kua betu ye betu. ²⁶ "Go benu luena mu ngansi, kalusumuka ku."kaluki yambula kuna te ntangu yidimuki ye mu ngansi zenu. ²⁷ Kalu gana zila kua Satana ku. ²⁸ Yonsu yuna woyibanga bubu kalendi yiba diaka ku. Kansi, kayantika musala. Kayantika sala bu mboti mu moko mani, mpasi nde kakala ye ntangu bakabana ye muntu yina mu mfunu biawu. ²⁹ Ka diambu di mosi di mbiku difueti tuuka mu nuaku. Kansi gogu mi mifueti tuka mi fueti kala minfunu mu kulungisa nsatu mu sadisa bawu beti bio vingila. ³⁰ Ye ku muesa kiadi ku mpefi ya longo ya Nzambi ku. Kadi ye mu diambu di yani benu lua kangama mu diambu di kumbu yina situa kutulua. ³¹ Benu lufueti katula mambu mambi, gansi zi ngolu, gansi, kuyumana ye kufinga, buna diaka ye konsu mpila gansi. Mambu mambi a lufueti sala. ³² Lukala ba mboti benu ye kua bankaka. Lukala ye ntima lemfu. Lulomba sana lemfu benu ye benu bonsu Nzambi kalulemfukila mu Klistu.