¹ Polu yi ntumu yi Klistu Yesu mu luzolu lu Nzambi ku ba nongo bena ku Efeso ye ba kuika ma mu Klistu Yesu. ² Ye nlemfu wukala mui bena ye luvuvamu kitukidi ku Nzambi yi se dioto ue mfumu Yesu Klistu. ³ Bika Nzambi se di mfumu muetu Yesu Klistu katondua watusakumuna mu wusakumunu zakulu zi kimefi tuka zulu mu Klistu. ⁴ Nzambi watu sola mu yani tuka mu nyantukulu a nsi mpasi tukala nlongo ye kondu kifu ga masu mani. ⁵ Nzambi watu sala tuka muna luyantukulu bonsu bana mu Yesu Klistu bonsu buena luzolu luani lu mboti. ⁶ Tuzitisa bunene ye zola kuani kadi watu kabila beto bu mbeto luani mu kimvuki ki muanani yuy kazola. ⁷ Muku kua kia menga ma Klsitu tukatu ka mu kinanga : mu diambu diani Nzambi wuya mbudila masumu metu Nzambi wutusongedi , nlemfu ani wukondua nsuka. ⁸ Wufulusa yawu ye wutugeni betu nduka zakulu. ⁹ Wutu tela kinsueki ki ntimani mana kakubika mu mambote kimvuka ki Klistu. ¹⁰ Lumbu kuena Nzambi si kafuanikisa lukanu luani sika tula Klistu mfumu yi mosi mu bima biani biakulu kasala ku zulu ye ntotu. ¹¹ Nzambi wukubika mambu bonsu bukana ye bonsu buka zodila yidina betu bantu ba ntete bakatula ntima. ¹² Nzambi wusuekula bantu banin kadi yani wa tusola tuka ntama tusika nzitusu ani. ¹³ Muki mvuka ki Klistu benu mpi lu wa nsangu zi mboti matukidi kua Nzambi mpi mata kulu sadisa mpasi luvuka mukimvuka kiyani lutambudila, buna Nzambi sidi dimbu kiani; yi mpefi santu wuna kasila. ¹⁴ Kiedika ntangu mpefi ya longo yikoledi mu betu buna disongeledi, tubakidi ndambu mawete ma lunda Nzambi bantu bani situbaka wankulu lumbu situkaatukala mu kimumbu mpasi tumona nkembo a Nzambi yetu zitisa. ¹⁵ Yi kuma lumbu bia kuu yi gananga matondo mu diambu di benu ye kadi yi widi bu luete sa kivuvu ku Mfumu Yesu. ¹⁶ Kikondua sambila mu diambu di benu ku. ¹⁷ Yi sambila Nzambi yi Mfumu yetu Yesu Klistu Tata luzitu kalugana mpefi yi ngangu ye kalusonga bonsu bukena. ¹⁸ Yilombanga kasonga benu mamboti makalubokidila ye kimvuama ki nsuka ku, kina kaludila bantu bani. ¹⁹ Buna silu zaya ngolo zani zi kuzozisala nga mu betu bantu tu kuikilanga Nzambi wusadilanga ngolu zina kazena ndilu ku. ²⁰ Ntangu kafulukisa Klistu ye wuvuandisa a wana nfulu kizitusu kuna zulu gana mbela yani. ²¹ Mpefi zakulu zo batu babokilanga: Mfumu yi zulu ye ntotu, yena ku nsi malu ma Klistu; ka yi mosi yi lenda luta ngolu. Kikala mu ntangu betu evo mu ntangu yina kuisa. ²² Nzambi wutula bima biakulu kunsi amalu ma Klistu; ye wunsola kakala ntu a Ekelesi. ²³ Ka mpamba ku Ekelesi yena bonsu nitu yi Klistu u kati kina Klistu wena wa mvimba, ye mu kati kia Klistu Nzambi wena wa mvimba.