¹ Polu, wabokulua kua Klistu Yesu mpasi kakala ntumua mu nlemfu Nzambi, ye mpangi etu Sositene. ² Ku dibundu di Nzambi ku Kolinto, kua bawu Klistu Yesu kasakumuna mubokulua ba nlongu. Betu tueti sonika diaka kua bawu ba lombanga nkumbu Mfumu etu Yesu Klistu mu bifulu biakulu, Mfumu awu ye Mfumu etu. ³ bika nlenfu ye yenge ki Nzambi se dietu ye Mfumu Yesu Klistu bikala ye benu. ⁴ Monu yivutulunga matondu kua Nzambi amu, mudiambu nlemfu walugana Klistu Yesu. ⁵ Yani walusakumuna mu bima biakulu, mu mambu makulu ye mu mbakusulu zakulu. ⁶ Yani wa lusakumuna bonsu bu lueti vingila nzayikusu ya Mfumu etu Yesu Klistu. ⁷ Mudina, benu ka lukondoli nkayilu wa nlemfu a mazulu ku, bonsu bu lueti vingila nzayikusu ya Mfuu etu Yesu Klistu. ⁸ Yani si kalusikimisa na te ye kuna nsuka. Buna benu si lukala bantu bakondolu nkanu mu lumbu kia mfundusu. ⁹ Nzambi wena wakuikama, yani wa lubokila mu kimvuka kia muana ani Yesu Klistu Mfumu etu. ¹⁰ Monu kieti kulusiamisa bubu ba mpangi ba bakala ye bakentu mu nkumbu Mfumu etu Yesu Klistu yu lua tambudilabe benu kulu, ye mpasi nde ka ngambani osi ku yikala ga kati ki benu. Minu yi lulombedi lua fukama benu kulu mu mpefi yi mosi ye mudiambu di mosi. ¹¹ Kadi monu yi widi ku bantu ba Kilowe nde mayuma mena ga kati kibenu. ¹² Bubu nzoledi kulusonga mambu ma : "Ku bawu batanga, Monu ngiena ye Polu", kani nde "monu ngiena ye Apolu, kani nde " monu ngiena ye Kefe", kani nde "monu ngiena ya Klistu". ¹³ Keti Klistu wena wa kabana? Keti Polu wakomua mudiambu di benu? Keti benu mu nkumbu Polu lua botimina ? ¹⁵ Monu ntondedi Nzambi bukiena nde ki sa botika muntu ku ga kati kibenu, kaka Klisipu ye Ngayu. ¹⁴ Mpasi nde muntu kataku nde yani wabotama mu nkumbu amu. ¹⁶ Monu yabotika diaka nzo yakulu yi Sitefana. Buna kunima, kizeyiku keti bantu diaka yi botika. ¹⁷ Kadi Klistu kamfidisaku mu kubotika, kansi mu samuna nsangu za mboti, ye ka mu ngangu za kimuntu ku, mpasi nde kilunsi di Klistu kadi kondu ngolu zani ku. ¹⁹ Kadi nsangu za kulunsi yi mpila bu lawu ga mesu ma bawu ba fuanga. Kansi kua bawu bavulusuanga ku Nzambi, yina yena ngoli zi Nzambi. ¹⁸ Kadi busonama :"Monu si yifuasa nduenga zi bankua nduenga. Monu sa yikatula nzayilu yi bankua ngangu". ²⁰ Kueyi kuena muntu nduenga? Kueyi kuena muntu wa longuka? Kueyi kuena muntu mpaka za nza yayi ? Keti Nzambi kakituka nduenga za nza yayi mu buzengi ku. ²¹ Tuka nza mu nduenga zani kavilakana Nzambi, ngiangalala yikala ku Nzambi mu ku vulusa bana batambudila buzengi mudiambu di nsamu wa mboti. ²² Kadi ba Yudayo balomba bidimbu bi bi mamangu, ba Eleni ba sosa nduenga. ²³ Kansi betu tueti longa Klistu yu wakomua tadi di sakuba ku ba Yudayo ye buzengi bu ba Eleni. ²⁴ Kansi, kubawu kabokila Nzambi, ba Yudayo ye ba Eleni, Betu tueti longa Klistu bonsu lulendu yen duenga zi Nzambi. ²⁵ Mudiambu buzengi bu Nzambi bulutidi nduenga zi bantu, ye kondu ku ngolu kuani kulutidi mu ngolu ye kuku bantu. ²⁶ Lutalambokolu enu ba mpangi. Banduelu ga kati kibenu bakala ye nduenga mu nkadulu ya kinsuni. Banduelu ga kati kibenu bakala ye lulendu. Banduelu ga kati kibenu bakala ye luzitu lua mbutukulu. ²⁷ Kansi Nzambi wusalanga bi buzengi bi nza mu kufuisa nsoni ku bankua nduenga. Nzambi wusola babakondolu ngolu mu nza mpasi ba fuisa nsoni ku ba bena ye ngolu. ²⁸ Nzambi wasolua ba bena banduelu ye ba kabazolakana ku mu nza. Yani wasola nkutu bima bina bizoluanga bonsu bima bi mpamba, mpasi nde ba fuasa bima bizolakanga bonsu nde biena mfunu. ²⁹ Yani wasala mana mpasi nde muntu kakimaku ga ntuala yani. ³⁰ Mudiambu di mana kasala Nzabi, bubu benu luena mu Klistu Yesu yu wakituka mu diambu di benu nduenga zatuka kua Nzambi, lunungu luetu, mpedosu etu ye nkululu etu. ³¹ Buna bonsu buasonama:"yonsu wu ki kisemanga yani ukisemanga mu mfumu."