¹ Amang'ashunul'echiziriko cha mushanvu hab'omu mpingu akahuzo k'echichira k'akashanji. ² Nabona ba malayika mushanvu bayumangir'emalanga ga Nyamuzinda, bahabwa mirizi mushanvu. ³ Owundi malayika ayinja, ayimang'oku lurhamba aherhe olujo lw'ehoro, bamuha amavurha manene mpu amarhule haguma namahuno g'abachese oku lurhamba lw'ehoro luli embere y'entebe y'obwami. ⁴ Omusi gw'amafurha gwazamuka haguma namahuno g'abachesibwa omu fune ya malayika embere za Nyamuzinda. ⁵ Na malayika arhol'olujo alubumb'omuliro g'olurhamba akabula omu gulu, hab'emirenge, y'emirazo, n'emibaraganyo n'emisisi y'egulu. ⁶ Na malayika wa mushanvu aligwerhe mirizi mushanvu achirheganya oku yibandamo. ⁷ Omu rhanzi abanda omu mulizi: Haba olubula n'omuliro guli mw'eshagama, abikweba omu gulu, echi gabi cha kasharhu ch'egulu chahya, n'echigabi cha kasharhu ch'emirhi chahya n'ebirhi bibishi bya sirera. ⁸ Malayika wakabiri abanda omu mulizi: n'echintu chiri nka ntondo nzibizibu eri ya kolera k'omuliro ya rhoger'omu nyanja, n'echigabi chakasharhu ch'enyanja chahindamuka shagama. ⁹ N'echigabi chakasharhu ch'ebilemwa bizene by'omu nyanja byafa, n'echigabi chakasharhu ch'amarho chazika. ¹⁰ Malayika wa kasharhu abanda omu mulizi, omu malunga mwarhog'enyenyezi ekolerere nka chisesi ya rhogera echigabi chakasharhu ch'enyinji n'echoko z'enyinji. ¹¹ Ezino lyeyo nyenyezi gw'omubirizi,n'echigabi chakasharhu ch'enyinji chalula nka mubirizi n'abantu banene bafa n'ako kalulo kago menji,bulala galula bwenene. ¹² Malayika wakane abanda omu mulizi, echigabi chakasharhu ch'ezuba chashurhwa, n'echigabi chakasharhu ch'omwezi, n'echakasharhu ch'enyenyezi, mpu ly'echakasharhu guba mwizimya, mpu ly'olusiku luhez'echigabi chakasharhu ch'obuche n'obudufu ntyo. ¹³ Nalola, na yunva chinyunda oli ager'omu nkub'ebiri, aderha n'omulenge gunene: Buhanya, buhanya, buhany'oku bali omu gulu enyanya ly'endi milenge 'yemilizi ya ba malayika basharhu bayorhere oku band'omuyo.