¹ Ebuzinda bw'ebyo, nabona ba malayika bane bayumangire oku nyund'ene z'egulu, bafarhir'emihusi ene y'egulu mpu; erhahusaga oku daho, ou nyanja n'oku murhi. ² Kandi nabon'owindi malayika azamuk'okulunda lw'obu shoshokero bw'ezuba, agwerh'echiziriko cha Nyamuzinda ozene; ahamagala n'omulenge gunene ku bamalayika bane bahabwirwe kujira kubi omugulu, n'oku nyanja, ababwira: ³ Murhajir'okubi omu gulu, oku nyanja, n'oku mirhi kugera rhuhir'echimenyis'oku malanga g'abakozi ba Nyamuzinda werhu. ⁴ na yunv'oluganjo lwabahiragwa kw'echimenyiso bihumbi egana na makumi mane na bane bama shanja gwoshi ga bene Israeli. ⁵ Omu shanja lya Yuda, bihumbi ekumi na bibiri by'ahebagwa kw'echimanyiso, omu shanja lya Rubeni bihumbi ekumi na bibiri, omu shanja lya Gadi bihumbi ekumi na bibiri. ⁶ Omu shanja ly'Asheri bihumbi ekumi na bibiri, omu shanja lya Nafutali bihumbi ekumi na bibiri, omu shanja lya Manase bihumbi ekumi na bibiri. ⁷ Omushanja lya Simeoni bihumbi ekumi nabibiri, omushanja lya Lawi bihumbi ekumi na bibiri, omu shanja lya Isakari bihumbi ekumi na bibiri. ⁸ Omu shanja lya Zebuloni bihumbi ekumi na bibiri, omu shanja lya Yusufu bihumbi ekumi na bibiri, omu shanja lya Benjamina bihumbi ekumi na bibiri . ⁹ Ebuzinda bw'ebyo, nalola nabona olubaga lunene ntaye wa kagala kuluganja, bantu ba ngasi chihugo, ba ngasi buko, ba ngasi shanja, na ngasi lulimi bayimangire embere y'entebe y'omwana w'echibuzi, bayamber'emyambalo y'omweru, bafarhir'amarhabi g'emishugushugu omu fune. ¹⁰ Yibayakuz'oku mulenge gunene baderha: mpu obuchunguke buli bwa Nyamuzinda oyikere oku ntebe y'obwami n'omwana w'echibuzi. ¹¹ Na malayika boshi bagorh'entebe y'obwami n'abashaja n'ebiremwa bine bizene : Bali baramya n'okuyinamy'amalang'embere y'entebe y'obwami n'okukuza Nyamuzinda. ¹² Baderha: Amina! Obukuze,erenge,obulenga, okusima, olukengo, obushobozi, n'emisi bibe bya Nyamuzinda werhu emyaka n'emyaka! Amina! ¹³ Na muguma omu bashaja aderha : aba bayamber'emyambalo y'omweru, babande na ngahe barhenga ? ¹⁴ Na mubwira: Waliha weyinji. Ambwira, abo barheng'omu malibuko manene bamesher'emyambalo yabo banayikomy'omu shagama y'omwana w'echibuzi. ¹⁵ Chechirhumire bali embere y'entebe y'obwami bwa Nyamuzinda n'okumuoler' ezuba n'obudufu omwishengero lyage. Oyikir' oku ntebe y'obwami njalambul'obumbake bwag'enyanya lyabo. ¹⁶ Barhakachifa shali, barhakachiyunva nyorha n'ezuba lirhakachibashurha na nta chuka. ¹⁷ Bulal'omwana w'echibuzi ali ahagati n'entebe y'obwami; nj'abayabula n'oku balongola bahik'oku shoko ya menchi g'akalamo na Nyamuzinda nj'ashangul'emiziga yoshi omu mesho gabo.