¹ Enyuma waho nabona owindi malaika ayandagala kurheng'empingu ely'agwerhe obuhashe bunene n'egulu lyamolekera oku bukuze bwage. ² Ayama n'omulenge gunene n'okuderha: Amarhooga, amarhooga Babiloni mukulu chikola chikalo chabazimu mahumukiro n'abazimu ba ngasi buko, chibuso. ³ Bulal'amahanga goshi ganywere okudivayi y'obuhushi bwage n'abami b'egulu chachihanire haguma naye omu buhushi n'abarhunzi b'egulu bachirir' obuhashe bw'obulimbi bwage. ⁴ Nashub'iyuva ogwindi mulenge gwahuluka omumpingu gwaderha: rheng'ahagarhi kabo lubaga lwani, kujira mp'orhashangira obubi bwage, rhana yambukuzwa okubuligo bwage. ⁵ Bulala ebyaha byage bikulikirene kuhika omu mpingu na Nyamuzinda ayibukir'ebijiro byage bibi. ⁶ Mumujuhe k'okw'ajuhag'abandi mumurhegeke kabiri kulingana n'ebijiro byage. Omungumbu ashesheragamo ashesheramo kabiri. ⁷ Okwa chihag' obukuze n'okuchih'obugale , mu muh' amalumwa,n'oburhe kolo lugero. Bulal' ana derh' omu murhima gwage: mpu nyikere mwamikazi, ntali mushumbakazi,chiro ntakaba n'omugayo. ⁸ Enyanya ly'ebyo obuhane bwage bwayija oku lusiku luguma, olufu, oburhe, eshali, naye alimbulw n'omuliro Bulala Nyamuzinda omuchirir' olubanja alimunya misi. ⁹ N'abami boshi b'egulu achihanag' omu buhushi haguma naye omubulimbi nji balaka n'oku chivuvunya enyanya zage, amango babon'omusi g'oguhya kwage. ¹⁰ Nji bachiheb'eburhambi enyanya w'obuba bw'obuhanya bwage n'oku derha: obuhanya,buhanya oku chishala Babiloni, chishagala ch'obubasha, olubanja lwage nji lwachibirwe oku chisanzi chiguma chonine. ¹¹ N' abajiraga oburhimbuzi omu bihugo balaka bajira n'eshibo enyanya zage bulala ntay'ochibagulir'oku burhimbuzi bwabo. ¹² Oburhimbuzi bw'ehoro, amabale g'akachiro, amagerha, emyambalo yagachiro, n'emyambalo y'omuduku, ¹³ oburhimbuzi bw'emirhi y'obuko boshi, ebintu bikolerwe n'amahembi, n'emirhi yakachiro kanene, ebintu bikolerwe n'emiringa n'omubyuma n'amabale gadukwire, n'agalambuka. Oburhimbuzi bw'echinamomo,n'amomo,obomuganvu, n'obuku,n'eshangi, obw'edivayi, n'amavurha, obweshano, n'obwenkavu, n'ebibuzi, obw'efarasi, n'engale' obwabaja, n'abantu. ¹⁴ N'anmalehe gal' omurhima gwawe guchifinja bichigendere byakushaga, n'ebintu byoshi by'obulimbi n'eby'akachiro byakuhirimire orhakanachibibona. ¹⁵ balala barhimbuzi b'ebyola bakazaga murangulira bachihir'eburhambi bali bayubaha amalumwa gage. Balaka n'okuboroga n'okumushibuka. ¹⁶ Ba derha, buhanya, buhanya oku chila chishagala chinene chali chiyambikirwe emishangi y'echitani,n'eshushir'eshagama,n'edukwire. chabaga chamayambala ,n'enjuma z'amabale m'agachiro kanene,n'amagerha. ¹⁷ Abagendes' enviyo, ngasi mwekereza, nangasi yeshi oger'omu nyanja, abashana, nabala boshi bakol'omunyanja baj'eburhambi. ¹⁸ Bali bayama oku bona omusi gw'engulumira: baderha, chishagala chihe chaliri chinene nkechi? ¹⁹ Balibachihira kw'akachulo omu rhwe, n'okuyama, n'okulaka n'emishibo;Buhanya,buhanya echishagala chinene, ngasi bajir'amarh'omu nyanja bugale bwacho bwabagazaga mu kasanzi kaguma chaba mushaka. ²⁰ Mushagaluk'enyanya zage mwe mpingu 'enyu mwe bachesibwa, n'entumwa, n'abalebi, bulala Nyamuzinda amach'olubanja lwenyu enyanya lyage. ²¹ Namalayika muguma w'omunyamisi abarhul'ebale nka bale lizibuzibu liri nka lushyo, ali kabul'omunyanja, aderha, nkantyo oku misi minene nj'akabulwa Babeli,echo chishala chikulu chirhakana chibokanako loshi. ²² Emilenge y'abazih'enzenze, n'abaziha enanga,n'efirimbi, n'ababuh'omu mushekera birhakachiyunvikan omukarhi kawe loshi,loshi; na ntamulenga w'akasi kwoshi arhakachiboneka omu karhikawe loshi. chiro n'omulenge g'olushyo gurhakachiyunvikana omukarhi kawe loshi. ²³ Chiro n'oku kolera kw'olwenge gurhakanachibonekana omu karhi kawe.Chiro n'olenge g'omuhya mulume n'omuhya mukazi gurha kachiyuvikan' okarhi kawe loshi; bulala ba barhimbuzi bawe baliri bakulu b'ebihugo, bulal' abantu boshi balirhebekerwe oku bukurungu bwawe. ²⁴ Mukarhi kage mwabonekan'eshagama y'abalebi n'eya bachesibwa n'eyabala boshi bayirhwag' oku gulu.