¹ Nashuba bon'echindi chimanyis'emalunga, chaliri chinene na chidarhi: balaika mushanvu baligwerhe mahanya mushanvu, gagobuzinda, bulala gagamalis'omungo goshi gwanyamuzinda. ² Nanabon'eri nka nyanja, evanzizwe n'omuliro, nabalala bahimag'echilyanyi, eshuchanyo yacho, n'oluganjo lwezino lyacho, eribyayumangire kweyo nyanja yabaraganya, banagwarhir'enzenze za Nyamuzinda. ³ Eri bali bayimp'olwimpo lwa Musa mukozi wa Nyamuzinda, n'olwimpo Mwana buzi bana derha mpu: Ebijiro byawe biri bidarhi n' oku somezwa, Nyamuzinda, mugala byoshi! enjira zawe zikwanene zina shinganene, Mwami wa mashanja goshi. ⁴ Nyakasani inde orhanka kuyubaha akakuza ezino lyawe? bulala wenine we mwimana n'amashanja goshi nji gayinja omwawe n'oku haramya, bulal' endane yawe yabonekene. ⁵ Buzinda gwaho nabon'eshsngero ly'echihando chobuhamirize bw'empingu lyachingulwa; ⁶ Bala bamalayika mushanvu baligwerhe gala mahanya mushanvu,bahuluka omu shengero, baliyamber' emishangi ekomere y'okubaraganya erhanali kuzabyo, balizngir'omukaba gw'ehor' omuchifuba. ⁷ Echiryanyi chiguma mubilala, binene, chahereza balal bamalayika mushanvu, rhebehe mushanvu shwamasholo rhuyunjwire burhe bwa lulema olam'emyaka n'emyaka. ⁸ Eshengero lyayunjula myusi enyanya z'erenge lya Nyumuzinda n'obuhashe bwage; nantamuntu yeshiyeshi wakajire omushengero, kuhik'amango ago mahanya mushanvu gabo bamalaika mushanvu gegerekana.