¹ Nabona owindi malayika oherh'obuhashe, ayandagala kurheng'embingu, achishukir'echichu; okwirhe lyage kuli omungere gw'envula, n'amalanga gage gali nka zuba, n'amagulu gage nka birimi bya muliro. ² Aligwerh'omufune yage chitabu chigeke chibumbwirwe, aheb'okugulu kwage kw'amalyo oku nyanja n'okugulu kwage kw'amalelbre oku budaka. ³ Ayam'oku mulenge gunene, nka muhiriro gwa Ntale. Amalire yama, hayunvikana omulenge gunene nka gwa mikungulo mushanvu y'enkuba. ⁴ Amango eyo mikungulo ya yunvikana; nayunv'omulenge kurheng'empingu y'ambwirantya: zirika ebiderhwa mikungulo mushanvu orhana yiandikaga. ⁵ Na malaika, nabonaga ayimangire oku nyanja n'okubudaka, alambul'okuboko kwage k'okulyo empingu. ⁶ Ajir'endahiro oku lamir'emyaka n'emyaka owalemaga empingu n'a byoshi bibayo, alem'egulu na byoshi bibamo, alem'enyanja na byoshi bibamo oku harhachib'akasanzi. ⁷ Aliko oku lusiku lwa malayika wa mushanvu amango abanda omu mulizi, ehwe lya Nyamuzinda lyahikirira nko kw'abwirag'abaganda bage n'abalebi. ⁸ N'omulenge nayunv'empingu, gwambwira kandi, gwaderha: genda, orhol'ehyo hitabu hityu hibungwirwe omu fune ya malayika oyumangire oku nyanja n'oku daho. ⁹ Naj'emunda Malayik'ali namubwira ampe echo chitabu. Naye ambwira: rholach'ochilye: s'aliko chalula omunda yawe s'omu bunu chaloka nka buchi. ¹⁰ Narhol'ehyo hitabu hityu omu fune za Malayika nahimira: hy'aba omu bunu nka buchi, hyabere hyager'omunda, enda yabumba kalulo. ¹¹ Nantyo b'amwira: oshube olole kandi ku bantu banene, emilala, amashanja, n'endimi n'abami.