¹ Abwene olubaga azamukir'oku musozi: abere amayikala abigirizwa bage basheger'ahali. ² Achingul'obunu aderha;

¹¹ Eragi mwabo amango bali babajachira n'okubalibuza, n'oku baderhera ngasi mwazi mubi oku bubeshi enyanya lyani. ¹² Musime muna shagaluke bulal'oluhembo lwenyu luli lunen'empingu; bulala ntyo kubalibuzag'abalebi babarhangaga.

¹³ Mwabo muli munyu gw'egulu, aliko nk'omunyu gwa nkahez'eloka lyago, gurhe bankachigujira ligurhwa? gurhachi kwanene chiro n'ehityu, gukabulw'embuga gulabarhwe n'abantu. ¹⁴ Mwabo muli lwenge lw'egulu, echishagala chiri oku musozi chirhachibisha. ¹⁵ Chiro n'abantu barhakolez' Etara lyabo bakalihir'omuntalule, si kulihir' okukashasha likolelezeze abali omunju. ¹⁶ Nantyo, olwenge lwenyu lukolezez'abantu babon'ebijiro byenyu binja, bakuze Nyamuzinda yish'olimu mpingu.

¹⁷ Murhamenyaga mpu nayinjire kubihy'amarhegeko changw'abalebi; ntayinja kubihya, s'aliko kuhikiriza. ¹⁸ Bulal'okuli mbabwirire, chir'empingu n'egulu zakarhenga, eyodi nguma n'adomo kaguma karhagarhenga, kuhika byoshi bihikirire. ¹⁹ Nantyo, omuntu yeshiyeshi wavun'erhegeko liguma mwezi zidorho n'okuyigiriz'abantu birintyo, ahamagalwa mudorh' omubwami bw'empingu, alik'omuntu wazigala n'okuziyigiriza, oy'ahamagalwa mukulu omubwami bw'empingu. ²⁰ bulala mbabwirire okuli kwenyu ekaba kurhankalush'okuli kw'abandisi n'abafarisayo murhankaj'omubwami bw'empingu.

²¹ Mwayunvirh'abantu bamira babwirwa: orhahir'okayirha, n'omuntu akayirha anachirwa olubanja. ²² Aliko nyono mbabwirire ngasi muntu walubira mwenewabo naye achirw'olubanja, n'akab'omuntu akabwira mwenewab' echihwinja, bamuhire omu kabuga; n'omuntu wakaderha oku mwenewabo chiwinja akabulwe omu chihenama ch'omuliro. ²³ Nka wakalerh'entulo yawe oku lurhamba, okayibuk'oku mwenewenyu agwerh'omwazi enyanya lyawe, ²⁴ Rhang'olek' entulo yawe ogend'ojiyunvikana na mwenewenyu, ogaleyinja rhul'entulo yawe. ²⁵ Yunvikana n'omwanzi wawe muchir'omunjira lyarha kuhek'emo muzuzi n'okukulerhera abapuruzi bakushweke. ²⁶ Nkubwirir'okuli barhankakulika kuhik'ojuhe olufranga l'obuzinda.

²⁷ Mwayunvirhe baderha mpu: orhahir'okahusha. ²⁸ Aliko nyono mbabwire: walolerez'omukazi omukumushumira eyana hushire naye omu murhima gwage. ²⁹ Nk'erisho lyawe ly'amalyo lyamakugomera olishugule, olikabule hale nawe, bulala kuli kwinj'echigabi chi nguma chihere hal'omubiri goshi gukabulwe ochihenama. ³⁰ N'akab'okuboko kwawe kwa malyo kwankakugomera oguche, okukabule hale nawe, bulala kuli kwinja chigabi chiguma chihere hal'omubiri goshi gukabulw'omu muchihenama. ³¹ Biderherwe: owahiga mukage amuyandikir'olwandiko l'okulekana. ³² S'aliko nyono mbabwirir'oku walekana na mukage nkarhali oku njira y'obuhushi, ery'amamuhir'omubuhushi.

³³ Kandi mwayunvirhe okw'abamira babwirwa: orhahir'okaj'endahiro, s'alik'ohikiriz'omuhigo gwaw'emwa Nahano. ³⁴ Aliko nyono, mbabwirire mwabo: orhahira okahir'endahir' oku mpingu bula y'entebe y'obwami bwa Nyamuzinda. ³⁵ Changw'oku gulu bulala y'entebe y'amagulu gage changw'oku Yerusalema bulala koku bwami bwa Mwami mukulu. ³⁶ Orhajira endahir'okw'irwhe lyawe bulala orhankajir'oluviri lwawe kuba lwamweru changwa lwa mukara. ³⁷ Alikw'emyazi yawe ebe: n'echi, n'echi, nanga, nanga okarhalusaho eribikala bya Ndalya.

³⁸ Mwayunvirhe oku baderha: okw'erisho oku lisho n'erinyo oku linyo. ³⁹ S'aliko nyono mbabwirire mwabo: Murhajaga buhaka n'omushombanyi, omuntu akakushurh'omwirhama ly'amalyo, wanamuhindamulira ery'okulembe. ⁴⁰ Nk'omuntu alonz'okukulega, akarhola esangere yawe, omulekere n'egorhe. ⁴¹ Nk'omuntu akakuseza okujira endambagiro nguma naye, wanav'ojira endambagiro ebiri. ⁴² Orhayimaga okuhunire, orhanalahiriraga owalonza okuchiyindik'emwawe.

⁴³ Mwayunvirhe oku baderha mpu: osime omwalungwe, ogay'omwanzi. ⁴⁴ Aliko nyono mbabwirire: musime abanzi benyu, mugishe ababajachira, babagayire, munahemere babajirir'amabi n'okurhindibuza. ⁴⁵ Yimuba bana ba Yisho oli mpingu, bulal'arhuma ezuba l'yage oku babi n' oku benja. Ananyesa envula yage oku banyakuli n'oku n'abanya byaha. ⁴⁶ Nka mwakalonza babasime, luhembo luchi mwankabona, k'abafurhis' ebarati barhajira ntyo. ⁴⁷ Nka mwalamusa benebenyu bonine, eri chichi mujirire chirhalukir'abandi? ⁴⁸ Mube beru kweru nka kulala y'isho w'empingu aba mweru kweru.