¹ Naj'emwenyu obwa kasharhu ngasi buhaka bwaderhwa embere z'abahamirizi babiri changwa basharhu. ² Amango naliriho obwa kabiri, namalire kuderha kandi zene ntaliho namashubi derha bulala bajirir'ebyaha hano nyuma nyuma n'oku bandi boshi oku eyi nkagaluk'emwenyu ntacho nyechikolese changwa nyechijire. ³ Bulala mulonzez'echimenyiso nkaba Kristu onderheramo yewe yerhali muzamb'embere zenyu, aliko nde oherh'emisi muli mwabo? ⁴ Bulala abambwaga enyanya z'obuzamba aliko alamir'enyanya z'emisi ya Nyamuzinda, nerhu rhuli bazamba muli yewe s'aliko rhwelame muli yewe kugerera oku buhasha bwa Nyamuzinda bwakol'emunda rhuli. ⁵ Muchilol'emurhima mwenyine ku mwenyeni akaba muli omu bwemere Muchiyemeze mwenyine. Kamurhamenyere oku Yesu Kristu ali mu mwabo? Akab'arhalintyo, kuderha oku murhayemererwe. ⁶ Aliko ndagalire oku mumenyere oku rhurhalahirwaga. ⁷ Nantyo rhuhunire Nyamuzinda rhurhajirag'amabi, arhali mpu rhubonekane rhwenyine oku rhurhalahirwaga, s'aliko rhujir'ebikwanene, rhubonekane bayemerwa. ⁸ Bulala rhurhaherh'obuhashe bw'okulahir'okuli s'obuhashe bw'okuyemer'okuli. ⁹ Rhuchisimis'amango rhuli omu buzamba, s'aliko muherh'emisi, birhunahuna omu mahuno gerhu, kuli kugenderera kwenyu. ¹⁰ Chirhumire nayandik'ebibintu, eli ntahali nk'ohali, ntakolesez'oburhe kukulikirana obukulu Nahano ampere omu kubah'emisi s'arhali omubusha. ¹¹ Okubiyorhere, beneberhu mube omu busime, muchikwize, musimane, mube n'enyifinjo ziguma, mulame omu murhula, na Nyamuzinda w'obusime n'omurhula aba haguma nenyu. ¹² Mulamusane, mwenine oku mwenyine omu kuhoberana kuchere. ¹³ Abachesibwa boshi babalamusize. ¹⁴ Olukogo lwa Nahano Yesu Kristu, n'obusime bwa Nyamuzinda, n'okubuguma bwa Muka Ochere bube haguma nenyu mweshi.