¹ Ano Agrippa aghamba kwa Paul, "Ove kuvhura kughamberapo naumoye makura Paul ahonyonona liwoko lyendi no kulikandura mwene' ² Ame kughayara naumwande nahafa, hompa Agrippa, kuna kuya rapota ame namuntji kumarundiro naghantje gho va Juda. ³ Sinene po mukonda ove muyivi wamunene kumpangera da va Juda no mapuro. Ame nakulikwambera ghundjuve me nolididipito. ⁴ Usili, va juda navantje vayiva omo natungire kutunda kuudinkantu wande mumuhoko wande no mu Jerusalem. ⁵ Vavo vantjivire me kutamekara kulitame kero, nange kuvhura vavo vavitambure, ame kwa tungire ngoli muPharises, una nkondo waruha rwa rwamapuliro ghetu. ⁶ Mbyovyo ame ninayimana pano nipangure mbyovisi lighuguvaro mulitubwidiro lya karunga kuvasa vetu. ⁷ Elino ndyo lyolitubwidiro kudimuhoko murongo navavili mulihuguvaro lya kutambura opo vavo mukutanga karunga kupira uhura matiku na mwi, no momu mulihuguvaro, hompa, ano vaJuda kuna kundundira me. ⁸ Mukonda yanke mughayarera anwe vakudira kupura asi karunga kurambwita vafe? ⁹ Weno ngoli, ame naumwande kuna kughayara niruwane vininke vya vingi mulidina lyaJesus wa va Nazareth. ame naviruwanine me vino mu Jerusalem. ¹⁰ Ame nopa patililire vantu vovangi vokupongoka vakarunga mudorongo mumpangera na wanine kutundilira kuvaruti kurona, no apa vavo vaghambe. ¹¹ Ame nava tengilire rukando rwa rungi musinagoge nadintje no kusetekerako kuvatininika vavo vaghambe. Ame kwava garapilire unene nakuvapiruka vavo noku va dipaya nampilie vantuntavirongo vo mudoropa da peke. ^{12 14} Apa ame naviruwanine vino, anikayenda ku Damascus nampagera no dimuragho dakutunda ku va ruti kurona. No mundjira yande yako, pakatji kaliyuva, hompa, Ame ani kenge ghukenu kundundu kuliwiru kutwedera unene kupitakana liyuva, no ¹³ Alitutwedere natuvantje twa welilire palivhu, ame nayuvire liywi lina kughamba kwande aligha,ba muliraka lya ruHebrew, 'Saul, Saul, konda munke una kuhepekera ame? Ngoli ove udito kutanga Sikombo. ¹⁵ Makura ame anighamba , 'Overe, hompa? alimburura, ' Ame Jesus oghu wahepekiro. ¹⁶ Weno sapuka no uyimane ove no mpandi, mukonda yavino ame namoneka koye, nikuworowore ghukare muruwani no ghukare mbangi kuhamena kuvininke ovyo wayiva vyo kuhamena me weno no vininke navintje ovyo nika kunyima, ¹⁷ No ame kuninko kuyoworo ku vantu no dimuhoko peke oku na kukutuma. ¹⁸ Kupaturura mantjo ghavo no kuvapirura vatunde kumundema vayende vayende kwa karunga mposi vatambure kwa karunga lighupirepo lyo ndjo no ghupigwa natapa kwawo ovo vatulira ntere mulipuro mwande. ¹⁹ Makura ngoli, hompa Agrippa, ame kapi nina dini limoneko lyo muliwiru; ²⁰ Ene ngoli ovo vakaro mu Damascus pomuhowo, no mu Jerusalem, no kupita muvirongo navitje vya Juda, no Dimuhoko peke, ame natapa kwavo mbudi vavo valitezurure no kupiruka Karunga. Kuruwana viruwana vinawapero malitezururo. Mbyevisi va Juda avakwata me muntembili no kusana ²¹ vandipaye me. ²² Makura ame natumbura mbatero ya kutunda kwa Karunga dorogo mpopa paliyuva, ame nayimana no ghumbangi kunavantje vadidi no unene kuhamena kwato vyo vingi vyova porofete na Moses evi vaghambire ngavihoroka- ²³ Asi Christusa nga hepa, no mukakara wakuhova kuvhumbuka kughufe uye ngayuvita ghuye ku vantu vana umwetu no dimuhoko peke.'' ²⁴ Opo Paul amanine kulikandura, Festus aghamba no liywi lyokudameka, "Paul, ove ghuna piyagana; kulironga koye ko kunene kuna kukurenkita ghupiya gane.'' ²⁵ Ene ngoli Paul aghamba, "ame kapi nina piya gana, muhungami wamuneneFestus, Ene ngoli ame kuna kuyuvita nkango da usili no dinakuyuviko no lipanguro. ²⁶ Uye hompa anayivaa vyo kuhamena kovino vininke; no ame kughamba kwendi nahana woma, ame kunakuntininika kwato ovyo nivhura kuhoreka kukwendi ; ovino kuna viruwanene musinkoro. ²⁷ Ove wapura vapubwi, hompa Agrippa? ame naviyiva wapura. ²⁸ ''Agrippa aghamba kwa Paul , "mukaruvede kakafupi ove kuvhura ghu ntininike me no kundenka nikare mu Christe?" ²⁹ Paul aghamba "ame kuna kuraperera kwa Karunga, nampilindi muruvede rwa rufupi ndi rwarure, kapisi ove pentjoye, Ene ngoli no navantje vandjuvo namuntji, kuvakara yira me, ene ngoli kwato mauketanga wo vana dorongo." ³⁰ Maukura hompa asapukire , na ngughuru, na Bernice naye, na ovo vasungiliro kumwe navo; ³¹ opo vatundire mundjowo ya mapongero, ava ghamba ghura kwa kehe umwe no kughamba, "oghuno murume kwato ovyo ana ruwana vian wapero mfa ndi kumukwata." ³² Agrippa aghamba kwa Festus, oghuno murume ndi vana mumangurura ndi kapi anakananita Caesar."