¹ Ndji Yezu ubamagha bmo:«bidiamuena, nanusuengela: «Baki ba mughatshi muinu badi kawa ka bafuana ghumisu ghu umonu bughalengi bu mudiulu mua buigha ghi maniangha maboyi.» ² ghi umbisa ghu masuwu masambanu, Yezu uwata Petelo, Yakobo ghi Yowanese, ndi wagha ghi bawu wilu ghu muwindji, ghanana, uwudumugha asesesa. ³ Bilamba biendji bituadiza unganingani, biwubugha zee, kawadianga, kawandja ghaji uwubugha ghabuna. ⁴ Ndji bamonu Eliya, ghi Mozese bawemtagha utsatsa bawulanga ghi Yezu. ⁵ Ndji Petelo umuandamuna, umumagha Yezu mbo:«Mulongashi, bielamane bua se tusamina uniawu, wâki, tutunga bisambu bisatu, kiawu kimushi, kiengana ki Mozesa, ghi kiengana ki Eliya ⁶ (Bualu Petelo wiyeleta kiwumagha bualu wadi ghi bomu). ⁷ Anana-anana, dibuyi digha dibajibighila. Ndji ndagha itughila mu diulu:«Awu ndji muanani mushi bulungu, numuyimua ghamagha.» ⁸ Mu kipitshi, upongu muaba wa bâdi, asalela abuashi. inda mutu, amu Yezu yendji munana. ⁹ A bâdi mu ghupuegha gha muyindji, Yezu bamanga mbo bia numonuela, kanubisuengadi mutu too ghi gha ghisughana muana mutu ghu lufu. ¹⁰ Ndji basala bawudinda ndaghana mu udizozu mughatshi mubawu mbo wisugha ghu lufu momune binani. ¹¹ Ndji bamuzozu mbo:«bu binani ba Scribe bamaghanga mbo bikengela Eliya ghandji ghalugha ghumisuamisu?» ¹² Ubandameta mbo:«Bidiamuena, Eliya wayighana ughumisua misu, bu ujandighila bitu bijimina. Kadi bu binani badi bawufunda mbo muana mutu kiwumonu ghamuenga ghabibi ghi womonaghana bu mutu mubibi? ¹³ Kadi nanujadighilanga mbo: Eliya umaniji igha kadi kanumushileta mua bâdi bawaka, anu mujadighanga mifundu bualu buandji.» ¹⁴ A baghalugheta mughatshi mu bayidi bengana, beteta kiwuta ki batu babuki kiwubaningulula, mughatshi mubawu muadi ba Scribe basanga yiba ndandu, ¹⁵ Anana-anana gha bamumonueta, kiwuta kijimina kibalamine, ndji bagha wa ghadi bu umusa moyi, ¹⁶ uzozu balongi bandji mbo:«Nuawula iba binani?» ¹⁷ Mutu wengana ghu mughatshi mubawu umughudumuna mbo:«Molongashi, nawutuadile muanani mulunga, udi ghi mususu mubibi ¹⁸ umubula ghatshi mu manu, umusa mata ghu mizumbu, udia mini, ghi uminina. Nalombuela bayidi bawu bu umondapa, ka di bayela. ¹⁹ Umuandamuneta mbo:«Ba mu dighufu di mitshima mighala, (bapela milangu), nasalana yinu masuwu buki bughanani? Navuetana mujitu buini too ghi ditangu dini?Putuadilani yendji.» ²⁰ Bigheta ghi muana wa wadi. Mususu mubibi umonu Yezu, ndji utumina muana bikuni, umubula atshi, ndji mata mazema ghu mizumbu. ²¹ Yezu uzozu sandji muana :«Bubezu abobu bu masughu manga?» Sandji wandamuna mbo:«Katshia ghu buleji buandji» ²² Umuimbetanga mu mbawu nansha mu mashi utalanga umudiagha. tshie udi kuasa bualu buboyi, tuyidi luningu, ghi tuambuluishi.» ²³ Yezu umuwudumuna amuna:«Udi kuelanana?» Bijimina bidi bizenga udi mutu waka.» ²⁴ Anana-anana, sandji muana wata kâmu umagha mbo: «Nayisanga.» Igha upuambuluishi bu ughadisa wani ghu mutshima. ²⁵ Yezu a ghamonueta kiwuta ki batu bighanga wa wadi, utumina mususu mubibi ndagha umagha mbo :«Ndzeyi mususu ghu ghamama ghi kipapa, nawutumina ndagha, utuyi, kuita besa ghalugha to.» ²⁶ Mususu mubibi utugha, ghi ubula mulolongu, utatisa muana, usala bu mujiwu, too ghi kiwuta ki batu kiawula mbo:«Udi mujiwu.», ²⁷ Kadi Yezu umuwata ghu miewu, umuzanzula wilu, ndji musunda wemata wilu. ²⁸ Ingileta Yezu mu ndzu, bayidi bandji bamuzanza mu busueghelu mbo:«Bu binani tuyelela mu ubinga mususu awowu?» ²⁹ Ndji ubawudumuna mbo:«Mususu ghobuna ibingibua anu ghi disambila.» ³⁰ Bisugha bula bua bâdi, ndji bagha bazambila mu Glileya, Kadi uwaka bua batu bibi muaba ghadi, ³¹ bualu ulongosetanga bayidi bandji, ubasuengaleta mbo:«Mua mutu wayidibuana mu miewu mu batu bua bamudieyi, a bamudiagha, wayisughana ghu lufu umbisa ghu masuwu masatu.» ³² Kadi kabugheta bia ghatalete ubasuengala, ghi badi ghi bomu bu umuzozu. ³³ Ndji batula mu Kapelenuma, A ghadi mu ndzu, uzozu balongi mbo:«Nuedile mu wawula binani mu mbugha mujimina mua nuiyile?» ³⁴ Kadi basaleta bawidila, bualu badi bawula mughatshi mu bawu gha bualu bu mutu udi uuzamba bambandji. ³⁵ Usaghama, ndji ubabighila bakina disangi ghibuela, ndji ubamagha mbo:«tshi mutu waka weghaji tsomi, udi ghi kiweghaji undagelu ghu bajimina, ghi kiweghaji muigha ghu bambandji.» ³⁶ Uwata muana mulejindji umushigha mughatshi mubawu. Umuvueta mu miewu muandji, ndji umagha mbo: ³⁷ «mutuujimina wkidila muana mudi awowu mu dijina dieni, upuakidila mema besa, nansha mutu upuakidila mema, ka mema wa ghakidilela, kadi mushilele uputumeta». ³⁸ Yowanese umumagha mbo:«Muyishi, tumonuela mutu wengana utuisanga ba demona mu dijina diawu, tumughabe bualu kashi tulandulanga to. ³⁹ Kadi Yezu umagha mbo:«Kanuta mughabe, bualu mutu kashi kelamana bu ghuwata mudimu uboyi mu dijina dieni, ghi ghelamani mu wawula maghambu mabibi bualu buani to. ⁴⁰ Mutu muakina utubila bitu, kashi yitu to. ⁴¹ Mutu muakina unuambigha mutshigha ghu mashi bualu nudi ba Kilisto, nanusuengala diamuena, kashi bombasa difutu diendji. ⁴² Mutu muakina uvundila ghumushi ghu bana aba bapuaka mema, bidi biboyi bua se mutu ghu amuna bamulendamashi dimani mu dibozu umbisa bamuimbi mu mashi manani. ⁴³ kadi lowu lowu tshi lupambuisa, ulubatudi; ⁴⁴ kidi ghi mushinga buawu ndzeyi, wingila mu moyi ghi lowu lumushi, ghamutu gha miowu miela bu wagha muaba ghu ghamuenga, mudi mbawu ghiyej la jima ⁴⁵ hie dikama diawu diwendesa bibi, udibatudi, bualu biboyi wingila mu moyi ghu tshiendelela ghi dikama dimushi kipopu, amutu gha weji ghi makama, ghi wimbumbu mu muamba ghu ghamuenga. ⁴⁶ [Tunungu 44-45, katushi mu mighanda miboyi mi tsunda, batuvualamineta]. ⁴⁷ Tshie dïsu diawu diwendesa bibi, uditumuni, bualu kimushinga bowu wingila mu bungana bu Ndzambi ghi disu dimushi, amutu gha wegeji ghimamuela, ghi wimbibu mu ghamuenga, ⁴⁸ muaba misanda mindeta fu, ghi mbawu ghindeta jima. ⁴⁹ Mua bawutisa mungu mu bitu, Mutu mujimina wawutishibuana ghi mbuawu. ⁵⁰ A Mungu udi uboyi, gha ghayela bombasa uwuta wandji, bughanani mua badi mua kamuwutisa besa? Nuagheji bu mungu mughatshi muinu ghi nuegheji ghi puila bakina Mutu ghi mumbadji.