¹ Kôfa novahan'ilay Zanak'ondry ny tombo-kase fafito, de nisy fahanginagna tagny an-dagnitra take amin'ny antsasaka ora take. ² Avake de hitako ire anjely fito zay nitsangagna take agnatraihan'Andriamanitra, ary nagnamia trompetra fito izy ire. ³ Nisy anjely hafa tônga, nitazogna lasety vôlamaina fandoroagna ditin-kazo magnitra, nitsangagna take ambônin'ny alitara. Ditin-kazo magnitra maro no namiagna azy mbô hagnomaizany zany mbamin'ny vavaky ny mpino jiaby ake ambônin'ny alitara vôlamaina fandoroagna ditin-kazo magnitra ake agnatrehan'ny sezam-boninahitra. ⁴ Ny setrok'ilay ditin-kazo magnitra, mbamin'ny vavak'ire mpino, de niakatra take agnatraihan'Andriamanitra avy amin'ny tagnan'ny anjely. ⁵ Naka lay lasety fandoroagna ditin-kazo magnitra lay anjely ary nagnamia zany tamin'ny afo avake amin'ny alitara. Avake natsipy tamin'ny tany zany, ary nisy kotro-baratra, kotroka, tselatra, ary horohoron-tany. ⁶ Ire anjely fito zay nanagna ire trompetra fito de niomagna hitsoka zany. ⁷ Nitsoka ny trompetrany lay anjely voalôhany, ary nisy havandra sy afo mifangaro rà. natsipy tatô an-tany zany mbô ho may ny ampahatelon'izegny, may ny ampahatelon'ny kakazo, ary may dahôlo ire ahi-maintso. (Fagnamarihagna: Ny sanagny amin'ire dika-teny talôha de magnala ny hoe: ''mbô ho may ny ampahatelon'izegny.'') ⁸ Nitsoka ny trompetra lay anjely faharoa, ary nisy raha karaha tanety maventy nirehitr'afo natsipy tagny an-dranomasigna. Lasa rà ny ampahatelon'ny ranomasigna, ⁹ maty ny ampahatelon'ny raha-managn'aigna takô an-dranomasigna, ary rava ny ampahatelon'ire sambo. ¹⁰ Nitsoka ny trompetra lay anjely fahatelo, ary nisy kintagna maventy nilatsaka avy agny an-dagnitra, mirehitra karaha ny fanilo, tamin'ny ampahatelon'ire ony sy lôharano. ¹¹ Raha mangidy no agnaran'ilay Kintagna. Lasa nangidy ny ampahatelon'ilay rano, ary ôlogna maro no maty tamin'ilay rano zay lasa nangidy. ¹² Nitsoka ny trompetra lay anjely faha aifatra, ary nivoaka ny ampahatelon'ny masoandro, karaha ny ampahatelon'ny volana sy ny ampahatelon'ire kintagna. Noho zany de lasa mainty ny ampahatelon'ire; tsisy hazavagna ny ampahatelon'ny aligna. ¹³ Nizaha za, ary naregny vôro-mahery zay nagnaimbagna tegny ampovoan'ny lagnitra, nagnantso tamin'ny feo mafy hoe: '''Loza, loza, ho an'ire zay monignia ambônin'ny tany, nohon'ny feon'ny trompetra sisa zay efa ho tsofin'ire anjely telo.''