¹ Tafaran'irè raha iré de nahita anjely hafa zay nidigna avy agny an-dagnitra zaho. Nanagna fahefagna maventy izy, ké namirapiratra nohon'ny voninahiny ny tany. ² Nihiaka tamin'ny feo mahery izy, nivôlagna hoe: ''Nianjera, nianjera lay Babylona maventy! Lasa tônga toeram-ponegnan'ny demony, fialôfagna ho an'iré fagnahy maloto, ké fialôfagna ho an'ny iré vorogna maloto sy marikoriko jiaby. ³ Fô ny firenegna jiaby de nisôtro ny divain'ny fitondran-tegna malotony. Iré mpanjakan'ny tany de nagnano fitondran-tegna maloto taminanjy. Iré mpivarotra ny tany de tônga mpanan-kariagna tamin'alalan'ny fômba fiaignany amin'ny nôfo.'' ⁴ Avaké de naharegny feo hafa avy agny an-dagnitra zaho, mivôlagna hoe: ''Mialà aminahy, ry ôloko, mbô tsy hizarany ny fahotany akô aminaré, ké mbô tsy hahazoanaré ré lozany. ⁵ Efa nihangogna karaha ny ahavon'ny lagnitra iré fahotany, kè Andriamanitra mahatsiaro iré asa ratsy. ⁶ Mamalià ananjy karaha ny namalian'ny hafa, ké valio avy roy eny zay efa vitany; takô amin'ny fiky zay efa nofinoiny, de fenoy avo roy eny ho ananjy. ⁷ Karanjegny nagnamia vôninahitra ny tegnany sy niaigna tamin'ny tsy fiafiagna, amiao ananjy ny fampijaliagna ndraiky alahelo sahaza ananjy. Fô izy nivôlagna takô am-pôny nagnano hoe: 'Nipetraka karaha ny mpanjaka viavy zaho. Tsy naty vady zaho, ké tsy hisaogna mandrakizay.' ⁸ Noho izégny de ho avy amin'ny andro araiky iré areti-mandringany: ny fahafatesagna, ny fisaonagna, ké ny mosary. Hodoran'ny afo izy, fô ny Tompo Andriamanitra de mahery, ké izy no mpitsara ananjy. '' ⁹ Iré mpanjakan'ny tany zay nijangajanga sy nandeha tsy am-pieritreretagna niaraka taminanjy de hitomagny ké hiankôhoka akè agnatrehany kôfa hahita ny setroky ny fahamaizany zaré ré. ¹⁰ Hijôro lavitra zarè ré, hatahotra ny fijaliany, hivôlagna hoe: ''Loza, loza ho an'ilay tanàgna maventy, Babylona, lay tanàgna mahery, fô amin'ny lera araiky de ho avy ny sazinaré.'' ¹¹ Iré mpivarotra ny tany de mitomagny sy misaogna ho ananjy, satrià tsisy ôlogno niady varotra ho ananjy intsony- ¹² varotra vôlamena, vôlafôtsy, vato sarobidy, firavaka, lamban-drongony tegna tsara, vôlomparasy, landy, mena, iré karazagna hazo ala, ny fanaka ivoara, ny fanaka jiaby vita avy amin'ny hazo sarobidy, varahigna, vy, marbra, ¹³ kaneligna, raha-magnitra, ditin-kazo, miora, hagnitra, divay, menaka, koba tsara tôto, vary, biby fiompy ké ondry, soavaly sy kalesy, iré andevo sy fagnahin'ôlogno. ¹⁴ Ny vôkatra zay tianô tamin'ny herinô jiaby de hiala aminô. Ny entanà lafo vidy sy iré namirapiratra de nanjavogna, ké tsy ho hita intsony mandrakizay. ¹⁵ Ny mpivarotra iré entagna zay tônga mpanan-kariagna noho izy de hiala aminanjy lavitra nohon'ny fatahoragna ny fijaliany, hitomagny sy hisaogna mafy. ¹⁶ Hivôlagna zaré ré hoe: ''Lôza, lôza ho an'ilay tanàgna maventy zay nagnatô akanjo tamin'ny lamban-drongony tegna tsara, vôloparasy, sy mena, ké noravahagna tamin'ny vôlamena, firavaka sarobidy, ké vatosoa! ¹⁷ Agnatin'ny lera araiky de ho foagna izégny haregna jiaby izègny. ''Iré kapitenin-tsambo jiaby, iré mandeha egny ambônin'ny ranomasigna jiaby, tantsambo, sy zay jiaby monigna an-dranomasigna, de hijôro alavitra. ¹⁸ Nihiaka zaré ré kôfa vao nahita an'ilay setrokin'ny fahamaizagna. Nivôlagna zarè ré hoe: ''Tanàgna ino no karaha ny tanàgna maventy? ¹⁹ Nanipy vovoka tegny an-dôhany izy, ké nihiaka mafy, nitomagny, sy nisaogna, nagnano hoe: ''Lôza, lôza ho an'ilay tanàgna maventy zay nisy an'iré jiaby nanagna iré sambo an-dranomasigna no tônga mpanan-kariagna avy amin'ny harenany. Fô takô agnaty lera araiky de simba izégny.'' ²⁰ ''Mifalia aminanjy, ry lagnitra, anaré mpino, apostoly, ké mpaminagny, fô Andriamanitra nitôndra ny fitsaranaré taminanjy!'' ²¹ Anjely mahery araiky naka vato karaha ny vato maventy ké nanipy izègny tagny an-dranomasigna, ké nivôlagna hoe: ''amin'izégny fômba izégny, Babylona, lay tanàgna maventy, harodagna arahigna herisetra, ké tsy ho hita intsony. ²² Lay feo natôn'iré lokanga, mpitendry mozika, mpitsoka sodigna, sy trompetra de tsy ho re akô aminô intsony. Tsy hisy feon'ny vato fikosoham-bary ho re intsony akè aminô. ²³ Ny fahazavan'ny jiro, de tsy hamirapiratra akô aminô intsony. Iré feon'ny mpampakatra sy ampakarigna de tsy ho re akô aminô intsony, fô ny mpivarotraré no andrian'ny tany, ké iré firenegna de voafitaka tamin'ny famosavinaré. ²⁴ Takô aminanjy no nahitagna ny ràn'ilay mpaminany, sy irè mpino, ké ny ràn'iré jiaby zay voavono taketo an-tany.''