¹ Noho izègny, ry rahalahy masina, nizara ny antson'ny lagnitra anaré. Saino ny momban'i Jesosy, ny apostoly sy mpisorognabe zay ekentsika. ² Izy de natoky an'Andriamanitra, zay nanendry ananjy, karaha an'i Mosesy zay nahatoky takô an-tragnon'Andriamanitra foagna koà. ³ Fô Jesosy de efa noraisigna mendrika ny vôninahitra lehibe noho Mosesy, satrià zay magnorigna ny tragno no manan-kaja bebe kokoà noho lay tragno. ⁴ Fô ny tragno jiaby de nisy ôlogno nanorigna, fô ny araiky zay nanorigna ny raha jiaby de Andriamanitra. ⁵ Amin'ny lafiny araiky, Mosesy de natokisagna karaha mpanompo takô an-tragnon'Andriamanitra araiky jiaby. Izy no vavôlombelogno momba iré raha zay tôkony efa nolazaigna amin'ny ho avy. ⁶ Fô Kristy no Zanaka miandraikitra ny tragnon'Andriamanitra. Atsika no tragnony kôfa tô ké mihazogna mafy ny herim-po ndraiky fahatokiantsika atsika. ⁷ Noho izégny, izégny de karahan'ny volagnin'ny Fagnahy Masigna hoe: ''Niany, kôfa maharegny ny feony anaré ⁸ de aza magnamafy ny fônaré karaha ny amin'ny fikomiagna, amin'ny fotoagnan'ny fitsapagna agny agn'efitra. ⁹ Karaha izégny ny razambenaré kôfa nikomy tamin'ny alalan'ny fitsapagna Anahy, kè kôfa, nandritry ny efapôlo taogna, de hitanjaré ré ny asako. ¹⁰ Noho izégny de tsy faly Zaho amin'itô taranaka itô. ¹¹ Ahozy Zaho hoe: 'Zaré re de vôtarika mandrakariva agny amin'ny lalan-diso akô am-pony. Tsy nahafantatra ny lalako zaré ré. Karaha izégny no niaignako tamin'ny fahatizerako hoe: ''Tsy hiditra akô amin'ny fitsaharako sanany zaré ré.''' ¹² Mitandrema, ry rahalahy, mbô tsy hisy na araiky aminaré aza no hanagna fô ratsin'ny tsy finoagna, fô zay miala amin'Andriamanitra velogno. ¹³ Fô ndraiky, mifampahereza isan'andro, kôfa mbôla misy ny antsigna hoe: ''Niany'', mbô tsisy aminaré ho foaty fô amin'ny alalan'ny fitaky ny fahotagna. ¹⁴ Fô atsika de tônga mpiara-miasa amin'i Kristy kôfa takô ké mihazogna mafy ny fahatokisantsika Ananjy hatragny am-piandohagna ké hatragny amin'ny fiafaragna. ¹⁵ Fô ny fômba izégny de efa vôlaza hoe: ''Niany, kôfa maharegny ny feony anaré, de aza magnamafy ny fonaré, karaha ny amin'ny fikomiagna.'' ¹⁶ Zôvy izy zay efa naharé ann'Andriamanitra kè nikomy? Fô tsy iré jiaby zay nivoaka avy tagny Egypta tamin'ny alalan'i Mosesy vô izégny? ¹⁷ Zôvy no nahavignitra ananjy nandritry ny efapôlo taogna? Tsy iré zay nanota vô, zay lavo tagny agn'efitra ny fatinjaré ré? ¹⁸ Ho anjôvy no nianianany fô tsy hiditra akô amin'ny fitsaharagna zaré ré, kôfa tsy ho an'iré zay tsy nagneky Ananjy? ¹⁹ Hitantsika fô tsy afaka niditra takô amin'ny fitsaharany zaré ré nohon'ny tsy finoagna.