¹ Mi lukluk iko mi luk smol sipsip blong God istap stanap long bigfala hil ya saeon.Hem wetem narafala wan handred foti fo taosen we oli raetem nem blong hem wetem nem blong papa blong hem long foret blong olgeta. ² Mi harem wan voes ikam daon long heven we noes blong hem iolsem noes blong fulap wota mo wan bigfala tanda.Mo saon ya iolsem fulap man oli stap ple long ol gita. ³ Nao oli stap singsing iko long foret blong man we istap sidaon long bigfala jea blong hem mo ol fo fala animol mo ol elda.Nogat wan isave singsing ya ol wan handred mo foti fo taosen man ya nomo we oli karem olgeta long wol ya oli save. ⁴ Hemia olgeta we oli nogat woman,olgeta we oli kipim olgeta iklin gud.Hemi olgeta we oli folem wea ples we smol sipsip iko be oli folem.God hemi pemaot olgeta finis mo olgeta oli olsem ol fes frut we God ijusumaot we hemi blong God mo smol sipsip blong hem. ⁵ Inogat wan kiaman ikamaot long maot blong olgeta;mo inogat wan samting we imekem olgeta oli doti long fes blong God. ⁶ Nao mi luk wan enjel istap flae antap long skae,istap talemaot gud nius ya iko long evriman long wol-iko long evri man long wol,ol evri laen,ol lanwis,mo ol man. ⁷ Hemi stap singaot wetem wan bigfala voes ise,''Yufala imas fraet long God mo yufala mas kivim Glori long hem.From taem istap kam klosap we bae hemi jajem ol man.Yufala imas wosipim hem,wan we hemi mekem wol ya,solwota,mo ol sprink wota.'' ⁸ Igat wan narafala enjel-wan seken enjel-ifolem hem,nao istap talem se,''ifaldaon,Taon ia Babilon we hemi wan bigfala taon ifoldaon finis,hemi olsem rabis woman we imekem fula kantri oli dring long wota blong waen blong hem God hemi kros tumas long hem.'' ⁹ Nao nara enjel-hemi namba tri enjel-ifolem olgeta,mo istap talem long wan bigfala voes se,''spos eni wan we hemi wosipim animol ya wetem pija mo hemi risivim wan mak long foret o long han blong hem, ¹⁰ Bae hemi dring sam waen blong kros blong God,Waen ya we oli kavsaedem iko long wan cap hemi kros blong God.Ol man ya bae oli dring long hem bae oli sakem olgeta iko long faea mo salfa we bae ibonemk olgeta long fes blong ol holi enjel blong God mo smol sipsip ya. ¹¹ Smok blomng faea we istap ko antap ya bae istap koko ino gat en blong hem,mo bae faea ibonem olgeta dei mo naet-olgeta we oli wosipim animol ya mo ol pija,mo evriwan we oli ricivim mak blong nem blong hem. ¹² Yufala we istap folem ol tok blong God,olgeta we oli stap kipim ol loa blong God mo fet blong olgeta istrong long Jisas.'' ¹³ Mi harem wan voes long heven italem se,''yu raetem daon tok ya:ol man we oli man blong masta blong yu bae oli ded bae oli harem gud.'' ''Itru''spirit italem,''bambae olgeta ya bae oli tekem spel blong olgeta long bigfala hadwok we oli bin mekem,bae oli tekem frut blong wok blong olgeta iko wetem.'' ¹⁴ Mi lukluk,nao mi luk wan waet klaod.Man we isidaon long klaod ya iolsem son blong man.Hemi gat wan hat we oli mekem long gol istap long hed blong hem mo hemi stap holem wan huknaef long han blong hem. ¹⁵ Nao igat wan enjel ikamaot long tempol ya mo isingaot wetem wan bigfala voes iko long wan we istap sidaon antap long klaod:''Yu karem huknaef ya mo yu stat blong ko havestem ol kakai long karen.from taem blong Havestem ol kakai istap kam klosap,from taem blong havestem ol kakai long wol ya istap redi finis.'' ¹⁶ Nao wan we istap sidaon antap long klaod iswingim hugnaef ia ova long wol,nao istap havestem ol kakai ya we oli redi. ¹⁷ Nao igat wan nara enjel ikamaot long tempol ya long heven;hem tu igat wan hugnaef. ¹⁸ Igat wan nara enjel ikamaot long rum blong insen olta ,we hemi gat ful paoa long faea.Hemi singaot etem wan laod voes iko long wan we istap holem sap hugnaef ya,''Yu tekem hugnaef blong yu mo yu katem ol man we oli olsem rop ya greps ,ol grep ya oli raef finis blong katem ¹⁹ Nao enjel ya iswigim huknaef ya long wol ya mo ihipimap ol greps mo ihavestem olgeta long wol ya.Hemi sakem olgeta iko long wan ples we oli stap mekem gudafala waen long hem be istap aotsaed mo hemi ples we God istap panisim ol man long hem. ²⁰ Ples blong waen ya istap aotsaed long taon,mo blad we oli kamaot ifulap spos wan horse istanap bae ikasem maot blong hem ,mo samples wan taosen six handred stadia.