¹ Mi Pol,wan presina blong Jisas Kraes,mo Timoti,Brata blong yumi. Long yu Filimon,wan gudfala Fren mo wokman. ² Mo tu long yu Appia sista blong mifala, mo Archppius wan Fren long wok,wetem joj famili we I stap mit long aos blong yu. ³ Glathat mo pis blong God papa blong yumi,wetem Jisas Krae istap wetem yu. ⁴ Oltaem mi talem tankiu long God blong mi we mi stap tingbaot yu long prea, blong mi. ⁵ Mi harem from gudfala fasin blong yu from ol holi man blong God mo biliv blong yu long Masta jisas Kraes. Hemi prea blong mi se,yumi stap ⁶ joen long biliv blong yumi bambae i givhan blong save moa long ol gudgudfala samting we yumi serem tugeta long Kraes. ⁷ From gudfala fasin blong yu I mekem mi,mi harem gud tumas, mo ileftemap tingting blong mi. From yu brata blong mi,yu mekem ol man blong God oli harem gud tumas. ⁸ From samting ya,insaed long Kraes mi gat raet blong talem wanem blong yu mekem, ⁹ be I mo gud mi askem long yu blong ekem long wan gudfala fasin blong laf, mi pol wan olfala man, mo wan presina blong Jisas Kraes. ¹⁰ Mi stap askem strong long yu from boe blong mi Onesimas,we hemi kam stret boe blon mi taem mi stap long Kalabus. ¹¹ Fastaem hemi no givhan gud long yu,be naoia bae hemi givhan gud long yu mo long mi. ¹² Mi stap sendem hem ikambak long yu,hem we istap long hat blong mi. ¹³ Mi wish blong mi save kipim hem wetem mi blong hemi save givhan long mi we mi stap long kalabusfrom wok blong Gospel. ¹⁴ Be mi no wantem mekem any decision sapos yu no agri long hem,Mi no wantm fosem yu blong mekem sapos yu no wantem mekem. ¹⁵ From samting ya,hemi bin aot long yu from wan smol taem,from bae hemi kambak mo stap wetem yu longtaem. ¹⁶ Naoia bae hemi nomo kam wan slev,be hemi kam gud bitim wan slev,hemi wan gudfala brata.Hemi kam wan gudfala brata blong mi,mo tu isemak long yu,mo naoia wan brata long masta blong yumi. ¹⁷ Sapos yu luk mi olsem wan brata blong yu,plis yu welkamem hem olsem we yu welkamem mi. ¹⁸ Sapos hemi bin mekem wan samting we irong long yu or igat wan kaon long yu,Plis putum long nem blong mi. ¹⁹ Mi pol,mi raet long han blong mi. Mi bae mi pem bak-be yu no talem se mi gat wan kaon long yu! ²⁰ Yes,brata,mi wish blong yu givhan long mi from yu joen finis long Jisas Kraes. ²¹ Mi stap raetem tok ya ikam long yu from mi save se yu wan man we yu stap lesin gud.Mi save se bae yu mekem ol samting ya bae imo ibitim ol toktok ya blong mi. ²² Mo long sem taem,yu preperem wan rum blong mi,from mi save se tru long prea blong yu bae mi kambak long yu. ²³ Epapfras,wan fren blong mi olsem wan presina blong Jisas Kraes italem halo long yufala. ²⁴ Mo tu iko long Mak,Aritakas,Dimas mo Luk ol fren blong mi long ples blong wok. ²⁵ Glathat blong Masta Jisas Kraes bae istap wetem Spirit blong yu.