¹ Bakegen hemi stat blong tij long saed blong lagun,mo igat wan bigfala grup oli stap tugeta raonem hem.Hemi wokbaot iko insaed long wan bot we istap long solwota,nao hemi sidaon daon long hem.Bigfala grup ya oli sidaon long so klosap long solwota. ² Hemi tijim olgeta fulap samting we istap long parabol,mo insaed long tijing blong hem,hemia wanem we italem long olgeta. ³ "Yufala imas lesin!wan fama hemi ko planem sid. ⁴ Taem hemi stap sakem sids,sam sids oli foldaon long rod,mo ol pijin oli kam oli kakai evriwan. ⁵ Sam long ol sid oli foldaon long ston,we oli nogat fulap graon.Oli gru hariap be bihaen oli ded,from graon ismol nomo ⁶ Taem san ikam antap,ibonem ol smol tri ya,mo from oli nogat rus yet,nao oli drae. ⁷ Ol narawan oli foldaon long ples blong nilgras.Nao ol nil gras oli gru mo oli holem taet olgeta,nao oli no save karem gud kakai. ⁸ Ol narafala sid oli foldaon long gudfala graon mo oli karem gudfala kakai sam oli karem toti,sixty mo sam ibitim wan handred taem.'' ⁹ Nao Jisas italem se,''man we igat sora blong harem samting,letem hem iharem!'' ¹⁰ Taem Jisas hemi stap hem wan,oligeta we oli bin stap wetem hem mo ol disaepol oli askem mining blong parabol ya. ¹¹ Nao Jisas italem long olgeta se,''Yufala ya God hemi openem wan rod finis long Heven blong yufala ikasem ol tok we ihaed .Be yufala aotsaed evri samting istap nomo long parabol, ¹² blong mekem yufala iluk,yes yufala iluk,be yufala ino luksave,mo olgeta we oli harem,yes oli harem,be oli no harem save,or oli mas tanem tingting blong olgeta mo God bae ifogivim olgeta.'' ¹³ Nao Jisas italem long olgeta,''yufala ino save mining blong parabol ya?hao nao bae yufala save mining blong evri parabol ya?'' ¹⁴ Man we hemi planem sid hemi olsem man blong talemaot tok blong God. ¹⁵ Man we oli kasem tok ya oli olsem olgeta we ol harem tok blong God.Oli harem ,be hariap nomo setan ikarem aot tok blong God long olgeta. ¹⁶ Mo hemia ol sid we oli sakem long ol ston;Huia,we oli harem tok ya mo hariap nomo oli glad bigwan. ¹⁷ Be toktok ya ino ko gud insaed long tingting blong olgeta,nao oli save stap smoltaem nomo.be taem ol man oli mekem istrong long olgeta or ol hadtaem ikam ,bae hariap nomo oli foldaon ¹⁸ Mo ol narawan we oli sid ifoldaon long ol nil gras.Olgeta nao oli harem toklong God, ¹⁹ be fulap oli tingbaot ol samting blong wol,oli wantem blong oli kam rijmo oli wantem tumas laef blong wol nao oli blokem tok ya,mo man inomo ting hevi long hem. ²⁰ Be sid we ifoldaon long gudfala graon,hemi ol man we oli harem tok blong God,oli agseptem mo oli kat fulap frut,toti,sixti or ibitim wan handred i ova. ²¹ Nao Jisas italem long olgeta se,''Yufala ikarem wan laet ikam insaed long haos blong putum antanit long basket or antanit long bed?Yu karem ikam insaed blong putum long wan stick blong laet. ²² From inogat wan samting isave haed we man inosave luk,mo bae inogat wan samting we man ino talemaot we bae ino save kamaot long bigfala ples. ²³ Sapos igat man we igat sora blong harem,letem hemi harem!'' ²⁴ Nao italem long olgeta se,''yufala imas lesen gud long wanem we yufala iharem,from semak Mak we yu usum bae oli usum long yu,mo fulap mo bae ikam long yu. ²⁵ From man we ikasem mining blong toktok blong mi,bae hemi save kasem mo,be man we ino kasem,hem bae ilusum save we hemi gat.'' ²⁶ Mo hemi kohed italem se,''kindom blong God hemi olsem wan man blong planem ol sids long graon. ²⁷ Hemi slip long naet mo ikirap long dei,ol sids ya oli gru,olsem we hemi no save olgeta hao oli gru. ²⁸ Graon nomo imekem igru mo oli karem kakai olgeta wan:festaem igat lif blong hem ale iko igat flawa blong hem,nao igat stret frut blong hem. ²⁹ Taem frut blong hem iraep,hemi save se istret blong ko pikimap.'' ³⁰ Mo jisas italem se,''rod ya we God bae hemi kam king blong ol man blong hem bae ikam olsem wanem,or wanem parabol yumi save explenem? ³¹ Hemi olsem wan sid blong nambanga,from,taem oli sakem,hemi nao ismol ibitim evri sid long wol. ³² Be taem, hemi kam bigwan ibitim evri tri long ol karen,mo igat bigfala han,blong mekem se fulap pijin long heven blong mekem ol nes blong olgeta long hem.'' ³³ Wetem fulap parapol olsem Hemi toktok long olgeta,hemi toktok fulap blong ol man oli kasem gud wanem hemi stap talem, ³⁴ mo hemi no se itoktok long olgeta nating hemi usum parabol.Be taem hemi stap hem wan,Hemi explenem evri samting long ol disaepol blong hem ³⁵ Long semak dei ya,taem aftanun istap kam klosap,Hemi talem long olgeta,''Yumi ko narasaed.'' ³⁶ Nao oli leko bigfala grup blong ol man,oli tekem Jisas wetem olgeta,olsem we istap,insaed long bot.Igat ol narafala bot tu oli folem olgeta. ³⁷ Ino long taem be igat wan bigfala win iblu,mo ol waev oli stap brok long saed blong bot mo bot ia klosap ifulap long wota. ³⁸ Be Jisas hem wan istap slip antanit long bot long wan bed.Oli wekemap hem,nao oli talem se,''tija,yu no kea bae yumi ded ya? ³⁹ Hemi kirap,hemi tok strong long win,mo italem long solwota se,''pis!yu stap kwaet''nao win ya ikam daon,mo ples istap kwaet. ⁴⁰ Nao Hemi talem long olgeta,''from wanem yufala istap fraet?yufala ino gat fet?'' ⁴¹ Ol fraet bigwan mo oli stap talem long olgeta,''hu ya man ya,from solwota mo win oli lesin long toktok blong hem?''