¹ Sam dei ipass taem Jisas ikambak long taon ya kapenaum ,oli harem se, hemi kambak long haos. ² Nao ol man ifulap oli stap we inomo gat spes,inogat spes long doa,nao jisas italemaot tok blong hem. ³ Igat sam man oli kam long hem oli karem wan man we haf bodi blong hem ino ded;igat fo man oli karem hem. ⁴ Oli no save ko klosap long Jisas from man ifulap,nao oli karemaot ruf blong haos we Jisas istap antanit long hem,taem oli openem gud oli slakem hem wetem bed we hemi stap slip long hem. ⁵ Taem Jisas hemi luk bilif blong olgeta,Jisas hemi talem long man we haf bodi blong hem ided se,''pikinini blong mi,sin blong yu mi forgivim finis.'' ⁶ Nao igat sam tija blong loa oli stap sidaon,oli gat sam kwesten insaed long hat blong olgeta, ⁷ ''From wanem wan man istap toktok olsem?tok ya inogud ya! inogat man isave fogivim sin God nomo isave fogivim sin?'' ⁸ Be wantaem nomo Jisas hemi save long spirit blong hem wan wanem we ol man ya oli stap tingting long hem.Nao hemi talem long olgeta se,from wanem yufala istap gat kaen tiingting olsem insaed long hat blong yufala? ⁹ wanem nao hemi isi blong yu save talem long man we haf bodi blong hemi ded,'sin blong yu mi fogivim finis'o bae mi talem 'kirap,karem bed blong yu,mo yu wokbaot'? ¹⁰ Be mi wantem soemaot long yufala blong yufala save se mi Son blong man mo mi gat ful paoa long wol ya blong forgivim sin blong ol man,''hemi talem long sikman ya se,'' ¹¹ mi talem long yu,kirap,karem bed blong yu,mo yu kobak long haos blong yu.'' ¹² Hemi kirap mo hariap nomo hemi karem bed blong hem,mo ikamaot long haos ya long foret blong evriman,evriwan oli sapraes mo oli kivim glori iko long God,mo oli talem se,''Mifala ineva luk wan samting olsem.'' ¹³ Nao Hemi aot bakegen iko long saed blong lagun,mo fulap man oli kam long hem,nao hemi tijim olgeta. ¹⁴ Taem jisas hemi pas,hemi luk Livae boe blong Alfeas hemi stap sidaon long tent blong man blong karem mani blong takis nao hemi talem long hem se,''folem mi.''nao hemi kirap i follem hem. ¹⁵ Jisas istap kakai long haos blong Livae hem mo fulap ol narafala man blong karem takis mo sam we oli stap mekem fasin nogud oli stap kakai wetem Hem mo ol disaepol,mo fulap we oli stap folem Hem. ¹⁶ Igat sam tija blong loa we oli farisi,oli luk Jisas hemi stap kakai wetem ol man nogud mo ol man blong karem mani,oli talem long ol disaepol se,''from wanem hemi stap kakai wetem ol man blong takis mo ol man nogud ya?'' ¹⁷ Taem Jisas iharem samting ya nao hemi talem long olgeta se,''ol man we oli stap harem gud oli no nidim wan docta;ol man nomo we oli sik oli nidim docta.Mi no kam blong singaot ol stret man,be mi kam from ol man nogud.'' ¹⁸ Nao ol disaepol blong Jon mo ol farisi ol stap leko kakae.Sam man oli kam long hem nao oli talem long hem se,''from wanem ol disaepol blong jon mo oli disaepol blong ol farisi oli stap leko kakae?'' ¹⁹ Nao Jisas italem long olgeta se,''istret we ol man we oli kam long maret oli leko kakae taem man blong maret istap yet wetem olgeta?be taem man blong maret istap wetem olgeta,oli no mas leko kakae fastaem. ²⁰ Bae igat wan dei we bae ikam we bae oli karemaot man blong maret ya long olgeta,mo long ol dei ya bae oli save leko kakae. ²¹ Inogat wan man isave somap wan niufala kaliko antap long wan olfala klos.sapos imekem olsem bae niufala kaliko ya bae ibrekem olfala klos ya,sapos niu kaliko iko long olfala wan ya bae imekem wan bigfala hol. ²² Nogat wan isave putum niu waen iko insaed long botel blong wan olfala waen we oli mekem long skin blong wan animol,sapos olsem bae waen ya ibosta long skin blong animol ya mo waen ya wetem botel ya bae ilus wantaem. Niufala waen imas gat wan niufala botel blong istap long hem. ²³ Long sabat dei Jisas iko pas long wan garen blong ol wits,nao ol disaepol oli stat blong pikimap fulap ol wits ya. ²⁴ Nao ol farisi oli talem long hem se,''yu luk,from wanem oli mekem samting olsem we oli brekem loa blong sabat dei?'' ²⁵ Nao Jisas italem long olgeta se,''yu neva ridim wanem we David imekem taem hemi stap long nid mo hemi hangri__hem wetem ol man we oli stap wetem hem___ ²⁶ hao nao hemi ko long haos blong God taem abiata hemi wan hae pris,mo ikakae bred we oli kivim finis we iko long God,we hemi ko agensem loa we ol hae pris nomo oli save kakae,mo hemi kivim tu long ol man we oli stap wetem hem?'' ²⁷ Jisas italem se,''sabat hemi blong ol man,be ino blong ol man blong sabat. ²⁸ From samting ya,Son blong man hemi Masta,mo tu blong sabat.''