¹ Tu dei nomo bifo bigfala dei blong pasova o lafet blong bred we inogat is long hem. Ol jif pris wetem ol tija blong loa oli stap traem blong faenem sam rod blong arestem Jisas haed mo kilim hem. ² Oli stap talem se,"bae ino stret long dei blong lafet,from nogud bae ol man oli kros mo kilim yumi." ³ Taem Jisas hemi stap yet long Betani long haos blong Saemon we hemi gat wan rabis sik,taem hemi stap kakai yet long tebol,igat wan woman ikam insaed ikarem wan botel we oli wokem long ston we nem blong hem alabasta senta we mani blong hem isas.Hemi brokem mo ikafsaedem long hed blong Jisas. ⁴ Igat sam long olgeta oli kros,oli stap toktok long olgeta se,"From wanem hemi mekem kaen ya? ⁵ Hemi sud salem senta ya blong tri handred taosen vatu,mo kivim mani long ol pua man."Nao oli tok long woman ya. ⁶ Be Jisas italem se,"yufala ileko hem.From wanem yufala istap mekem olsem long hem?hemi mekem wan gudfala samting ya long mi. ⁷ Yufala istap wetem ol pua man oltaem nomo,yufala save mekem igud long olgeta.Be mi nosave stap oltaem wetem yufala. ⁸ Hemi mekem wanem we hemi sud mekem.Hemi kavsaedem senda ya b,ong mekem rere long bodi blong mi blong bae oli berem. ⁹ Tru mi talem long yufala,wea ples we gud nius bae iko kasem evri ples long wol,bae oli tokbaot wanem we woman ya imekem,blong tingbaot hem." ¹⁰ Nao Juda Iskareot,wan long ol twelf,hemi ko luk ol jif pris blong letem Jisas iko long olgeta. ¹¹ Taem ol jif pris oli harem,oli glad tumas mo oli wantem kivim wan mani long hem. Juda istap lukaot wan rod blong letem Jisas iko long han blong olgeta. ¹² Nao long fes dei blong lafet blong bred we inogat is,oli sacrifaesem ol pasova sipsip,ol disaepol oli talem long hem se,"yu wantem blong mifala ipriperem, blong bae yu save kam kakai pasova kakai?" ¹³ Hemi sendem tu long ol disaepol blong hem mo italem long tufala se,"yutufala iko insaed long taon ya,igat wan man istap karem wan botel blong wota.Folem hem. ¹⁴ Taem hemi kotru long wan haos,folem hem iko insaed mo talem long man blong haos,'Tija italem se,"Wehem gest rum we hem bambae ikakai pasova wetem ol disaepol blong hem insaed?'" ¹⁵ Bae hemi soem wan bigfala rum istap antap iredi finis.Bae yufala i preperem ol kakai istap long ples ya." ¹⁶ Nao ol disaepol ia oli aot oli ko long taon ya.Oli faenem evri samting we hemi talem istret gud,nao oli preperem pasova ya. ¹⁷ em hemi stap ko long aftanun,hemi kam wetem ol twelf man blong hem. ¹⁸ Taem oli stap sidaon long tebol mo oli stap kakai,Jisas italem se,"Tru mi talem long yu,wan we hemi stap kakai wetem mi bae iputum mi long han blong ol enemi." ¹⁹ Evriwan oli harem nogud oli sori we,wan wan long olgeta italem se,"ino mi?" ²⁰ Jisas hemi ansarem olgeta se,"hemi wan long yufala ol twelf man ya,wan we mitufala ipusum bred tugeta long dis ya. ²¹ From son blong man bae hemi mas ko olsem we oli bin raetem bifo.Be inogud long man we hemi putum son blong man long han blong ol enemi!Hemi mo gud sapos hemi no stap bon nomo." ²² Taem oli stap kakai,Jisas hemi karem bred,iblesem,mo ibrokem.Hemi kivim long olgeta mo italem se,"tekem hemia.Hemia bodi blong mi." ²³ Hemi karem wan kap,hemi kivim tankyu iko long God,nao ikivim long olgeta,nao evriwan oli dring long hem. ²⁴ Hemi talem long olgeta se,"hemia blad blong mi,blad we i ron from fulap man. ²⁵ Tru mi talem long yufala,bae mi nomo dring waen frut ya bakegen kasem dei we bae mi dring bakegen wan niufala wan bakegen long kindom blong God." ²⁶ Afta we oli sing long wan sam hyme,nao oli ko antap long wan bigfala hil ya olif. ²⁷ Jisas italem long olgeta se,"yufala evriwan bae yufala islip,from oli bin raetem bifo finis, 'Bambae mi mi kilim man blong lukaot ol sipsip ya mo bae ol sipsip bae oli ronwe wanwan.' ²⁸ Be afta we bae mi laef bakegen,bae mi ko fastaem blong wet long yufala long Galili. " ²⁹ Pita italem long hem se," sapos evriwan oli bilif blong olgeta ifoldaon,be mi bae bilif blong mi inosave foldaon." ³⁰ Jisas italem long olgeta se,''Tru mi talem long yufala,tetei-yes,long naet ya-bifo man faol bae isingaot tu taem bae yu kiaman tri taem se yu no save mi.'' ³¹ Be Pita italem se,''be sapos mi mas ded wetem yu,bae mi no save kiaman.''olgeta evriwan oli talem semak toktok. ³² Oli kam ;long wan ples nem blong hem Getsemani,Nao jisas italem long ol disaepol se,''yufala sidaon long ples ya bae mi ko prea.'' ³³ Hemi tekem Pita,jemes mo Jon oli ko wetem hem be Jisas hemi hartem hat blong hem ihevi tumas. ³⁴ Jisas italem long olgeta se,''Mi harem tingting blong mi ihevi tumas, mi harem olsem bae mi ded.Yufala istap ya be yufala imas stap lukluk.'' ³⁵ Nao Hemi wokbaot iko smol,nao Jisas hemi nildaon nao hemi prea sespos istret bae haoa ya bae ipas. ³⁶ Nao hemi talem se,''Apa,we iminim se papa,evri samting wetem yu hemi stret nomo.Yu karem aot cap ya long mi.Be ino long wantem blong mi,be long wantem blong yu.'' ³⁷ Hemi kam bak be hemi luk evriwan oli slip,nao hemi talem long Pita se,''Saemon,yu stap slip?yu no save lukluk blong wan haoa? ³⁸ Yufala imas lukluk mo prea blong yufala ino foldaon long temtesen.Tingting blong yufala istrong be bodi blong yufala islak.'' ³⁹ Bakegen hemi aot iko stap prea,mo hemi stap usum semak toktok nomo. ⁴⁰ Taem hemi kambak bakegen,hemi luk olgeta oli slip,from ae blong olgeta oli hevi nogud.Oli no save wanem blong talem long Jisas. ⁴¹ Hemi kambak nambatri taem nao italem long olgeta se,''Yufala istap slip mo tekem spel blong yufala?enaf!haoa ya ikam nao. Yufala iluk!Son blong man oli putum hem iko long han blong ol man nogud finis. ⁴² Yufala ikirap;yumi ko.Yufala iluk,Man we bae hemi putum mi long han blong ol enemi istap kam klosap.'' ⁴³ Taem hemi stap toktok yet,Judas,wan long ol twelf,ikamtru,mo igat wan bigfala grup oli folem hem oli karem naef blong faet mo ol hanclap,oli kam from ol jif pris,ol tija blong loa,mo ol eldas. ⁴⁴ Nao man we iletem Jisas long han blong ol enemi hemi ko mekem wan saen,mo italem se,''wan we mi kisim hem man ya nao.yufala iholem hem yufala inomo letem hem ironwe.'' ⁴⁵ Taem Judas ikam tru,hariap nomo hemi kam antap long Jisas mo italem se,''tija,''nao hemi kisim hem. ⁴⁶ Nao oli holem hem mo karem hem iko. ⁴⁷ Be igat wan we istanap klosap isakem naef blong hem nao ikatem aot sora blong wan wokmn blong ol hae pris. ⁴⁸ Jisas italem long olgeta se,''olsemanem,yufala iting se mi man blong stil mo kilim man ided,we yufala ikam wetem naef mo hancap blong holem mi? ⁴⁹ Taem mi stap wetem yufala mo mi stap tij long tempol,yufala ino wantem arestem mi?be hemia ihapen from tok blong God italem blong ikam tru.'' ⁵⁰ Evriwan we oli stap folem Jisas ya oli leko hem mo oli ronwe. ⁵¹ Igat wan yang man,we hemi werem wan klos we oli putum raonem hem,hemi stap folem Jisas. Taem ol man oli holem Jisas ⁵² hemi leko kaliko ya mo ironwe ineked nomo ⁵³ Oli karem Jisas iko long hae pris.Evri jif pris,ol elda.mo ol tija blong loa oli sidaon raonem hem. ⁵⁴ Nao Pita hemi folem hem be hemi wokbaot longwe smol,long we long haos kot ya blong hae pris.Hemi ko sidaon wetem ol gad,we oli stap sidaon klosap long wan faea blong oli stap wom. ⁵⁵ Nao ol jif pris mo evi jiu kaonsel oli stap traem faenem wan poen we iagensem Jisas blong oli save kilim hem ided.Be oli no faenem wan. ⁵⁶ Fulap oli talem fulap ol kiaman poen agensem hem,be ol poen blong olgeta ol man oli no agri long hem. ⁵⁷ sam oli stanap mo oli talem fulap ol kiaman poen agensem hem se, ⁵⁸ ''Mifala iharem se,'bae mi spolem tempol ya wetem han blong mi,mo long tri dei mo bae mi bildim wan narawan be mi nomo usum han blong mi.'' ⁵⁹ Be stil oli no agri wetem toktok blong olgeta. ⁶⁰ Nao hae pris ya istanap long fes blong evriwan naom iaskem Jisas se,''from wanem yu no toktok?olsem wanem long ol poen we ol man ya oli talem agensem yu?'' ⁶¹ Be hemi stap kwaet mo ino talem wan samting.Nao bakegen hae pris ya iaskem hem mo italem se,''olsem wanem yu nao Mesaea,yu son blong God we yumi stap presem hem?'' ⁶² Jisas italem se,''mi ya nao; mo bae yufala iluk son blong man we bae hemi sidaon long raet han blong paoa mo bae hemi kam wetem klaod blong heven.'' ⁶³ Nao hae pris ya iterem klos blong hem nao italem se,''olsem wanem yumi stap lukaot ol witnis yet? ⁶⁴ Yufala iharem finis we hemi tok nogud long God wanem nao desisen blong yufala?''Nao oli jajem hem oli talem se hemi mas ded. ⁶⁵ Sam oli kirap oli sped long hem mo oli kavremap fes mo oli wipim hem oli talem se,''profet!''ol wokman blong hae pris oli kilim hem. ⁶⁶ Taem pita istap yet klosap long haos kot ya,igat wan haos gel blong hae pris ikam long hem. ⁶⁷ Hemi luk Pita istap wom long faea,hemi lukluk Pita klosap nao italem se,''Yu tu yu stap folem man nasaret,ya Jisas.'' ⁶⁸ Be Pita italem se mi hemi no save man ya,''Mi no save yu stap talem wanem ya.''nao Pita iaot iko long get blong yad ya. ⁶⁹ Be haos gel ya hemi luk hem nao istap talem iko long ol naraman we oli stap stanap tugeta se,''Man ya hemi wan long olgeta!'' ⁷⁰ Be Pita italem se hemi no save Jisas bakegen.Be ino long taem olgeta we oli stanap tugeta oli stap talem long Pita,''Tru ya yu wan long olgeta ya,from yu wan man Galili.'' ⁷¹ Be Pita imekem wan strong toktok se,''mi no save man ya we yufala istap tokbaot.''sapos mi kiaman bae God bae ipanisim mi ya. ⁷² Be ino long taem faol isingaot seken taem.Be Pita hemi tingbaot toktok blong Jisas we italem long hem se:''Bifo faol ya isingaot tu taem bae yu talem tri taem se yu no save mi,''nao hemi foldaon ikrae.