1
Nao long taem we masta i save se ol farisi oli harem se hemi Stap baptaesem moa disaepol bitim Jon.
2
(Be i no Jisas i mekem baptaes,be ol disaepol blong hem nomo),
3
Hemi aot long Judea i gobak long Galili.
4
Mo hemi mas go pastru long Samaria.
5
Nao hemi kam long saekar,wan taon blong Samaria, we i klosap long graon we Jekob i bin givim long boe blong hem Josef.
6
Wel blong Jekob i stap long ples ya.Mo Jisas i taed from hemi wokbaot long we,mo i sitdaon long saed blong wel.Naoia i stap klosap long namba siks aoa.
7
Nao i gat wan woman Samaria i kam blong kasem wota,mo Jisas i talem long hem se,"yu save givim sam wota blong dring long mi."
8
From we ol disaepol blong hem oli go long taon blong pem kakae.
9
Nao woman ya i talem long hem se,"yu yu wan Jiu,from wanem nao yu askem wota long mi wan woman Samaria?"From we ol Jiu oli no joen wetem ol man Samaria.
10
Jisas i ansarem hem se,"Sipos yu save wanem we God i givim,mo huia i stap askem long yu se,'Yu save givim smol wota blong dring long mi,'bae yu askem long hem nao,mo bae hem i givim wota we i laef i kam long yu."
11
Woman ya i talem long hem se,"Fren,yu nogat wan samting blong kasem wota mo wel ya i dip.Be yu gat wota we i laef olsem wanem?
12
Yu ting se yu moa hae bitim bubu blong yumi Jekob,we i givim wel ya long mifala,mo hem wetem ol pikinini mo ol buluk blong hem oli bin dring long wel ya?"
13
Jisas i ansarem hem se,"Eni man we i dring wota ya bae i tosta bakeken.
14
Be man we i dring wota ya we bae mi mi givim long hem, bae hemi neva tosta bakeken.Be wota ya we bae mi givim long hem bae i stap insaed long hem olsem wan wel blong spring wota blong laef we i no save finis."
15
Woman ya i askem long hem se,"Fren,givim wota ya long mi blong mi neva tosta mo bae mi nomo kam blong kasem wota bakeken."
16
Jisas i talem long hem se,"Go,singaotem man blong yu,mo yutufala kam long ples ya."
17
Woman ya i ansa se,"Mi nogat hasben. "Nao Jisas i talem long hem se,yes,"yu talem tru se yu nogat hasben.
18
From we yu gat faef man finis. MO man we yu stap wetem naoia,hemi no hasben blong yu.
19
Woman ya i talem long hem se,"Masta,mi luk save se yu wan profet.
20
Ol bubu blong mifala oli bin wosip long hil ya,be yufala i talem se Jerusalem i stret ples blong wosip."
21
Jisas i talem long hem se,"woman,yu mas bilivim mi,taem i stap kam we bae yufala i nomo go long hil ya o Jerusalem blong wosipim papa God.
22
Yufala i no save wanem we yufala i stap wosipim.Mifala i save wanem we mifala i wosipim from we salvesen i kamaot long ol Jiu.
23
Be taem,i stap kam klosap mo i stat finis,we ol tru man blong wosip bae oli wosipim papa God long spirit mo long trut,from we papa God i lukaotem ol kaen man olsem blong wosipim hem.
24
God hemi spirit,mo ol man we oli wosipim hem,oli mas wosip long spirit mo long trut."
25
Woman ya i talem long hem se,"Mi save se mesaea bae i kam(we oli singaotem hem kraes).taem hemi kam,bae hemi talemaot olgeta samting long yumi."
26
Jisas i talem long hem se,"Mi ya nao,we mi stap toktok long yu."
27
Afta long samting ya ol disaepol blong Jisas oli kam,mo oli sek we hem i stap toktok wetem woman ya,be i nogat man i askem hem se,"Yu stap lukaotem wanem?"o"From wanem yu stap toktok wetem woman ya?"
28
Ale woman ya i lego jag blong wota,i go long taon mo i talem long ol man se.
29
"yufala i kam,luk wan man we i talemaot olgeta samting we mi bin mekem Ating hemia nao mesaea?"
30
Ale oli aot long taon oli kam luk hem.
31
Mo long taem ya nao,ol disaepol oli talem long hem se,"Rabae,yu kakae."
32
Be hem i talem long olgeta se,"Mi gat kakae we yufala i no save."
33
Nao ol disaepol oli askem ol narawan se,"Wan man i bin givim wan kakae long hem?"
34
Jisas i talem long olgeta se,"kakae blong mi i blong mekem plan blong hem we i bin sendem mi mo blong finisim wok blong hem.
35
Yufala i stap talem se,'I fo manis i stap yet bifo taem blong havest i kam'?yu luk mi talem long yufala,leftemap hed blong yufala mo luk luk long garen,oli waet finis mo redi blong havest.
36
Mo man we i stap havestem, hem i karem salari mo hipimap frut blong laef we i no save finis,naoia man we i planem mo tu man we i havestem bae tufala i save glad tugeta.
37
From samting ya,toktok ya i tru se,wan man i planem mo narawan i havestem.'
38
Mi bin sendem yufala blong havestem ol samting we yufala i no wokem,ol narafala man oli bin wokem fastaem mo yufala i bihaen long wok blong olgeta."
39
Ale fulap man Samaria we oli stap long taon ya, oli biliv long hem from toktok blong woman ya we i givim witnes se,"Hemi talemaot olgeta samting we mi bin mekem."
40
Nao ol man Samaria oli kam luk hem,oli askem hem blong stap wetem olgeta,mo hemi stap long ples ya tu dei.
41
Naoia i gat fulap man oli biliv from tok blong hem.
42
Oli talem long woman ya se,"Naoia mifala i biliv i from toktok blong yu nomo,be from we mifala i bin harem hem,mo mifala i save gud se hemia mesaea stret sevia blong wol."
43
Afta tu dei i pas,hemi aot long ples ya i go long long Galili.
44
From we Jisas i givim witnes se,ol man oli no save rispektem wan profet we i kamaot long ples blong olgeta.
45
Taem hemi kam long Galili,ol manples oli welkamem hem.From oli bin luk ol samting we we hemi mekem long lafet ya long Jerusalem,from olgeta tu oli stap long lafet.
46
Afta Jisas i kambak long kenan long Galili,ples we hemi bin mekem wota i kam grep jus.Mo i gat wan hae man we boe blong hem i sik long kapeneum.
47
Taem hem i harem se Jisas i aot long Judea i kam long Galili,hemi go luk Jisas mo i askem hem blong kam hilim boe blong hem, from klosap boe ya i ded.
48
Nao Jisas i talem long hem se,"Yufala ol kaen man we sipos yufala i no luk ol saen mo ol merikel,bae yufala i no biliv."
49
Be haeman ya i talem long hem se,"Masta,plis yu kamdaon sipos no boe blong mi bae i ded."
50
Jisas i talem long hem se,"Yu go.Boe blong yu i laef nomo."Mo man ya i bilivim tok we Jisas i talem long hem,mo i gobak.
51
Mo taem hemi stap godaon,ol wokman blong hem oli faenem hem,mo oli talem se boe blong yu i oraet.
52
Nao hemi askem olgeta se wanem stret taem nao hemi kam gud bakeken.Mo i talem long hem se,"Yestedei long namba seven aoa fiva i lus."
53
Nao papa ya i save se hemia stret taem we Jisas i bin talem long hem se,"Boe blong yu i laef."Mo hem i biliv mo tu olgeta long haos blong hem.
54
Jisas i mekem seken merikel ya long taem we hemi aot long Judea i kam long Galili