¹ Long stat blong evri samting Tok blong God istap,mo Tok ya istap wetem God,mo Tok ya hemi God. ² Hemi stap long stat wetem God. ³ Hemi mekem evri samting, mo sapos ino hem bae ino gat wan samting istap. ⁴ Laef i stap long hem mo laef ya,i laet blong ol man. ⁵ Mo laet ya i saen long tudak,be tudak ino save kasem hem nating. ⁶ I gat wan man we God i bin sendem hem,we nem blong Jon. ⁷ Man ya i kam blong givim witnes blong laet ya,blong olgeta man oli save biliv tru long hem. ⁸ Jon i no laet ya,be God i sendem hem blong givim witnes blong laet ya. ⁹ Hemia nao tru laet,we i saen long evri man,we oli kam long wol. ¹⁰ Hemi stap long wol,mo hem i bin mekem wol,be wol ya oli no save hem. ¹¹ Hem i kam long ol manples blong hem,be oli no wantem hem. ¹² Be evri man we oli tekem hem,mo oli biliv long nem blong hem,hem i givim paoa long olgeta blong kam ol pikinini blong God. ¹³ Oli bon i no long blad,i no plan blong bodi,i long plan blong man,be blong God. ¹⁴ Mo tok ya i kam man mo i stap wetem yumi,mo yumi luk glori blong hem,olsem glori blong son we hem wan nomo we i stret pikinini blong Papa God,mo hemi fulap long gres mo trut. ¹⁵ Jon i givim witnes blong hem mo i singaot,i talem se,''man ya nao we mi bin tokbaot se,'Hem we i stap kam afta long mi hem i hae moa long mi,hemi sud kam feswan long mi, from we hem i stap fastaem finis bifo mi.''' ¹⁶ Aot long plante samting we hemi gat,yumi bin kasem fulap,mo tu gres we i no save finis. ¹⁷ From we loa i kam tru long moses.be gres mo trut i kamaot long Jisas kraes nomo. ¹⁸ I nogat man i luk God;be son we hem wan nomo i stret pikinini we i stap long hat blong Papa God, hem nao i bin soemaot God. ¹⁹ Mo hemia witnes blong Jon taem ol Jiu oli sendem ol pris mo ol Levaet aot long Jerusalem blong askem Jon se, ''Yu huia?'' ²⁰ Nao hemi talem stret, i no giaman,be i talem tru se-"Mi mi no Mesaea." ²¹ Nao oli askem hem se, "Olsem wanem? Be yu Elaeja?"Mo hem i talem se, "I no mi."Nao oli talem se,"Yu yu profet ya?"Mo hem i ansa se, "No." ²² o oli askem hem se, "Be yu human,yu talemaot. Mifala i mas givim wan ansa long olgeta we oli sendem mifala?Yu save talemaot se yu huia?" ²³ Hemi talem se, "Mi nao wan voes we i stap singaot long draeples se: 'Mekem gud rod blong masta,'olsem we profet Aesaea i bin talem before." ²⁴ Mo olgeta we oli bin kam,oli kamaot long ol farisi, ²⁵ Mo oli askem hem se, ''From wanem nao yu stap mekem baptaes be yu no mesaea o Elaeja o profet ya?" ²⁶ Nao Jon i ansarem olgeta i talem se, "Mi mi stap mekem baptaes long wota,be i gat wan man i stap stanap wetem yufala we yufala i no save hem. ²⁷ Man ya nao we i stap kam afta long mi,be hem i sud kam feswan long mi,Mi no inaf blong karemaot strap blong sandel blong hem." ²⁸ Ol samting ya oli bin hapen long Betani long narasaed long Jodan Riva,long ples we Jon i stap mekem baptaes long hem. ²⁹ Long nex day Jon i luk Jisas i stap kam long hem mo i talem se,"Yufala i luk,Lam blong God we bae i karemaot ol sin blong wol! ³⁰ Hem nao we mi bin talemaot se,'wan man i stap kam afta long mi we hem i hae mo long mi,we hemi sud kam feswan long mi from we hemi bin stap fastaem finis.' ³¹ Mi no luk save hem,be mi kam mekem baptaes long wota blong soemaot hem long ol man isrel." ³² Mo Jon i givim witnes se,"Mi luk spirit i kamdaon long heven olsem wan waet sotleg, mo i stap long hem. ³³ Mi no luk save hem,Be hem we i bin sendem mi blong mekem baptaes long wota hemi talem long mi se,'man we bae yu luk spirit i i kamdaon long hem, mo i stap long hem, hem nao bae mekem baptaes long Tabu spirit.' ³⁴ Mo mi bin luk save mo mi stap givim witnes se hemia nao pikinini blong God. " ³⁵ Long nex dei, Jon i stanap bakeken wetem tu disaepol blong hem, ³⁶ Mo taem oli luk Jisas i stap wokbaot, Jon i talem se,"yu tufala luk,hemia nao Lam blong God!" ³⁷ Nao tufala disaepol ya i harem hem i toktok olsem mo tufala i folem Jisas. ³⁸ Afta Jisas i tanem hem mo i luk tufala i stap folem hem nao i talem long tufala se,"yutufala i stap lukaotem wanem? "Tufala i talem long hem se, "Rabae,"We i minim se "Tija"),"Yu stap wae?" ³⁹ Hemi talem long tufala se,"Kam luk."Nao tufala i kam luk ples we hemi stap;mo tufala i stap wetem hem long dei ya,klosap long ten aoa. ⁴⁰ Wan long tufala ya we i bin harem Jon mo i bihaen long Jisas hemi Andru,brata blong saemon pita. ⁴¹ Hemi feswan we hemi faenem brata blong hem saemon pita, hemi talem long hem se ,"Mifala i faenem mesaea "(We i minim se kraes). ⁴² Mo i tekem hem i kam long Jisas, mo Jisas i luk hem i talem se, "Yu saemon boe blong Jon.(Bae mifala i singaot yu pita) "we i minim se wan smol ston" ⁴³ Long nex dei,Jisas i wantem go long Galili,Nao i faenem Filip mo i talem long hem se,"yu bihaen long mi." ⁴⁴ Nao Philip hem blong Betsaeda,taon blong Andru mo pita. ⁴⁵ Nao Philip i go faenem Nataniel mo i talem long hem se, "Mifala i faenem hem we moses mo ol profet oli bin tokbaot long loa,hemi Jisas blong Nasaret boe blong Josef." ⁴⁶ Be Nataniel i talem long hem se, "yu ting se wan gudfala samting i save kamaot long Nasaret?"Filip i talem long hem se, "yu kam luk." ⁴⁷ Jisas i luk Nataniel i stap kam long hem mo i talem se,"yu luk,hemia wan stret man Israel,we i no stap giaman!" Nataniel i talem long hem se,"yu save mi olsem wanem?"Jisas i ansa long hem se, ⁴⁸ "Bifo Filip i singaot yu,taem yu stap yet andanit long figtri,mi luk yu finis." ⁴⁹ Nao Nataniel i ansarem hem se,"Rabae,yu son blong God! yu yu King blong Israel !" ⁵⁰ Jisas i ansarem hem se,"yu biliv nomo from we mi bin talem long yu se mi luk yu finis andanit long figtri,'Bae yu luk fulap samting we i moa bigwa bitim ol samting ya." ⁵¹ Mo Jisas i talem long hem se,"i tru we i tru,mi talem long yufala,bae yufala i luk heaven i open,mo ol engel blong d oli stap go antap mo kamdaon long son blong man."