¹ Ikamaot long ol elda iko long woman ya we oli bin jusumaot mo ol pikinini blong hem. we mi truli lavem mo ino mi wan, be wetem olgeta evriwan we oli save trut . ² From tru tok ya we i stap wetem yumi finis bae I stap wetem yumi foreva ³ Glat hat blong God, sori, mo pis, bae hemi stap wetem yumi we i kamaot long God papa mo mo Jisas Kraes, stret pikinini blong Hem, long trut mo lav. ⁴ Mi mi glad tumas we mi luk Sam long ol pikinini blong yu we oli stap wokbaot long trut,olsem we papa i talem. ⁵ Naoia mi talem strong long yu,mama ino we mi wantem Kivim wan niufala loa bakeken,Be hemia nomo we yumi gat long stat finis,we i talem se yumi mas lavlavem yumi. ⁶ Fasin blong lavlavem yumi,i minim se,yumi mas wokbaot folem loa ia,i semak olsem we yufala i harem finis long stat.so yumi mas wokbaot long hem. ⁷ I gat plante giaman man oli stap go aot long wol,mo oli no talemaot se jisas kraes hemi kam olsem man.oli ol man blong giaman mo oli stap go agens long kraes. ⁸ Tingbaot yu luk long yu wan,blong mekem se yu no lusum samting we yumi evri wan i wok from,be bae yu save kasem ful rewod ⁹ Man we ino folem tijing blong kraes hemi nogat God.be man we i stap folem tijing,hemi wan we hemi gat papa God mo pikinini blong hem. ¹⁰ Sipos wan man i kam long yu mo hemi karem tijing ya,yu no mas letem hemi kam insaed long haos blong yu no talem halo long hem ¹¹ Man we i talem halo long wan man olsem hemi stap pat long ol rabis fasin blong hem. ¹² Mi gat plante samting blong raetem i kam long yu,be mi no wantem raetem long pepa mo pen.From samting ya,mi wantem kam luk yu blong toktok fes tu fes,blong mekem se yumi save harem gud. ¹³ Ol pikinini blong sista blong yu we oli jusumaot yu,oli talem halo long yu.