¹ Amin'izany anareo rahalahy teko sady mahamanigna anaha, fifaleko sady satr-boninahitrako, amin'izany mijoroa tsara amin'ny Tompo, ry akamako malala. ² Mengavy an'i Eodia aho, sady mengavy an'i Syntyke, miresa saigna aimn'ny Tompo. ³ Sady, mangataka aminao my koa aho, ry akamako raika zioga: Tahio ny viavy io. Satria iary zareo de niaraka niasa taminaha tamin'ny fagnamparitahana ny Filazantsara niaraka tamin'i Klemanta sy ny akamana tavela mpiara-miasa aminaha marobe, zegny efa ao amin'ny Bokin'ny Fiaignana ny anaran'iary zareo. ⁴ Mifalia fezay amin'ny Tompo. Zakaiko my , mifalia. ⁵ Aleo ho fantan'ny olon maro be ny fahatsoram-ponareo. Efa akeky ny Tompo. ⁶ Aza magnahy ndre amin'ino ndre amin'ino. Fa, amin'ny raha maro be koza avy amin'ny vavaka mban'ny fangatahana, miaraka amin'ny fisaorana, aleo ny fangatahanareo ho fantan'Andriamanitra. ⁷ Sady ny fiadanan'Andriamanitra, zay ambonin'ny fahalalana marobe, hiaro ny fonareo mban'ny fisaignanareo aro be amin'ny Kristy Jesôsy. ⁸ Farany, ry rahalahy, ndre ino ndre ino marina, ndre ino ndre ino manan-kaja, ndre ino ndre ino manan-drariny, ndre ino ndre ino madio, ndre ino ndre ino matsatsara, ndre ino ndre ino nizakaina fa tsara; na misy ndre ino ndre ino tena tsara, na misy ndre ino ndre ino tokony ho deraina, de mandiniha an'ny raha maro be io. ⁹ Ny raha zegny nenaranareo de niresinareo de regninareo sady hitanreo taminaha, ataovy ny raha io, sady ny Andriamanitry ny fiadagnana hiaraka aminareo. ¹⁰ Mifalia fatratra amin'ny Tompo aho satria navaozinareo my amin'izao ny fiheveranareo anaha. Efa nandinika anaha tegnany anareo taloha, fa tsisy fahafahana ho anareo mba hagnampy. ¹¹ Tsy mizaka an'izany aho satria agnatin'ny tsy fahampiana. Fa efa nianatra ny hifaly amin'ny zegny toetran-draha miseho maro be aho. ¹² Fantako ny hoe sahiragna sady fantako koa ny hoe manam-be. Amin'ny fomba maro be mban'ny ami'ny raha maro be de nianatra ny tsiamabarantelon'ny fihiananam-be mban'ny mosary aho, sady ny hoe manam-be mban'ny hoe agnatin'ny fagnampiana. ¹³ Afaka magnano ny raha maro be aho avy amin'ny mmampahery anaha. ¹⁴ Nefa, anareo de nagnano tsara taminaha my tamin'ny fasahiragnako. ¹⁵ Sady anareo Filipiana mafantatra fa tamin'ny fiandohan'ny filanzantsara, ndreka nenga tany Makedonia izaho, de tsisy fengonana nanohagna anaha na mahakasika fagnomezana mban'ny fandresana afa tsy anareo raika my. ¹⁶ Na tamin'izao tagny Tesalonika aza de nagnandefa fagnampena ho an'ny ndregny nilaiko nihôtra ny indraika mandeha anareo. ¹⁷ Tsy hoe miaragna fagnomezana izaho. Fa, de mba miaragna koza ny vokatra zegny mampiakatra ny voninahitrareo aho. ¹⁸ Nandray ny raha maro izaho, sady managna maro. Fa feno aho. Voraiko avy tamin'ny Epafrodito aby ny raha avy aminareo. Io de hanitra manim-pofogna, zegny rakitra azo ekena sady ankasitrahan'Aandriamanitra. ¹⁹ Sady ny Andriamanitrako hameno zegny raha maro ilainareo magnaraka ny harenan'ny voninahitrany amin'ny Kristy Jesôsy. ²⁰ Sady ho an'Andriamanitra Abantsena ane ny voninahitra mandrakizay doria. Amena ²¹ Mangnmboara veloma an'ny mpino maro be amin'ny Kristy Jesôsy. Ny rahalahy zegny miaraka aminaha de magnano veloma anareo. ²² Ny mpino maro be zegny eto magnano veloma anareo, indrindra ma fa zegny avy amin'ny ankohonan'i Kaisara. ²³ Ny fahasoavan'ny Tompo Jesôsy Kristy ane ho amin'ny fagnahinareo. [Fagnamarihana: Misy fandikana sanagny magnampy hoe: "Amena."]