¹ De nandeha tagny synagoga ndreka i Jesôsy de nisy lilahy maty tagnana zay tao. ² Nijery akeky an'Azy ny olona sanasanagny hahitan'iary zareo raha agnafaka an'azy amin'ny Sabata Izy iary zareo magnadiso an'Azy. ³ De nizaka Jesôsy tamin'ny lilahy maty tagnana hoe: "Mitsangana ary robe mahitsy eto ategnategnan'olona marobe eto. ⁴ De nizaka tamin'olona Izy hoe: "Mety ve ny magnano soa amin'ny andro Sabata sa ny magnano ratsy ; mamonjy aina, sa ny mamono?" Nefa iary zareo tsy nahazaka. ⁵ Nizaha an'iary zareo tamin'avignirana i Jesôsy, sady nalahelo Izy tamin'ny hamafisan'ny fon'iary zareo, de nizaka tamin'ny lilahy igny Izy hoe: "Atsory ny tagnanao." Natsotran'ny ralilahy igny ny tagnany de nahafaka izy. ⁶ Nivôka iary zareo fariseo sady nikonokonogna malaky niaraka tamin'ny Herodiana hiaragna tetika hamonoana an'Azy. ⁷ Aveo Jesôsy niaraka tamin'ny mpianatrany io, nandeha tegny amoron-dranomasina, de nisy fokonolona maro nagnaraka avy tany Galilia mbàn'ny avy any Jodia ⁸ de avy agny Jerosalema mbàn'ny avy agny Edoma ka latagny amin'ny tegnaranon'i Jordana mbàn'ny magnodidignan'ny Tyra sy Sidona. Ndreka naregny momban'ny raha namboarin'iary zareo, de nisy fokonolona nandeha tamin'Azy teo. ⁹ Nampiaragna lakana ny mpianatrany Jesôsy ho an'Azy tratrin'ny amarozan'olona teo, mba tsy hifanosehan'nyolona Izy. ¹⁰ tratrin'Izy nagnafaka olona maro, de nifandrobaka nagnatogna an'Azy ny olona marobe zegny nanagna aretina mba hikasiany an'Azy. ¹¹ Isaky ny nahitan'Azy ny fagnahy ratsy io, de mandondogna tanatrehany sady nihoaika, de iary zareo hoe: "Anao Zanak'Andriamanitra." ¹² De nizakainy mafy iary zareo mba tsy hampahafantatra an'Azy. ¹³ Niakatra tan-tendrombohitra nagnantso an'ny ndregny teny, de nagnatogna amin'Azy teo iary zareo. ¹⁴ Nanondro ny roambinifolo lahy Izy (zakaina hoe Apostôly), mba hafahan'iary zareo magnarka an'Azy sady mandefa an'iary zareo mitory ny hafatra, de ¹⁵ hanagna hery handrôka devoly. ¹⁶ Aveo de nanondro an'ny roiambinifolo io Izy: Simona, nomena agnarana hoe: Petera; ¹⁷ Jakoba zanak'i Zebedio, miaraka amin'nyJaona rahalahiny, izay nomen'ny agnarana hoe Boanarijesy, ny dikany de hoe, zana-baratra; ¹⁸ de Andrea, Filipo, Baritolomeo, Matio, Tomasy, Jakoba zanak'i Alfeo, Tadeo, Simona Zelota, ¹⁹ de Jodasy Iskariota, zegny hamadika an'Azy my. ²⁰ De nody tandragno Izy, niaraka tonga ndreka ny fokonolona, de nanjary tsy afaka nihinagna aby iary zareo. ²¹ Ndreka naregny momban'izany ny fianakavena, de nivôka iary zareo nangalaka an'Azy, satria nizakain'iary zareo hoe: "Very saina Izy." ²² Arika iary zareo mpanoro-dalàna izay nijotso avy tany Jerosalema de nizaka fa: "Ipetrahan'ny Belzeboba Izy", ka, "Amin'ny alalan'ny mpanapakan'ny devoly no androahana ny devoly." ²³ De nantsovan'i Jesôsy nagnatogna an'Azy iary zareo ka nizaka an'iary zareo tam-pagnoharana hoe: "akory afahan'i satana mandrôka an'i satana? ²⁴ Ndreka misy fanjakana miady andragno, de ho rava izany. ²⁵ Ndreka tokantragno miady andragno de tsy aharitra ny tokantragno karan'izany. ²⁶ Ndreka nitsangana nanohitra ny tegnany ny satana de nisaraka sady tsy haharitra, de hifaragna. ²⁷ Fa tsisy afaka miditra amin'ny tragno ny lilahy matanjaka ka mandroba ny fanagnany raha tsy fatorana alogny lilahy mantanjaka igny, de handroba ny teagnony izy aveo. ²⁸ Zakaiko aminareo tegnany, voavela aby ny helokan'ny zanak'olombelona, na de zaka maro zakain'ny vavany aza, ²⁹ fa zegny mizaka ratsy ny fanahy Masina koza de ts voavela heloka mandrakizay." De ho diso tratrin'ny ota mandrakizay." ³⁰ Nizakain'i Jesôsy iary zareo nohon'ny fizakan'iary zareo fa hoe: " Managna fagnahy ratsy Izy." ³¹ Avy teo de tonga i endriny mbàn'ny ampiralahalahy amin'Azy de nitsangana tambelagny tao. Nandefa olona nampafantatran'iary zareo de nampagnatso Anazy. ³² Nipetraka nagnodidigna an'Azy ny fokonolona de nizakainy hoe: "Endrinao mbàn'ny mpirahalahy aminao ambelagny ao, sady miharagna Anao iary zareo." ^{33 34 35} De namaly Izy hoe: "ka iza ma i Endriko sy ampirahalahy aminaha?" de nijeravany magnodidigna tamin'ny olona nipetraka magnodidigna an'Azy teo, de izaka Izy hoe: "Jerevo, itôgny endriko mbàn'ny ampirahalahy aminaha! Fa na zovy na zovy magnano sitrapon'Andriamanitra, de izany my aminaha ampirahalahy aminaha de anakaviko mbàn'ny endriko."