¹ Izaho loholona mamanga an'i Galo malala, ny teko amin'ny fahamarinana. ² A malala, mivavaka aho mba tahiana amin'ny raha marobe anao sady ho salama, kara ny hitahena ny fagnahinao. ³ Fa de faly be aho ndreka nisy rahalahy tonga sady nijoro vavolombelona tamin'ny fahamarinanao, kara ny andehananaao amin'ny marina. ⁴ Tsy managna hafalena be ambonin'ity aho, de ny haregnesako fa mandeha amin'ny fahamarinana ny zanako. ⁵ A malala, magnano asa azo itokisana anao na amin'ny ino na ino asa atànao ho an'ny rahalahy mban'ny vahiny, ⁶ zay nijoro vavolombelona ny fitiavanao tagnatrehan'ny fengonana. Tsara ny atànaona alefanao mandeha amin'ny fomba mendrika an'Andriamanitra iary zareo, ⁷ satria avy amin'ny agnarana no nengana, tsy nitondra na ino na ino avy tamin'ny Jentilisa. ⁸ Noho izany antsena de tokony hangala ny karan'izany, mba ho mpiara-miasa amin'ny fahamarinana antsena. ⁹ Nanoratra raha tamin'ny fengonana aho, kanefa Diotrefa, raika te-lohany amin'iary zareo, de ts nagneky anay. ¹⁰ Noho izany, ndreka tonga aho, de tadidiko ny asa zegny natàny io, ny fomba nizakany raha mahasorena manohitra anay miaraka amin'ny zaka ratsy. Tsy afa-po tamin'ny asa, de tsy mandray ny rahalahy izy. Nandrara an'ny zegny te-hagnano kara an'izany izy sady nandrôka an'iary zareo hivôka ny fengonana. ¹¹ A malala, aza mangala karan'ny zegny ratsy fa zegny tsara. Ny raika zegny magnano ny tsara de an'Andriamanitra; ny raika zegny magnano ny ratsy de tsy nahita an'Andriamanitra. ¹² Ny maro mban'ny fahamarinana de vavolombelona magnambara an'i Demetrio. Izahay my koa de mijoro vavolombelona , sady fantatrao fa marina ny fagnambaranay. ¹³ Nanagna raha maro ho soratana aminareo aho, fa tsy magniry hanoratra an'izany aminareo amin'ny penina mban'ny ranomainty aho. ¹⁴ Kanefa magnantegna aho hahita anareo tsy ho ela, de hikoragna mivantagna antsena. ¹⁵ Ho aminareo anie ny fedanana. Magnano veloma anao ny akama aty. Veloma agny amin'ny akama tsitokatokana isaky ny agnarany aby.