1 ईशुई आंख्या गोठया आखिन तो गालील मे जो जाता रीया आने वादॅनखाडी पारकीन विहिरीवेला यहूदीया देशाम गीयो. 2 ताहां खुव मोडो टोलो तिया फासाडी गियो आने तिहिनि खुव आजारी माहान तियांय हारे केये. 3 आरदे परूशी ईशु पाही आलें ईशु कारवी गलत गोगा जोजे आखीन ते चाल केरा लाग्या. तियांय ईशुल फुच्यो, कायवी कारणा की ऐगा माहाय तिया थेड्रल सोडाय का? 4 ईशुई उत्तर देदो," पवित्रशास्त्राम एहकी लिखलो हाय तुमाय खेरेज वाच्योवेरिता जाहा देवाय जग वोनबुला. 5 आने देवाने आख्या, तीहाल माहूव तिया वाहकी - वाहकाल सोडीन आने थेई आरी ते वेनी एक सरिरा रि." 6 तिहाल वेन माही वेन नहा पेन एक हाय. देवाय तिया वेन्याल आरीज जोडले हाय. तियाल फेला वी माहाय तिवान दुर केएनुनाहा.' 7 पूरश्याय फुस्यो,' एहकीज हाय, ता, माहीम फारगुती लिखिन दिन आनेतिया थेईल सोडी देवनु दुर केलु आज्ञा मोशेय काहा देदी. ? 8 ईशुई उत्तर देदो,"तुमा अंतकरणा कठोरपणा विड्न मोशेय तुमा श्रेया सांडी देवनु आखला. पेन पेहला पारगुती एहकी नाय आथो. 9 माय तुमाल आखु, जो माहुव तिया स्वता थेई सोडी दे आने विहरी थेई आरी वोराड केहे तो व्यभिचार केहे. तियाल. थेईल सोडनु एकच कारण हाय. आने जो वीि सोडली थेई आरी वोराड केहे तो वी व्यभीचारी री. 10 फासे तिये शिष्य तिया आख्या लाग्या, " जर कोअवाला आने थेई परिस्थिती एहनडी रे ता वोराड नाय केनु हारो रे." 11 ईशुई उत्तर देदो,"एहनडी अक्कल आखाज नाहा हाय. जियाल हारी शिकवण हाय एहकी नाव के. 12 कारण याहकी गर्भामनुज जन्म नपुंसक एहकी हाय आने माहा केल एहकी नपुसंक हाय आने स्वर्गा राज्या खातोर तियाय आपुहुल नपुसंक की लेटलो हाय. जियाल ई स्वकारता आवे तो स्वीकारे. " 13 फासे ईशु आप पोयराप आथ थोविन प्रार्थना केरी तिया खातार माकी तिया पोयरे तिया पाहीति आले. पेन ईशु शिष्याय पायरान पाही लावा नाहा देदे. 14 पेन ईशुई आख्यो, '" हाना पोयरान मा पाही आवा दया, तिहान मना नाहा केरा.काहाका स्वर्गाराज्य तिया सारखाज हाय." 15 पोयराहाप आथ थोवीन ईशुई तिहने रातोरिया. 16 फासे बेरा, केडातेवी एक माहु ईशु पाही आलो आने फुसा लाग्यो, "गुरूजी सार्वकालीक जीवन मिला जोजे तिया खातोर माय काय केहु ? 17 ईशुई आख्यो," काय हारो हाय एहकी मान काहा फुसा.? फक्त देव एखलोज हारो हाय पेन जर तुल सार्वकालीक जीवन जोजे ता आख्या आटण्या पाल." 18 तियाय फुस्यो, "केल्या आज्ञा ?" ईशय उत्तर देदो, "खून नाहा केरो, व्यभीचार केरो नाहा, चोरी नाहा, खेटी साक्षी देव नाहा. 19 आपु याकी वाहकाल मान दे आने जेहकी स्वताल प्रेम केतो तेहकीज वी प्रेम के. " 20 तो पायरो आखालाग्यो." ऐ आख्या आज्ञा माय पालतो आला हाय. माय आजी काय करू ?" 21 ईशुय उत्तर देदो." तुल जर पिरपूर्ण वेरा हाय ते तो जो कावी तो बेची दे आने पायसा गरीवान वारीदे. म्हणजे तुल स्वर्गाम मोडी संपत्ती मीली आने चाल मा फासाडी. " 22 पेन जहा तिया. जुवान पोयराय ई उनाया, ताहा नियाल खुव दुःख वाटयो काहाका तो खुव मालदार आशा, आने तो ईशुल सोछीन जातो रियो. 23 ताहा ईशु तिया शिष्यांन आख्यो," माय तुम्हाल खेरे आखु, धनवान महाल स्वर्गा राज्याम प्रवेश केरा खुव कठीन रेहे. 24 माय तुमाल आखु का, मालदाराल स्वर्गा राज्याम प्रवेश वेरा म्हणजे उंटाल हुई मेने नीगुल होस." 25 जाहा शिष्याय जे गोठया उनाया ताहा खुव आश्चर्यचकीत वेया. तियाय ईशुल फुस्यो," हाती केडा तारण वेरी?" 26 ईशुय शिष्या वेला वेयो आणि आख्यो," महान इ अशक्य हाय, पेन देवाखातार आखा गोठया शक्य हाय." 27 पेत्र ईशुल आखे," वेरा, आमाय आखो काय सोडी देटो आणे तुमा फासाडी आला. हाती आम्हाल काय मिली." 28 ईशु आखे," माय तुम्हान खेरे आखु, नव्या युगाम जहा महा पुत्र गौरवी राजासनावर वोही ताहा तुमा जे आवाज मा फासाडी आला ते आखाज वारा राजासनाव वहा आने इस्त्राएला वारा वंशा न्याय केहा. 29 जियाय जियाय मां फासाडी आवा आपु कोवो, पावु, वाही, याहकी वाहको, पोयरो, खेतीवाडी सोडी बेरी तर तिया तिया पेक्षा जास्ती मिली आने तियाल सर्वकालीक जीवन मिली. 30 पेन खुव जे आमि आले ते शेवटी वेरी आने जे शेवटी आले ते पेहले वेरी.