¹ Jemesa ai talai ni Kalou ga ni Momo Jisu Karisito, qa na Momo ko Jisu Karisito sa loloma yati va khora no yavusa tinikarua kha ra sa teni lakha tu. ² O vatikem, na viweXani, ba dau numia uno ba marau ina kwa dau veivatovolei mai. ³ Baletia oiko kilatia na kwa ni vatovolei ni Vatilem vabautia. ⁴ Mo ba vina na kwa taucoko sara me lala ni lia na kwa me vele. ⁵ Ia sa sewasewa na vulau, o koya dodonu me taragia na Kalou o koya dau vagania va khora. ⁶ I aba kerekere main a vabautia mai na vatitiqa baletia o koya, sa vatitiqa sa wetei na wai taci sa vei cagitaki kha vei tubuyaki. ⁷ Na tamata sokwe me kua ni numia ni na rewatia e lia na kwa mai vua na turaga. ⁸ O koya dau lomalomarua kha yamekemeke na lea i valavala. ⁹ Ia me marau na tamata dravudravua e no lea laveti yata. ¹⁰ Okoya a vutuniyau i na lea malumalumu ni na vele ga ko koya me wetai na se ni o. ¹¹ A sa lakha cake mai na siga kha na cagi kataicata icha va mamacatakinia na O sa mira na senikai khe ne kea rairai vina. Eua wetai muni na tamata vutuniyau ina lea valavala. ¹² Kalougata na tamata sa vosotia ni sa vatovolei icha oti ina rewatia na i sala ni cola O koya sa yalatakinia na Kalou va khora sa lomania. ¹³ Me na lala lia une kwaya, qi sa va torolei va Karisito, baletia ni tam dau veretalei rewa na Kalou kina kwa ca se mai na tamata. ¹⁴ Ia sa dau vatovole na tamata yalia main a lea garogaro ca kha sa bacani khoya. ¹⁵ A sa budoni na i valavala ca, sa vasucumia khe na garogaro qa sa tekivu me tubu kha vasucumia sara na mate. ¹⁶ Ba kua ni tava na lewa cala, o vatikem na veilomani. ¹⁷ Ai loloma ni kwa vine sa lakha mai lomalagi, sa lakha civo mai va tama ni Xarama kha tam veisau wetai na yaloyalo ni veiyatoyakitu. ¹⁸ A sa eva? Na kwa boto e ina vei vala kece, mai na kwa e du se tam dutaki lotu vakarisito sa kwaya sa bulia okoya. ¹⁹ O kilatia kwe na viwelcani lomani, mo ba varewarewa yalia na varorogo, berebere na tata kha bere muni na borisi. ²⁰ Na borisi yalia ni tamata ina tam tubu kha na lewa e dodonu vua na Kalou. ²¹ Okwe mo ba biutia dei na kwa vasisila kha na kwa ca, vabautia mai mu yalo kece qa tei vakinia i buto, so kwe ne na vacolai rewa kha na yalo. ²² Ia ba kwa ni rogocia boto na tata me kua ni vatiXcem rogocia boto ga ina veivacaisini taki vatikem. ²³ Ia mo ba rogocia boto ga na tata la kha tam tara na kwa me wetai na tamata tolavi koya ina iloilo. ²⁴ A sa numidenia vasauri se wetai va yava nai valavala ni lea cola mai na tolavi koya vali ina Iloilo. ²⁵ Ia okoya sa vatolavia matua na i vunau vina sava, ia sa tara muni na cakacaka kha ina kalougata ina kwa kece o tara. ²⁶ Me wetai e li ava vatikem sa numia na lotu kha tam tarovia na me sa kwa wale na lea lotu na tamata so kwe. ²⁷ Na lotu vina kha tam cala e mata na Kalou me na dau tolavi khora na luveniyali qa na yada me kua kha n ilia na mate me tauvia.