¹ Ia kwe, na tata ni yalayala ni te na rusu i na lea i vaunavauna cigu i vadonui tu me te tu vura kua, me te matakhu, i na lalalia i va vatikhem i na lutu du mai kua. ² Ni sa lei kwa i va vatikheta nai tukhutukhu vina me wetei muni i vuara, ia nai tekhutukhu so kwe a qei tam vakhayaco kwa i vuara na tam lia vata i na vabautia ma vakhora na vatakhu i cia. ³ I vakheta na vabautia te na rusu i na lea i vakhavakhacegu. Me wetei na kwa e kwaya. “I na lequ borisi qu sa yalatakhu nia kha na kwa kwe. Ere na ta rusu via na lequ i vakhavakha cegu” Sa kwaya rewa, ei du ga ni sa tava rewa na yavu ni vuravura. ⁴ A sa sa kwaya ya rewa me baletia nai Kha vitu ni Siga “Na Khalou a sa vakha agu mai na lea cakhacakha i nai kha vitu ni Siga.” ⁵ O khoya leqwa kwe na kwa a kwaya, ere na tam rusu i na vea i vakhavakha cegu. ⁶ Ia sokwe, i si vadeitakhi no i na sewa i na rusu i lea vakhacegu, gai khora are sovia na i tukhutukhu vina sa lei kwai vamatata i vuara ne re na tam lakha i bufo baletia na ledra duakhava. ⁷ Ia na khalou sa ilia legwa a lia na siga ni kwaya “Ni khua” me wetei a kwaya i va levita ni sa oti a lia na gauna tutunu; “ni khua ni o ba sa varogo e lio, ba khua ni vakhaikhai nia vatimem yafo.” ⁸ Ma ga i sa solia i vuara o Josua na i vakhavakha cegu, Na khalou i na tam kwaya legwa na teni siga. ⁹ I na vakha dei takhinia ga no na siga ni vakhavakha cegu me ledra na tamata ni Khalou. ¹⁰ O Khoya sa rusu khi na lea i vakhavakha cegu na Khalou o Khoya muni sa na cegu mai na lea cakhacakha, me wetei na Khaoou ni sa vakhacegu mai i na lea. ¹¹ Te vakhaikhai sara me te rusu i na lea i vakhavakha cegu, me khua ni lia i oba i na matagali duakhava ere dau tava. ¹² Ia na tata ni Khalou ei cola qa Khaikhai gaqa gare visivisi ei drili na i sele i wau baatirua. I uso nu wase rua ni a uda vakhu sama qa meda yalo, na viama qa ma bonu ni tua, qa sa vatau lewa takhinia na keda numia qa na leda vatulewa i buto. ¹³ A si lalalia na kwa a buli i mata mai iteni me lelemata mai vua na Khalou, la na vikwa cokho a vua qa dolavia na mata i va khoya te sa vatusai kheta kha i vua. ¹⁴ Ia kwe, sa lia na leda bete leru talia, o Khoya sa lakha rusu i lomalogi, o Jisu na luve ni Khalou, me te quXXmia khata na leda lotu. ¹⁵ Sa tam leda bete levu o Khoya i tam lomani Kheta rewa ni te lalumalum. Mai vua, kho a sotavia na vivabebeta khi ru vuru cakaca me wetei o Kheta, o Khoya e i valavala cakhaca. ¹⁶ Me te toso valekhe i na lea nono vaMomo daulolana, me te lei vinati qa te lei lomani qa te lei vukhei i na gauna te vinatia.