¹ O koya kwe mete dau vanumia vakalevu na kwa tesa rogo ewa, mena kua ni kau dei mai iva keta. ² Ia nai tukutuku ara sa tatataki iva kete okra na agilosi ni vadudutaki ni yaga, qa kai valavala ca qana talaidredre ara na cota qa me kedra i sau. ³ Mete qei tubarakinia vakayava maga te duarakinia na vivacolai levu kwe? Ko kwe na vivacolai a tukunia mai mata na Kalou qa vadudu takinia iva keta mai iva kora ava sa rogo rewa. ⁴ Ina gauna vala so kwe na Kalou sa vadudutakinia nai vatakilakila, qana vivakurabuitaki, qana cakacaka mana, qana vivotai inai solisoli ni” Yalo Tabu ina lea loloma. ⁵ A tam solia iva kora na agilosi na Kalou mera lewa na vuravuraina teitaku mai, ina vikwa aba sa tatataki. ⁶ Ina lia ina lia na tiki ni vanua, ina kwaya ka, “Na uava na tamata mo dau numi koya kwa? Se na luveni tamata mo dau sikovi koya? ⁷ O bulia na tamata me sewasewa vasewasewa mai vakora na agilosi; o keumu o qei vakaisalatakini koya inai uku uku qana vakarokoroko. ⁸ O qei biutia na vikwa cook me lewa e ruku ni ela. “O kooya ga na Kalou asa vamalumalumu takinia na kwa coko. Asa tam vo a lia na kwa me tam vamalumalumutaki ivua. Ia ina gauna kwe tesi tam tolavia na vikwa coko me lewa o koya. ⁹ Ia te to la via koya asa buli vasewasewa mai iva kora na agilosi ina gauna lekeleke, O Jisu, asa vakaisalataki ina i uku uku qaina vakarokoroko baletia lea vakararawataki qa mate, ina lea loloma na Kalou asa sotaqa na mate me baleti kewa coko na tamata. ¹⁰ Ni sa kilikili ira na Kalou, baletia o koya itaukenitia na kwa coko qa sa vavunia na kwa coko me qei mei kora mai i eru lea driadria ina lea uku uku. Me vakarautakini koya mera tolaria na vuni cola ina lea dau vosotia. ¹¹ Iva kora qa ivua o koya sa vakasavasavataki qa iva kora ara sa vakasavasavataki oti ilia Foto o tamai keta. Asa tam madua ka me covi keta i taci au. ¹² Asa kwaya, “Qina tukunia imu yaca iva kora o taci au qa, “Qina laga sere takini iko ina kedra malina nai soqosoqo lewe ni lotu.” ¹³ Asa kwaya leqwa, Qi na vakararavi ivua. Asa kwaya leqwa, O au ko kwe qa o kora coko na dridria asa solia mai na Kalou me lequ. ¹⁴ Ia, o kora coko na driadria are viciko vata qa dra vata, i wase na kwa coko so kwe ina lia na sala, ia ina lea mate me rewa ni vakamalumalumu takim koya o koya i lewa na mate, so kwe, na nitu. ¹⁵ Me rewa ni o koya me vaqwalalataki ni kora coko ere mataku cia tu na mate ara cola taki tu mai mera lewai mera vakabobulataki tu ka. ¹⁶ Sa du sara a tam nikora na agilosi a vukei kora kwe, ia o kora ga lea kawa o Eparama. ¹⁷ Asa yaco sara o koya mena wetai o tacia qa ina vikwa coko, me rewa ni dau yalo vina qa du ina cakacaka vakai talatala qa ina vikwa coko ni Kalou, qa rewa botomuni ni dau sorovakinia na ledra i valavala ca coko na tamata. ¹⁸ Baletia o Jisu vatakini keya ga a vararawataki qa qei temaki, qa si rewa ni vukei kora coko o kora sa dau temaki.