¹ Qi vakatakea no vuara na tuqwaqwa ere no qai vatikem, o au, e lana tuqwaqwaa sa vakadudutakinia na lea vakararawataki na Karisito, qa qu na wase muni na lagilagi e ina qei cedre mai na gauna itaku sara. ² Mo tia vakatawa ni lea qele ni sivi na Kalou i na ruku ni lem vimaroroi, viqwaravi, me wetai na i vakatawa - tam nia ni dodonu mo tara, ia mo gadrevia, ni na lesi iko na Kalou mo dau viquarayi ina yalo e gagdre qa lala mai na i yau vakasisila. ³ Ba kua ni valavala vaka momo ina vatilem viqwaravi. Ia mo tia i vakaraitaki vina vuara ina lewe ni sivi. ⁴ Ni sa na cedre mai na teiteimata ni vakatawa ni sivi o ba na qei otaqa na i sala sa ukutaki tu, tam malai rewa. ⁵ O vatikem na saravou, ba vamalumalu mutaki ni vatikem vuara na tuqwaqwa. Ba vakaisulutaki ni vatikem i na yalo malumalumu qa mo ba dau vilegai. Na kalou sa dau cakatira na dokadoka qa dau solia lea loloma vuara na yalo malumalumu. ⁶ Ba vamalumalumu taki ni vatikem Ina rukunie lima qwaqwa na Kalou, me rewa ni talave cake ka vatilem col i na gauna kwe. ⁷ Ba denia coko vua vatilem i vuavua ni sa dau lomani vatikem. ⁸ Ba vuku vakalevu sara qo ba qaqarauni. Na vatikem meca na nitu, sa visaniyakivali wetai na laione sa tagi, vatolavia vali e i lia me solum. ⁹ Ba vakaikai sara mai vua. Me qwaqwa vatilem vabautia. Ba kilatia no, o wekai vatikem i na vuravura kwe aru lei vararawataki muni me wetai o vatikem. ¹⁰ Ni sa oti vatilem vararawataki, na kalou vakai ukuuku a mei vatikem i na lea ukuuku tawa mudu na Karisito, e na qei vakadeitakini vatikem, vaqwa qwataki ni vatikem, qa vakaikaitaki ni vatikem. ¹¹ Me lea na lewa ina vi gauna taucoko qa tam mudu rewa. Emeni. ¹² Qi sa tokoni ti silienusi na tamata sinai i na vabautia, qu sa numia ni sa wekai vatikem du, qu sa tia loloma du ni Kalou. Ba tudei ka. ¹³ Na vibutaui Bapiloni, o ba sa leico vata, sa kidavaki ni vatikem o luvequ tagwane, o Manka, sa kidavaki ni vatikem muni. ¹⁴ Ba vikidavaki ina i yabo ni loloma. Me vatilem kece na vakacegu, sa tu vata qa Jisu Karisito Emeni.