¹ Na kwa me baletiana magiti dau cabo wara na matakan O keta coko i tan v aketa na vuku. An vuku ikau mai na vilaveti, na loloma ga i bulibuli kwa cake. ² Me lia ei kwaya ni kilatia i lia na kwa, na tamata e i tam kilatia no na kwa i dodonu me kilatia. ³ Me lia ei lomania na Kalou, na tamata sokwe sa qei kilati koya vataki ni koya. ⁴ Me wetai kwe, me baletia na magiti dau lai kani me ccabo vuara na matakau: Te kilatia na matakan ni vuravura kwe e i tam lia na kwa qa lala leqwa na kalou ei lia maga. ⁵ Ma ga me ke bi na kwa eve lai kwai mra tea kalou, i lomalagi se i vuravura kwe (me wetai ga ni bi tu na “Kalou” qa bi na Momo “Levu”), ⁶ Ia va keta e i lia boto na Kalou, na Tamaya, koi laka mai vua na kwa coko ko te ma cola vali kwe, na Momo Levu talia o Jisu Karisito, ko i vavunia na kwa coko ga, o koya muni tema cola tu kwe. ⁷ Vitalia re, na vuku kwe i tam tan vaketa yalia. Vakavo, a sewa re sa vatovotovotaki rewa na qwaravi kalou matakau, qa re kama na magiti me wetai sa cabo rewa vuara na matakau sa vakacacani ledra vatulewa baletia sa malum tu. ⁸ Na magiti te tam matavina ka vua na Kalou. Te tam cakaca Sara ma ga te tam kania, se me ke vina ma qa te kania. ⁹ Ba qaraunia na vatilem gwalala me vavunia na lea tarabe i lia ei malumalum lea vabautia. ¹⁰ Me wetai kwe me lia i tolavi iko, koi vuku, mo kani magiti no ina lia na were ni totu ni matakau. Tamnia na malumalum ni lea vatulewa ei vavunia me kania na magiti ere lai vagani na matakau? ¹¹ Baletia du boto na lem kilatia na du, me baletina na matakau, o koya i malumalum, na i tokkani koa mate taki o Karisito, se varusai sara ga. ¹² Ma ga, e valavala caka ca va lia o wekam qo qei vamavoa ma leqwa lea vatulewa ko i malumalum tu, e sa valavala caka ca no va Karisito. ¹³ So kwe, ma ga e i vavunia lea druka o wekam na magiti, qi na tam kani viciko ni manumann leqwa, me qu kua ni vavunia lea malumalum o wekai au.