¹ Khasa mei devu na siga ni vakhacecegu, Meri Makhitalena Meri kho tinai Jemesa qhai salome kharu khau mai na lumi meru mai lulmitia khe e yago ni Jisu. ² Khasi quataqwata cakhaca inai matai ni siga ni buto ni macovi khara la mai bulubulu ina gauna sa dra mei khe na siga. ³ Kharu sa vitatakhi vakhai khoru, “Kho su vekho la ma valcha qiqinia na vatu mai na matanisue ni bulubulu?” ⁴ Ina ledru tola yati kharu sa dania ni sa teni toqi tu na vatu ni sa bekho levu du. ⁵ Khoru vusu I buto ni bulubulu qharu dania khei tlia na savavau kha vekhasulu sesevu qa gatule no ie sakhesakhe matau khani sa matakhu. ⁶ Sa kwaya I vekhekhoru mutu khuua ni matakhu Miti vakhadani Jisu na khoi Nasareci kho khoya kha lei vakho, Kho khoya sa dure tucakhe! Sa tamu nokhoto no khei. Mutu tolavia na vanua khara vakhadara nia khe! ⁷ Ia mutu la kwaya yati I vuara na tisaiveli qai vita. Sa tetaiA takhinimutou khoya khi Khaleli Mutu na lei dani khoya khe me adhakhi sa kwaya I vekhemutou ⁸ Kharu sa wavu teni mei nai bulubulu; qaru saqatureture ma ledru khurabu Kharu tamu kauyh duivua khei baletia na levu nitru matakhu. ⁹ I nai matai ni siga ma bito ni macawa. Khei si te rowarowa cakha ca du Meri Makhetalena, okhoya kwe kha lei kharavi ten vaei vua na vitu na yalo ca. ¹⁰ Kha sa la kho Meri qa lakhi titchutukhu ledra na tokho a qei khoya, ina ledra si vakhalulokhu qa tagi no. ¹¹ Khara sa varogocia ni sa cola leqwa ni sa tolavi khoya kho Meri ia khara tamu vakhabautia ga. ¹² Sa devu na vikwa khace kwe sa qei cedrevi leqwa kharu le rua ledru taubale no I calevuqaivukhici khoya tu ¹³ Kharu lesu leqwa qa bi tukhutukhu ledru na kheya vo ia khara tamu vakhabautia ga. ¹⁴ Kha cedrevi khora leqa kho Jisu na le tinikhaduo khara si vioso oso ina ledra dela ni reveli, vakharoti ma ledra tamuvakhakautia qa na qw qwa ni dra yaloga. Baletia niru vakhabautia khoru na cola eqwa mei na mato qei khoru kharu dania na leya sa cola leqwa. ¹⁵ Sa kwaya I vuara “Mutu layati khi Vuravura khece qa vunautakhi nia na Kosipeli khi khece. ¹⁶ Kho khoya khei vakhabautia qa papitaiso khei na cola khei na rusa ga kho khoya khwi tamu vakhabautia. ¹⁷ Na vakhatakhilakhila kwe khei sala takhukhora na vakhabautia. Kheiri na colkavi khora na nitu iqu yaca. Na tata vou kheiri na tatatakhi. ¹⁸ Kheiri tomia qa lavetia weicakhe na gwata idra lima. Ma kheiri so mia na kwa gaga khei na tamu cakhaca vi khora Kheiri na tabakhi khora na tauvimate qa cola. ¹⁹ Devu vinadu na leya tata I vuara, kha sa qa khau weicakha me tokhoto ina e lima matau na khalou. ²⁰ Sa deidei na tisaipeli qara lai vunau ina vivanua khece. Mei na gauna kha tokhoto qei khoru kha vakha takhia no na tata qa na kheya I vakhatakhei nisa nakhi I vuara.