¹ Sa mai vo no kha rua na siga me sa te khana vata ni la sivitia ei na soqo ni madrai tamu vakhatubu takkhi. Kha ra sa vakhadania no muni kwo kwora na I talatala yalevu qai kwora muni na qase ni lotu e I so na vakhasawa vakhamataka me na vesu khe kho Jisu. ² Kharu sa kwaya no, “me khua ni te gauna ni soqo baletia, e na rewa ni yaco khe na yavavala vei kwora na tamata. ³ A tokhoto no mai kho Jisu mai Pecani, I na lea sue kwo Saimoni ni vukhavukha. I na lea vakhacegu no I na teveli, a rusu yati vua a tlia na vibulou qa khau no yati I vua kha tlia no taraya I lumi sau levu na alapasita. Khoya du a si tamu viwakhi leqwa qei tlia na I lumi. Kha vakhatamala nia na taveya, qa tekhivu sora e ulu. ⁴ Ia, a so kha ra wakharakhara qa ra sa tata vakhaikwora qa ra kwaya, “I ei, na ava ro khei mai vakhasabusabutakhi tu khe na I lumi sau levu kwe. ⁵ Na I lumi kwe sa rewa ni volitakhi me khea I sau e siria e tolu na drau na denari qa soli vuara na dravudravua. Kha ra sa yalo ca ti kwoya. ⁶ A sa qei vecei kwora kho Jisu, me ra vakhadeini kwoya, se na cava e ra vakhasagai kwoya no khe ni a sa mai tara kho kwoya e tlia na kwa vina vakhe au. ⁷ Kwora na dravudravua, meiti no qai kwora tu ga qa rewa muni ni mu tara kwa vina vuara e na veigauna, ia kho au, qi na tamu no vakhalevu qei ni mu. ⁸ Na yalewa gima kha sa mai tara na kwa kha sa rewatia, a gima kha mei lumitia qu yago, me na lakhi bulu. ⁹ Qi sa vecei mu, na viyasa ni vuravura khei na lei vunautakhi khe nai tukhutukhu vina, khei na dau lei kwai khe na kwa vina kha tara na yalewa kwe, me na dau khea I vakhananumi. ¹⁰ Kha sa tlia vai kwora na tisaiveli o Jiutasa Isikarioti, a sa la ci kwora na I talatala yalevu me mata soli kwoya vuara. ¹¹ Ni ra sa vakharogocia na vi talatala yalevu na I tukhutukhu gima, sa tlia na kwa na ledra marau, qa ra sa yalatekhinia muni vua ni re na saumi kwkoya vakha I laro. Kha sa qei vakhadania e so na I walewale me rewa ni soli kwoya yati khe vuara. ¹² Na I matai ni siga ni khana madrai tamu vakhaleveni qa lei cabori muni khe na lami ni la sivitia, kha ra vecei kwoya muni ga khe na lea tisaiveli, “I vei na vanua me mamu na la khi vakharautakhinia khe na magiti ni la siritia, me na rea ni mu na mai vakhayagatakhi. ¹³ Kha sa qei vakhatalatakhi e I rua na lea tisaiveli qa vecei kworu, “muru la I na khoro turaga khei na tlia na turago miri na sotavia kha na dagi no mai na saqa wai. Mu ru takhuci kwoya. ¹⁴ Khei na lakhi rusu I na tlia na buto ni suwe muru rusu I buto ni sue gima qa recei kwoya na I tauukhei ni suwe. “a kwaya mai na I vakhavuvuli, I vei na rumu ni vulogi e na mei khana magiti ni la sivitia khe qei kworu na tisaiveli”? ¹⁵ E na vakhatakhea vekhe muru khei tlia na rumu I na taba sue I yata kha sa vakharautakhi tu. Miri na la khi vakharautakhinia me baleto da ¹⁶ A ru la yati I na khoro turaga kho kworu na tisaiveli, qa ru satavia kheu du na kwa kha ru la ki vece mai khe qa ru sa la khi vakharautakhi muni ga na magiti ni la sivitia. ¹⁷ Ni sa te yariyari, sa qei la vafa qei ni kworu na le tinikharua? ¹⁸ Na gauna kharu sa knana daradara no khe I na teveli, sa qei kwaya kho Jisu, “qi sa kwaya vakhadu vekhe mutou, khei na tlia boto vekhe mutou na khana no qei ni au kwe, e I na liumuri ti au. ¹⁹ A ru sa rarawa du, qa ru kwaya ya tlia vua, “qi du saraga khei tamu ni au”. ²⁰ A sa qei saumi Jisu qa vecei kworu,” e na tlia ga mei na lewe tinikharua khei toni madrai no kwe qei ni au I na buto ni bilo”. ²¹ Me khodakhi ni sa volai ni na la na lure ni tamata. Ia sa na tlia na kwa na khea na cakhaca vi khoya na tamata khei na solia na lulve ni tamata. A vina cakhe ga me a si khe khua ga ni sucu mai”. ²² Na gauna kha ru sa khana no khe, sa qulumia kho Jisu na madrai, vakhalougata takhinia qa ciqitia. A sa qei solia vuara qa kwaya, “qulu a kwe qu yago”. ²³ A gulumia na bilo vakhavinavinatakhi qa solia vuara me ra somu kece mai khe. ²⁴ Sa qei kwaya vuera, “A kwe qu dra ni viyalayalati na dra kha sovarakhi me baleti kwora na lewe wara?” ²⁵ Khei du qi sa recei iko, qi na tamu somu leqwa mai na vu ni vaini kwe, me yacovia sara na gauna, qi sa na lakhi somia vou khe I na matanitu ni Khalou. ²⁶ A ru la yati khi na ulunivanua ni vi Olive qa ru la khi laga sere. ²⁷ Kha sa qei kwaya vi kwora kho Jisu, “O mu khece kwe, mi na riba teni, ni kha sa volai rewa tu, ni qu na samutia na I vakhatawa qa ra dukhu sesea na siri. ²⁸ Ia, ni qu na cola leqwa mai, qi sa na teiteimata khi khaleli. ²⁹ Vecei khoya kho Vita ma khei ri na riba teni, kho au khei na tikkai. ³⁰ Vecei kwoya kho Jisu, “qi kwaya vakhadu vekhe ikho, nikhua ga, I na bogi saraga kwe ni si bere ni tagi vakharua na to I sa na cakhitakhi ni au vakhatolu”. ³¹ Kha qei vecei khoya kho Vita e na yalo ni loloma, “ma khei dodonu me qu na mate qei ni mu qi na tamu cakhitakhi ni mu ga”. A ra sa qei kwaya khece na yalayala gima. ³² Kha ra sa qei la yati I na tlia na vanua e yaca kho Khecisemanic qa vecei kwora na tisaiveli kho Jisu, “mi na gatule no ga khei, qi se la ro me qu la khi masu”. ³³ A la vata qei ni Vita Jemesa qei Joni qa sa vakhatekhivu muni me sa rarawa qa leqa sara vakhalevu. ³⁴ A sa vecei kworu, qu yaloga khei sa rui rarawa vakhalevu, me odakhi du me qu na mate. No khoto khei qo vakhatawa. ³⁵ Tauball vakhasewasewa yati khi mata, lutu I na qwele kho Jisu qa masulakhinia ma khei rewa ni la sivit kwoya na yauwa gima. ³⁶ A sa kwaya, “Apa na tama yau na kwa khece khei rewarewa I va khe mu. Mu khau dei na bilo kwe vekhe au. Ia me na khua ni vakhatau vuakhe au, vuakhe mu ga.” ³⁸ Yadra mo masu me na rewa ni o na rewai.” “Sa gu na yalo ia na yago sa malumalumu. ³⁹ A sa la leqwa me la khi masu, qa vakhayagatakhi no ga na mala ni tata gima. ³⁷ Ni sa lesu mai kha tolavi kworu ni ru moce tu, qa vecei Vita, “Saimoni, I ma moce no, tamu rewa mo yadra no me tlia na yauwa? ⁴⁰ Ni sa lesu mai a tolari kworu ni ru si moce no ga, ni biri tu du e ru mata. A ru sa tamu khilatia na kwa me ru vecei kwoya. ⁴¹ A la ma I na I kha tolu ni gauna qa vecei kworu mi ti si moce qa vakhacegu no ga? Rautia! Sa la mai na yauwa. Tolavia na luve ni tamata sa na idabuitakhi mai vei kwora na I valavala ca. ⁴² Dure me du sa la. Tolavia na tamata khei na vidabuitakhi ni au sa vakhalekhe mai kwe”. ⁴³ Ni si tata no ga sa yaco qaya mai kho Jiutasa kha tlia vuaru na tisaiveli qei ni kwora leqwa e wara na tamata kha ra qulu I sele qei na I wau tu mai. Mai vei kwora na bete yalevu, na vu ni vola qai kwora na qase ni lotu. ⁴⁴ A kwe, kho kwoya kha na vidabui takhi ni khoya, kha sa solia a tlia na vakhatakhei, kha kwaya, “kho khoya ga qi na yabotia, sa ni kwoya saraga gima. Sobeti khoya, mei khoya teni sara qa me na lakhi yadrari. ⁴⁵ Ni sa yaco yati kho Jiutasa, a la sara va Jisu qa vecei kwaya, “Vakhavuvuli” qa yaboti khoya. ⁴⁶ A sa qei lei qulumi qa sobeti kwoya. ⁴⁷ A sa qei tlia na tamata kha dure tu muni khe gima, kha qei wacunia qaya mai na lea I sele qa ravutia khe kha tlia na lea tamata na bete levu qa drutakhia qa muni e taligo. ⁴⁸ A sa qei vecei kwora kho Jisu, sa odaki du mo mu la cia no vai khei tlia na dau venakho, I na lemu I sele qei na I wau mo mu mai sobeti au. ⁴⁹ Na vi gauna qa na vi siga qu dau no vata qa vakhavuvuli no khe I va mu khece mai sue ni lotu, mu tamu bau sobeti au. Ia e sa na tara ga me na yaco khe ne kwa kha sa kwaya rewa tu na I Vola Tabu. ⁵⁰ Kha ra sa tuba kho kwora kheu ne no tu qei ni Jisu. ⁵¹ A tlia na saravou sewa ka taqa tu e tlia na I sulu lineni, khoya me ubi khoya tu boto yati khe, kha vakhatakhuci Jisu no muni. lNa gauna kha vesu muni yati khe, ⁵² A qei deinia qaya tu na I sulu lineni qa wavu livawale yati. ⁵³ Kha ra sa qei mei Jisu I na vanua kha ra sa soqoni vata tu mai khe kho kwora na bete levu, na qase qei ni kwora na dau I vola I tukhutukhu. ⁵⁴ Kho Vita a sa qei takhuci kwoya tu mai vakhayawa, yaco sara I na vanua ni vilewai ni bete levu. A lei gatule sara tu I na kedra macaqwa na dau me vakhatakhata tu muni yati I na quto kha udre tu. ⁵⁵ Kha ra sa qei vakhadania tu kho kwora na bete yalevu qei ni kwora taucokho na mata bose vakha Jiu me so me ra mai tukhunia na kwa me na rewa ni beitakhi khe kho Jisu qa me na rewa muni ni ru na qei vakhamate ni khoyoa. ⁵⁶ Kha levu kha ra mai kwaya na I tukhutukhu rekwatakhi baleti kwoyo, ia na ledra I tukhutukhu taucoqo kha atamu beitakhi rewa khe. ⁵⁷ A so kha ra dure, qa ra kwaya na I tukhutukhu rekwa ni a kwaya kho khoya, ⁵⁸ “qi na talarakhinia na suwee ni lotu kwe kha tara I na lima, qa qu na qei vakhadure nia leqwa khei tlia o khoya khe I na tamu tara I na lima, I na buto beto ni tolu na siga. ⁵⁹ Ia na I tukhutukhu boto ro muni gima, kha ru tamu rewa ni beitakhi ni kwoya khe. ⁶⁰ A ra sa qei dure na bete qa ra tetei Jisu, “tikhai tlia na kwa I rewa ni kwaya I na vi kwa I sa mai beitakhi tu khe mai vei kwora na tamata”? ⁶¹ Ia, kha galu tu ma ga qa tamu kwaya e tlia na kwa. A ra tetei kwoya leqwa na bete levu, “kho ikho na Kharisito na luvei khoya sa tetelagi”? ⁶² “O yau”, sa kwaya kho Jisu, “mi na qei tolavia na luve ni tamata I na lea sa na gatule I na lima matau ni viliiutakhi qa sa na qei la mai I na O ni lomalagi”. ⁶³ A ra sa qei dresukhia na lea I sulu kho kwora na bete levu qa ra kwaya, “e I dodonu me na so leqwa na I vakhadinadina?” ⁶⁴ Mi sa na vakharogocia khea tu du na vivakhacacani. Na cava sa lemu numia”? A ra sa kwaya khece ga ni dodonu ga me sa vakhamate. ⁶⁵ A so kha ra sa khatasivici kwoya, ubia e mata qa ra vuculakhi ni kwoya qa ra kwaya I vua, “Parofisaiii”. A ra sa qei mei kwoya na dau ni viqwarari qa ra la khi ravulakhi ni kwoya. ⁶⁶ Na gauna kha no khoto no khe kho vita I na buto ni sue ni vilewaui, kha qei la ci kwoya yati kha tlia na yalewa dau ni viqwarari vuara na bete yaliru. ⁶⁷ Tolari Vita ni vakhatakhata no muni I na quto, vakhalekheti khoya du yati qa vecei kwoya, “kho ikho muni na dau no vata qei ni Jisu, Nasarini”? ⁶⁸ Kha cakhitakhinia qa kwaya, “o au qi tamu khilatia qa qu sesetia na kwa I kwaya no mai”. A sa qei tagi na to. ⁶⁹ A tolavi khoya leqwa yati na vulau dau ni viqwaravi gima qa kwaya vuara na dure tu khe gima, “kho khoya na tagwane kwe, khei tlia du vuara”. ⁷⁰ Ia kha qei cakhitakhinia leqwa. Devu vakhasewasewa, kha ra sa qei vecei Vita na dure tu khe gi, “Kho ikho vakhadu khei tlia vuara, baletia kho ikho na kwai khaleli. ⁷¹ A sa vakhatekhivu me susui qa tata beci, “o au qi tamu mai khilati kwoya na tamata mi kwaya no mai kwaki. ⁷² Tagi ma vakharua na to kha sa qei numia mai kho vita na kwa kha vecei kwoya kho Jisu. “Ni bere ni na tagi vakharua na to, I sa na cakhitakhi ni au vakha tolu” a derei kwoya saraga vakhabiri qa sa qei taagi qaya.