¹ Sa nia kwe na i tautauyavu ni lea i tukhutukhu vina ko Jisu Kharisito na luve ni Khalou. ² Me odakhi ka volai no i na i vola i Aisea na parofita "Tolavia, qi sa vakhatala no yati na lequ i vakhatala me teiteimata takhi ni iko yati. O khoya khei na vakharautakinia na lem sala. ³ E i tlia na domo sa cocovakhi no i na vanua lala,'Vakharautakinia na lea calevu na Turaga, Tara me dodonu na lea calevu". ⁴ A sa la mai kho Joni kha sa mei vivavitaisotakhi no i na buto ni vanua lala, ni sa vunautakhinia no na vavitaiso ni vivutuni qa na khea vivasavasavatakhi ni valvala ca. ⁵ A ra sa la yati vekhe khoya na lewe i Jutia qei khora khece na lewe i Jerusalemi. A sa vavitaisotakhi ni khora khece vakhatlia i na tuba ni wai na Joritani, i na ledra sa devu na ledra i valavala ca. ⁶ A taqa voli kho Joni na i sulu taba ni khameli qa vesu tu e gau na beleti, ka sa khea magiti voli na vodre qa na oni ni vikhaikhai. ⁷ A sa vunau voli kho khoya qa kwaya, e i tlia i na takhuci au no mai, i tetelagi sara vekhe au na lea wawa ni vava, sa dredre mequ na serekhia. ⁸ Qi na vavitaisotakhi ni mutou i na wai, ia kho khoya i na qei vavitaisotakhi ni mutou i na YaloTabu. ⁹ I na gauna gi a sa lamai ko Jisu na Khoi Nasareci me mai vakhavavitaiso takhi ni Joni i na batiniwai mai Joritani. ¹⁰ Na gauna kha cava mai wai ko Jisu, kha qei tolavia kha wase rua na lomalagi. ¹¹ Qa tia na tata sa rogo mai "ha waki na lequ luve ni tokho qi dau numia vakalevu." ¹² A sa qei mei khoya na YaloTabu i na vanua vagwalala. ¹³ A sa qei lei no tu i na vikaikai me rautia e vasagavulu na siga, me yacovia ka temakhi ni khoya khe kho khora na manumanu raukhawa qa qei qwaravi khoya tu na agilosi ¹⁴ Gauna sa vesu khe ko Joni, Jisu sa la tu i Kaleli. Vakhatekhivu me vunautakhi na i tukhutukhu vina ni Khalou. ¹⁵ Sa valekhe na matanitu ni Khalou. Vivutuni vakabautia na tata ni Khalou. ¹⁶ Gauna kha taubale no kho Jisu i na sakhesakne ni drano kho Kaleli. Sa tolavi khoru sara na vitacini ko Saimoni, Adriu sa tekhivu me soro na lawa i wai. Baleti khoru ga na dau qoli. ¹⁷ Sa kwaya ko jisu i vuaru , 'Mutu la mai, qi na qisi mutou mo mutu gonedau ni tamata. ¹⁸ Vakasauri aru sa deinia na lawa qaru takhuci Jisu. ¹⁹ Sa toso vakasewasewa kho Jisu sa tolavi Jemesa na luvei Sepete na taci Joni, aru sa no khoto no i na waqa me vakavinatakinia na lawa. ²⁰ Sa covi khoru kho Jisu sa dei tu ko Sepete ko tamadru i na waqa qa ru takhuci Jisu. ²¹ A ru sa la Kapenaumi i na siga ni vakhacecegu, sa rusu o Jisu khi na suwe ni Lotu kha mei vakhavuvuli. ²² E ru sa khurabuitakhi nia na lea i vakhavuvuli o khora na vakharorogo no. Ni sa vakhatavuvuli o khodakhi kia tau no vei kei khoya na Lewa kha tam dakhi khora na daunilewa. ²³ Sa qei rusu yati khei tlia kei rusuvi khoya na Yalo ni gavui. ²⁴ Qa kwaya vekhe koya, I Jisu na koi Nasareci na cava okhi vinatia mo mu tara vekhemamu. O au qi sa khilati mu sa ni mu na Yalosavasava ni Khalou. ²⁵ E qei vakharotia na Yalo kho Jisu kha kwaya mo galu. Mo la mai va khoya wakhi. ²⁶ E sa khurelakhi ni khoya vaqwaqwa sara na tamata gi na yalo velavela. A ri talai rewarewa i na lea tata. ²⁷ Ri khurabui o khora kha ru vitarotarogi takhi nia na cava ti kwe. Ni o khora na yalo velavela e ri talai rewarewa khina lea tata. ²⁸ Qa sa tete vakhia na rorogo khei Jisu ki na viyasana coko e volekhe khi Khalili. ²⁹ Ni ru sa lesu mai na sue ni lotu a ru lakhi rusu sara na ledru sue, kho Saimoni qa Adriu vata qei khoru kho Jemesa qha Joni. ³⁰ A dara tu kho vugai Saimoni i na vuku ni tauvimate, qa ru sa vecei Jisu sara me baleti koya. ³¹ A se qei layati kho khoya, qulumia e lima vakhadure ni khoya qa sa tekivu me viqwaravi leqwa yati vuaru. ³² Na yaviyavi ni siga gi ni se dromu na mata ni siga a ra mei khora khece mai na tauvimate qa na curumi tevoro. ³³ Kha ra osotia yati na mata ni sue na lewe ni koro. ³⁴ A sa vakhacola ni khora e lewe wara na tamata qei na vimataqali mate kha ra khau tu mai qa tuci khora reva e levu sara na tevoro, ia khei tamu vakhatara ga me ra tata na tevoro baletia khei ri sa kilati khoya vina tu. ³⁵ Si roaroa qa sa mata , me odhakhi ni si gilo na vanua, qa sa deidei o khoya vakhatikhitikhi i na khia na vnua me lai masu. ³⁶ Kho Saimoni qei khora na lea i lala khara sa vatolavi koya. ³⁷ Khara sa tolavi khoya qara sa kwaya vua, sa ra vakhatolavi ikho no kho khora na tamata. ³⁸ Sa kwaya sara kho khoya ,"Me du leqwa in khia na vanua khina vikhorokhoro mequ lei vunau khe. ³⁹ Kharu la rusu via na vanua kho Khaleli i na khea vunautakhi na tata ni Khalou qa vivakhacola vuara na leicurumi i na tevoro. ⁴⁰ Khasa la mai vua na lokhilokhi, qa terevi khoya khasa tekhituru qa kwaya i vua, Ma khei rewa mo vakhasavasavataki ni au. ⁴¹ Mo toso i na lea loloma ,khasa dodonia e lima qa derei khoya qa kwaya qi sa vinatia mo savasava. ⁴² Vakhasauri du boto sa deini khoya na lokhilokhi qa sa vakhasavasavatakhi. ⁴³ Khasa vakhasavasavatakhi nia qa vakhatalai khoya yati. ⁴⁴ Sa kwaya vua mo qaraunia mo khua du ni lei kwaya vua khei tlia, ia mo lai vakhatakhei ikho vua na i talatala me odakhi nai vunau i Mosese, me tei vakhadudu ⁴⁵ Ia khasa la qa lei talanoatakhinia qa vakadewatakhinia nai tukutuku ni lea vakhasavasavatakhi. Sa vuni lea tamu rusuvia tu khe kho Jisu nai nono gima qa qei teni tokhoto tu khe. Ia khara sa la tumaga yati khi vua na tamata.