¹ Juta nai talatala li Jisu Karisito qaru vitacini qa Jemesa, I vuara kara lei covi, kara lomani mei vua na kalou ko Tamaya qa maroroi ina vuku i Jisu. ² Me visokha qa vakalevutaki na vakacegu qa na loloma i vekhe iko. ³ Ko mutou sa lei lomani, I na lequ sasaga mequ volavola yati i vekhe iko me baletia na leda cola vakai vakarau, khei uqeti qu yalo mequ vola yati i vekhe ikho no sasaga vaqwaqwa mo maroroya na vakabautia sa soli rewa i vuara kece na leya tamata na kalou. ⁴ Na tamata kei so keiri sa rusu vakhailo no mai i vekhe iko, khora kwe khara sa leiwakharakhara rewa sila, kheiri tamata tamu vakalou qara sa visautakhinia na loloma ni leda kalou kina vikwa vakasisila, qara cakhitakhinia na leda kalou takila na turaga ko Jisu Karisito. ⁵ A kwe qi vinatia mequ vaqwaqwa takhi nikho khei du kho sa kilatia rewa na leya vi vaka cola mei Ijipita i vuara na leya tamata, devu gi sa vakarusa ni khora khara tamu vakabautia ⁶ Khora na agilose muni, khara tamu maroroya na ledra i tutu ni viliutaki, Ia ka sa deinia na leya i nono sa qhei sobetia na kalou ina senidodo tawa mudu qhana gigilo levu me yaco ro na siga ni lewa ⁷ Sa odhakhi muni ko Sotoma qha Komora qhana vi koro yalevu vakalekhetia sa soli i vuara mera vidomoni qha dau yalewa. Kha sa tara metei vakhatakhei i vuara kheiri na sovia na kheyai sau ni ledra lei wakharakhara ina mamaudre ni quto khei tamu devu rewa. ⁸ Sa odhakhi muni khe kho khora na dau tadra qhai khora na dauvakadukadukania dra yago .Khara sa duwa ni lei lewai qha tata cakhacani khora ra turaga. ⁹ Ia kho Maibeli na agilosi vina tatlia sa vivala qha ya na nitu qharu vileti takhinia e yago ni Mosese Qha doudou me tata vakha cakhaconia ni khoya sa kwaya “me wakhara khara tiko na turaga. ¹⁰ Ia kho khora na tamata kwe kheiri tatacakacania ra kwa kheiri kilatia vakhai khora, me odhakhi no manumanu kitei tamu vakhayalona kwa kwe sa vakharusa ni khora no. ¹¹ Na chakbaca levu i vuara. Niru sa takhucia na sala li Keni qha semati khora ina vi marau ca li Pelamu qha na cakha cala me rewa i voli khe. Khara sa malumalumu ina leya vorati khora kho khora ¹² Kho khora na tamata kwe na yamotu vakhamatakhu ina lemutu kana vata ni vilomani, kheiri rusu botolakhi ni khora yati qha tamu matakhu nai vakhatawa kheirivakhani khora ga vakhai khora. Khora na o khei tikhai na khea uca qara vikauyakiti tuboto ina cagi, na kai sa malai e vu sa tamu vua rewa sa mate leqwa qha cavulakhi e wakha. ¹³ Khora na biau ni ca ni waidui, vakha vunia ni madua, kalokalo vitosayakiti, sa nakhi tu ga i vuara na gigilo khei tamu mudu. ¹⁴ Inoki nai kha vitu mei va Atoma sa Parofisai takiti ni khora kwe qha kwaya: dania na turaga sa lamai qhai khora na udolu vakha udolu na leya yalosavasava. ¹⁵ Sa la mai ko khoya me wakharakharati khora khece, me wakharakharati khora kheri tamu lotu qana ledra i tovo khei tamu vakalou kheiri dau tara tu, qha na vi tata kheiri dau cavutia me ra tata vakhacakhaca nia khe na Kalou. ¹⁶ Khora kwe na dau tata gudrugudru, dau vileti dau takhucia na ledra numia vakhatevoro dra gusu sa tata takhi na tata viavialeru kheiri dau tara tu kwe me ra rewa kwa khe. ¹⁷ Ia kho mutou sa lomani, numia na tata sa tau rewa mei vuara nai Apositolo lea na leda turaga kho Jisu Karisito ¹⁸ Khara kwaya i vekhe mutou, “Khei na wara na dau vivakha colai kheiri na takhucia ga na ledra i yaliyali khei tamu vakhalou. ¹⁹ I na vukhu ni vikwa kwe khara sa tawasei khora teni qa vakhavuravura tikhai vuara na Yalo Tabu. ²⁰ Ia mutou sa leilomani, mutu tara vrei cakhe na usutu ni lemutu vakhabauta qha masu ina yalo tabu. ²¹ Maroro i muto ina loloma ni kalou qha warakhi nia no na leya yalo vina na leda turaga kho Jisu Karisito khei na khau mai na colo tawa mudu. ²² Mutu lomani khora kheiri lomalomarua. ²³ Vakhacola ni khora khei so mai na lemu mei khora teni mai mamaudre ni quto,khei so leqwa kheiri dau matamatakhu mutu lomani khora ni mutu cakhatia nai sulu makawa ni valavala ca ni yago. ²⁴ A kwe i vua khei rewatia me maroroida mei na leda lutu civo qha vakhadeitakhi ni da na dure i e mata vakhaiukuuku no marau levu ni du cala. ²⁵ I vua na kalou ni leda i vakhacola ina vukhu ni leda turaga kho Jisu Karisito meda ia vua na vakhavinavina, na vakharokhorokho, na vinakhaturagatakhi me leya na lewa na qwaqwa ina vi gauna khece mei mata, nikhuwa qha tawa mudu.