¹ Mutu khua ni rarawa i mutu yaloga mutu sa sakhabautia na kalon mutu vakhabauti yau muni. ² Ina lena i sue li Tamayau khei wara na vi tikhi ni sue ia ma khei tikhai qhu sa kwaya i vekhe mutou niqhu na la qha lai vakharautakinia e tlia e tikhi. ³ Ma qhisa la qha vakharautakhinia na vanua me lemu qhxxna lesu leqwa mai qha mei ikho i vekheyau mo lei takheto ina vanua qhi tokhoto khe. ⁴ Khi sa khilatia ha sala khina vanua qhi lacia. ⁵ Sa kwaya iva Jisu kho Tomasi,” Turaga mati tamu khilatia na vanua mi la khe, Mati khilatia vakhacava na khea sala?” ⁶ Kho Jisu kha kwaya i vua, “Kho yau na calevu na dhu qha ha cola,” khei tikhai tlia khei la mai iva tamayau vakha vo ga khei lamai vekheyau. ⁷ Ma mi khilati yau mu na khilati tama yau muni. Mei na gauna kwe musa khilati khoya qha mu sa tobvia muni. ⁸ Kwaya kho Filipi iva Jisu, “Turaga vakhatakhei tamamu mei vekhema mutou, ni vina vakhalevu i vekhemamutou.” ⁹ Sa kwaya ivua kho Jisu, “Mei na gauna balavu qhu tokhoto qhai mutou mutu si tamu khilati yau no ga Filipi, “Kho khoya ya tlia sa tolavi yau sa telavi tamayau. Kho qhei kwaya vakhacava tu vakhatakhei tamayau mei vekhemamu?” ¹⁰ Mutu tamu vakhabautia ni maru tlia vata ga qha tahiayau kho yau i vua kho khoya i vekheyau?” Na kwa qhi kwaya i vekhemutou qhi tamu kwaya ga vakhai yau, IA kho tamayau khe i tokhoto i vekheyau khei tara na kwa khece kwe. ¹¹ Vakhabautia kho yau qhi tokhoto iva tamayau kho tamayau ivekheyau se mutu vakhabautia ina vukhu ni vikwa sa tara devu. ¹² Khei dhu qhu sa kwaya i vekheikho, “Kho khoya kheu vakhabauti yau kheina tara na tavi khece qhu tara, qha tara na tavi yalevu vakha khora balet ia qhusa la iva tamayau ¹³ Na cava ga mutu terevia iqhu yaca, qhi na tara me vakharokhorokhotakhi ni luvea khe kho tamaya. ¹⁴ Ma khi terevi yau ina tlia ga na kwa i qhu yaca qhi na tara.” ¹⁵ Ma khi lomaniyau khi na talairewarewa ina leqhu i vunau ¹⁶ Qha qhei na masuti tamayau, me solia leqwa mai vekhemutou khei tlia leqwa na dauvivakhacegu me tokhoto qhai mutou tamu mudhu. ¹⁷ Xla yxxx ni dhu. Kho vuravura khei na tamu sovi khoya baletia ni ra tamu tolavia se khilatia. Ia miti ma khilatia ni na tokho to qha qha mutou qha na dau fusuvimutou ¹⁸ Qhi na tamu dhei ni mutou mo mutu luveni lau: Qhi na lesu lequa mai vekhemutou. ¹⁹ Malua ina gauna lekhelekhe kwe kho vuravura khei na tamu tolavi yau leqwa, Ia mutu na tolavi yau, baletia qhi cola mutu na cola muni. ²⁰ Ina siga gi mutu na khilatia kho yau maru tokhoto vata qha tamayau, kho yau i vekhe mutou kno mutou i vekheyau. ²¹ Kho khoya khei nakhi noivua na leqhu vakharo qha maroroya no Akwe kho khoya khei lomani yau, kho khoya khei lomani yau kho khoya kwe khei na lomani mei iva tamayau, kho yau qhina lomani khoys qha vakhakhei yau vua. ²² Jutasa tamu ni Isikarioti ikha kwaya iva Jisu, “Turaga na cava na vuhi lemu vakhatakhei ikho mei vekhemamutou qha tikhni kho vuravura?” ²³ Saumi khoya kho Jisu qha kwaya, “ma khei tlia khei lomaui yau, khei na maroroya na leqhu tata. Kho tamayau khei na lomani khoya qha khei na lamer vua qha tokhoto qhaua ²⁴ Kho khoya khei tamu lomani yau khei tamu maroroya na leqhu tata tlia tata mu varogocia khei tamu la mei vekheyau, Ia mei iva tamayau kha vivakhatala mai ²⁵ Qhu sa kwaya na vikwa kwe i vekhemutou, ni qhu si tokhoto qhai mutou ²⁶ “Ia na dauvivukhe, na yalo tabu kho khoya khei vakhatalai khoya i qhu yaca – khei na vakhavulicimutou ina kwa kheve Qha na togaya no ga na kwa qhu dau kwaya ivekhemutou ²⁷ Qhu sa solia na vakhacogu i vekhemutou. Qhu sa solia i vekhemutou na leqhu vekhacegu. Qhu tamu solid me odhakhi khei solia kho vuravura Mutu. Khia mi lei yavalatatakhi se mu mutu matakhu ²⁸ Mutu sa varogocia qhu sa kwaya, qhi na la reva, qha qhi na lesu leqwa mai vekhemutou. Ma mutu na lonvini yau mutu na marau baletia qhi la iva tamayau ni kho taniayau khe levu i vekhemaru. ²⁹ Akwe qhusa kwaya devu ni si tamu yaco ni na qhei yaco, mutu na qhei vakhabautia. ³⁰ Qhi na tamu tata leqwa vakhabalavu i vekhemutou, ina vukhu ni sa lamai na tui vuravura kwe khei tikhai na leya quaqwa i vekheyau. ³¹ Ia me khilatia kho vuravura kho qhi lomani tamayau, Qhu tara kwe me odhakhi ni vakharoti yau, Mutu dure me dhu la yati.