¹ Vo no khei ono na siga me siga ni kana vata ni lasivia, kha la mei Pecani kho Jisu, ina vanna kha tokhato no khe kho Lasarusa kho khoya kha vakhacolania kho Jisu. ² Kharu sa qhei vakharautakhinia khe nai vakhaya viya viqwavavi no kno Marica, Ia kho Lasarusa kha tlia i Ovuica kharu gatule vata no qhai Jisu ina teveli. ³ Saghe khau mai kho Meri kha tlia na tavaya na i lumi kha tara mai ina vikwa boi vina, qha lumitia khe e la ni Jisu kha qhei qhuwatia khe e voni ulu Sa Sinai (robutia) na buto ni sue ina boi ni lumi. ⁴ Jutasa Isikavioti, kho khoya kha tlia na tisaipeli, sa ni khoya kha volitakhiminia kha kwaya. ⁵ “Na cava kha ma tamu volitakhi khe nai lumi kew me toluna drau na pene qha soli yati vuara na dravudravua?” ⁶ A kwe kha ma kwaya gi, tamunia me khawai takhi khora vakhadu na dravudravua, Ia Baletia ni kho khoya na dauvenakho. Kha nakhi tu vua na tagani lano qha vakhatolavia tu na vanua me vanakho khe me vew a ni lei tawa na tagani lavo gi. ⁷ Sa kwaya kho Jisu, “Deivi khoya me tara na kwa khei vinatia mei tara khei tava kwe me baletia na siga ni vibulu i vekheyau” ⁸ Mina no vata tuga qhai khora na dravuadravua. Ia mi na tamu no vata tu ga qhai yau. ⁹ Sa qhei tlia na lala levu na Jio khata sa khilatia ni kho Jisu khei tokhoto i khegina, khara sa qhei la mai, tamunia me baleti Jisu Jisu mei na mate. ¹⁰ Na bete levu khara sa tliavata mera na saga me ra vakhamate ni Lasarusa muni. ¹¹ Baleti khoya ga kha levu khe ivuara na Jiu khara sa dheidhei mera sa teni la qha takhuci Jisu. ¹² Ina siga tavavia nai lala levu khava la mei ina soqo ni solevu. Na ledra varogocia sa la no mai kho Jisu khi Jerusalemi. ¹³ Khara khaiu mai na tulatula ni niusawa qhara la yati mera lei sota qhaya, qhara tae vakhinia,” usana sa khalougata khe khoya sa la mai ina yaca ni turaga, na ledra tui na Isireli.” ¹⁴ Kho Jisu sa dania kha tlia na doqhe sa vodhocia sara : me odhakhi sa volai. ¹⁵ Khua ni matakhi, luvei Saiow dania sa la mai na lamutu tui qha vudocia no mai khei tlia na luva ni dhoqe. ¹⁶ Khoru na leya tisaibeli kharu tamu khilatia rewa tu nakwa kwe : ia khasa ki vakha tete lagitakhi kho Jisu sa qhei numia khasa volai devu na kwa baleti khoya khara sa qhei tara na vi kwe kwi vua. ¹⁷ A kwe kho khora nai lala levu kwe khara sa kawqa mia tokhoto qhai khoya xxx xxx covi Lasarusa me la teni mei nai bulubuli qha vakhe. Colania mei ha mate. ¹⁸ Ina vukhu ni vikwa kwe khara a la no yrti mera lei sota qhai kyoya, baletia niva varogocia ni dau vivakacola ¹⁹ Khora na Farici khata sa vikwayakhima vakhai, khora, “Tolaxxx mi tamurewa ni tara khei tlia na kwa vira, dania na vwvavura sa takhuci khoya.” ²⁰ Akwe kho khora na khei vimatanitu, teni (Greeks) khara tokhoto xx muni mera la khina saqa ni solevu mera soro ²¹ Khara sa la mei iva Filipi, khoya kwe mei Peciseita i Kaleli qhara tetei khoya, “Mami mata telavi Jisu” ²² Filipi sa la qha kwaya iva Adriu, kharu sa qhei la kho Adriu qhai Filipi qharu lai kwaya iva Jisu. ²³ Sa saumia i vuaru kho Jisu qha kwaya, “Sa yaco mai na gauna lete varokhovokhotakhi khe na luve ni tamata.” ²⁴ Khei dhu, khei dhu, qhi sa kwaya i vekhemutou, “ma khei tamu mate na qhele ni sila skei lutu khi qwele, khei nakhi tatlia no ga makhei mate, khei na vuavua levu.” ²⁵ Kho khoya khei numi khoya ga khei na vakharova nia leya cola: Ia kho khoya khei cakhatia na cola ina vuravura kwe khei na maroroi me klina cola tawa mudu. ²⁶ Ma khe tlia khei qwavavi yau, ia me tak huci yau ga, na vanua qhi tokhoto khe me tokhoto no muni khe kho khoya. Ma khei qwavavi yau khei tlia khei na vakhatetelagi takhinia kho tamayau. ²⁷ A kwe sa varawa qhu yaloga qha na cava meqhu kwaya? “Ta mayau mu vakha cola ni yau mei na gauna kwe?” Ia na kwa kwe qhu sa la mai me balatia na gauna kwe. ²⁸ Tamaqhu me vakharokhorokotakhi mu yaca, “Sa qhei lei varego mai na domo mei lemalagi qha kwaya.” Qhu sa vakharokhorokhota khi takhinia, ei na vakharokhoro kho takhi leqwa. ²⁹ Sa qhei kwaya ha lala khara dure tamuni khigi ina ledra varogoca na domo gima, khara kwaye, “Na agilasi sa tata i vua.” ³⁰ Kho Jisu kha saumia qha kwaya. “Na domo kwe khei tamu la mai me baleti yau Jabaleti mutou ga. ³¹ Sa qhei tawai kho khora na khei vuravura kwe: A kwe na ledra turaga na khoi vuravura kwe khei na ceburakhi reva i tuba. ³² Ma qhi sa lei laveti mei vuravura, qhina vakhayarayara takhini khora mei vekheyau. ³³ Sa kwaya kho khoya na vikwa kwe me vakhatakha ya na mate khei na mei mate khe. ³⁴ Khara sa qhei kwaya ivua, “Mamu XX varogocia mei nai vunau ni na tokhotogavakhattlia na Karisito. Khi sa kwaya vakha cava. Na luve ni tamata khei na laveti wei cake? Kho cei na luve ni tamata?” ³⁵ Kho Jisu sa kwaya ivuara, “Na cece khai tokhoto no boto qhai mutou ina tlia na gauna lekhelekhe. Mutu la ni ci nakhi no i vekhemutou na cece, me khua kho ni olo ni mutou na gigilo. Kho khoya khe la ina gigilo khei tamu khilatia na vanua khei la cia” ³⁶ Ma khei sa nakhi tu vekhemutou na cece, vakhabautia na cece kwakhi mutu rew a khe ni luve ni cece. Kho Jisu sa kwaya ivuara na vikwa kwe sa la teui qha cu ti khora. ³⁷ Khei dhu sa tara kho Jisu khei levu nai vikwa mana i dra mata khara tamu vakhabauti khoya. ³⁸ Sa qhei mei yacs na leya tata li Aiseon na parofita, Turaga kho cei khei vakhabautia na lematu i tukhutukhu. Sa lei vakhatakhei iva cei na lima ni turaga. ³⁹ Ina vukhxx ni kwa kwe kheiri sa tamu vakhabautia rewa muni na vikwa kha kwaya kho Aisea. ⁴⁰ Sa vakhamatakhabulu nia dra mata Qha sa vakhaqwaqwani a dra yaloga. Me khua ni thola dra mata se mera khilatia dra yalo qha saumakhi mai qha qhu na vakhacola ni khora. ⁴¹ Aisea kha kwaya na vikwa kwe baletia khasa tolavia nai serau i Jisu qha kha tukhuni khoya ⁴² Ia i vuara na viliutakhi, levu khara sa vakha bauti Jisu; Ia ma baleti khura na Farisi, khara sa tamu tusanakhinia vakhadodo nu, khei lala qhara na lei vakhatabui mei sue ni lotu. ⁴³ Khara sa vicatia vakhalevu mera vi vakharokhorokho takhi vakha tamata qha se sewasewa na ledra vakhavokhovokho takhi ni a na kalou. ⁴⁴ Sa cocu yati ina domo levu kho Jisu qha kwaya, “Khora kheiri vakhabauti yau, Kheiri tamu vakhabauti yau tatlia boto, Ia ivua muni kha vakhatalai yau mai. ⁴⁵ Ia khokhoya sa tolavi yau sa tolavi khoya muni kha vakhataai yau mai ⁴⁶ Qu sa la mai me odhakhi na cece khi vuravura, khoi khoya khei vakhabauti yau me khua ni la ma gigilo. ⁴⁷ Ma khei tlia varogocia na lequ tata qha tamu vakhabautia yau Qhi na tamu lewai khoya; Qhu tamu lamai me qhu lewai vuravura. Ia meqhu vakhacola ni vuravura. ⁴⁸ O Khoya khei caknati yau, qha dhuwarakhinia na lequ tata sa natchi tu ivua na vikwa me lawai khoya khe. Na tata qhusa tamcia khei na lewai khoya mei ina visiga mei takhu ⁴⁹ Qhu tamu tata me baleti yau, Ia me balati Tamayau kho khoya kha vakhatalai yau mai. Kho khoya kha solia mei vekhe yau nai vakharo ni vitewa meqhu tata khe qha na kwa meqhu kwaya ⁵⁰ Qhu khilatia ni leya i cakharo na cola tamu mudu, okhoya kwe Na vikwa qhi na kwaya me odhakhi ga na kwa kha kwaya mei vekhe yau khi Tamayau, qhi na kwaya.