¹ Mei vua na tuqwaqwa khi vua na vibulou digitakhi qei khora na leya yaluve, kho khora qu lomani khora du, tamu ni au tatlia, kho khora khece muni a ra khilatia wasa tu mai na du. ² Baletia na du di sa khilatia no e i na nakhi vakatlia tu ga sqei da qa tawamudu. ³ Me leda na loloma qa na vakacegu ni leda Khalou na tama-da, qa na vakacegu ni luvea kho Jisu Kharitiso i na du qa na loloma. ⁴ Tlia na kwa na levu ni lequ marau ni qu tolavi khora lemutu yaluve e ri takucia no na du, odakhi na leda ciqomia mai na i vunau mei va tama-da. ⁵ Kho khoya kwe qu ma terevi mu no khe na vibulou, tamu nia kwe mequ sa vola leqwa ve ke mutou e tlia na i vunau vou, na i vunau matua ga kha sa nakhi wasa tu me na i tekhitekhivu, me da vi lomani vakhai da. ⁶ A kwe na loloma, me da takhucia na lea i vuanau A kwe na i vunau, du si varogocia wasa mai na i tekhitekhivu, me da takhucia. ⁷ Sa levu no dauni vivakhacalai kha ra sa volitia tu na vuravura, qa ra sa tamu tusanakhinia no ni kho Jisu Kharisito kha sucu ma vakha tamata. A kwe kho khora na dau vivakhacalai qa na Kharisito-rekwa. ⁸ Mutu vitolayaki vakhai mutou; mo mutu khuwa ni vakha revania na kwa mutu sa cakhacakhatakhi, mo mutu qulumia cokho khe na kheya i sau. ⁹ Kho khora khece a ra teteimata qa ra tamu no khata i na i vakhavuvuli li Kharisitio, e i tamu no qai khoya na Khalou. Kho khora e ri takhucia no ga na i vakhavuvuli, khora kwe ei no ruarua vuara na tamaya qa luvea. ¹⁰ Ma khei tlia khei la mai ve khe iko qa khau mai khei teni na i vakhavuvuli, khua ni vakharusu khoya i sue qo kua muni ni visovi vua. ¹¹ Baletia na lem tatania qa na lem visovi vua, i sa tliavati no qa na kwa cakaca lkei sa vunautakhinia no mai. ¹² E i si levu du na kwa qu si mata vola ve khe ikho, qu duarakhinia me qu vola i na veva qa na iqi. Kho au qu sa vinatia me daru vitalanoa ruarua do boto, baletia ledaru vimarautakhi ei na qei taucokho. ¹³ Na levedru na lemutu vibulou digitakhi sa loloma tu yati.