¹ Oio a siroko ra rogom oio a kai vo kia babiara o e gitou e tasema abia marasini te ra ri igo mansinia vovo e gitou raragi tao, te gitou soio ta ruru o. ² Egitou ino a mae a wokuru o e gitou abi garei ta oio a mata ra ruru o, ³ te oio are gitou goiro e gitou gama ino a vovo re taro kerira e Iesu. ⁴ Arowa tsi gari tsi maei, oio are gitou e tasema magiri gabu tara peipai o, subui vau mori e gire tau aro irua tovo a tokoromo ra te gira ari maraurau matarega vau o magiri gabiri te gitou. ⁵ Are gitou e tasema o ino e gira, e gitou matau vau te gitou toturu te gitou tau a nagu gitou sota ro a tabu, te tau aro iru a o vei maei, 'Teraarowa te e mutou papa e taro ari mauri pou kabiri te gitou e tau aro ari peo? ⁶ A taro are mutou papa e eai re, eia gamma pou rou omai ei. Eia apuritsi rivu etsi, re eia ge vei ta a mutou oio are eia pou tomie mutou oio e Galili o. ⁷ Pepe re ra vei maei, gitou ga abie rature Taro ga vagoio a oio a rima re vararua ari bunu ga e gitou riri e eia oo a tauwa rautu, aramori vamuria rogo itorueia ga apuritsi rou." ⁸ Te tasema o gabu tara rou a pepe re ra are e Iesu vei a o. ⁹ Te gitou iritaro a ruru te pirivu goio vei a re gitou e vaunini tetara ari savuru gotaro-ita (11) me vararu a nau o ra arow atsibo are ino a o tai no a o. ¹⁰ Igoe Maria Magdala, Joanna, Maria tsirare Jems tomie tasema aro ari goio tomi vagoio a vanora sao tegitou e aposeli. ¹¹ Arimori gitou aposeli ge vera peperera are re ge apaga bunau te gitoue tasema, tsi mae gitou gama tautau rairo oio a peperera tegitou. ¹² Mate Pita apuritsi asi tsi soio amautu ra pireo. Eia gari to oioa mautu rapireo matsi ino tsi soiro. Eia ino moria tokoromo ra ri gitou vivi robo ra vovo re Iesu, aramori eia gama ino Iesu. Pita ritaroa goio rivu oioa ruma tetara gabutara matomo ira rova gario. ¹³ Oio a rogo arere vaunini irua te Iesu tatugu oioa gauru ga goio a mautu Emaus. Emaus eia pou a kilomita savuvu bua rou oio e Jerusalem. ¹⁴ Egira oio so tatuga gira pepere ira arova ari gario. ¹⁵ Arogo are gira pepere goio, E Iesu mori tuga goio agavi tomie gira. ¹⁶ Aramori gira gama inoane Iesu, ira rova e Pago kapi robo a mata gira irari inoane eia. ¹⁷ Mate Iesu tagie gira, "Emura tatuga pepere matotomo ira rova, Emura ino pagi sivo? ¹⁸ Ita oio tegira aisarae e kliopas eia vere, "Aige me mori ita tere Jerusalem tsi gama rovia Ira totsibo ari gari oioa ba raro oioa rogo ari gomai karuvu tei?" ¹⁹ Mate Iesu togia rou e gitou, "Atotsibo arere ta arova?" Gitou koria pepere ra tetara mae, "Totsibo gari oio te Iesu re Nasa ret, eia taro ra vano para-ara, Eia igoa vagagarira vavuara tomia ri abia peperera are vararua ira peperera neineki oioa matare Pago me vararua, ²⁰ ira mavei gitou e Hetpris tomie gitou autora taro temitou tau eia soio arimara tauwaro bunu te gitou biria peo oat a tava rautu. ²¹ Aramori mitou mori tautaurairo maea taro arere, eia ta taro ari ga abi rivue vararua re Israel oio a rimare tauwaro bunu. Tsi maea rogo itoru gomai soio tsi. ²² Aramori, tasema sari-i kabiri temitou moriei igoe mitou saki baba oioa kavkoki ei ira totsibo ari gari oioa mautu ra pireo. ²³ Oioa rogo are gitou gama inoa vovore Iesu oioa mautu ra pireo, gitou pirivu somai vei amitou vere gitou inoe enseli tegitou e enseli vei agitou vere Iesu ge pou mauri. ²⁴ Tauwaro sari-i kabiri temitou mori asi soio a mautu ra pireo gitou inoa tsibo kakara maeari tasema vei veia o. Aramori gitou gama ino Iesu." ²⁵ Iesu pepre agitou, "O gitaiataro momogo moli, tamus i giou gama apuritsi subui bui irari tautau rairo ira peperera ari egitoue ataro ra vano parara ioi goao." ²⁶ Mutou gama rovia vere karaesi ga borea airirigi soko, veirou vamuri eia goiro toioa matagagara tetara?" ²⁷ Eia sokoa oroio te Moses go taro tegitoua tauwaro ra vano parara, peperera ri mavei gitou igoa oio tetara eia pou oiro a peperera te Pago. ²⁸ Gitou tuga goio gari agavi oioa mautu ari gitou gabutara irari goio vorao. Mate Iesu igo vere eia ga goio bakisi rou. ²⁹ Arimori egira vei roboa matsi vera, "Pou tomie mitou, apaga mauravi etsi agavi mago ararogo otsi. "Tsi mae Iesu goio aruma tegira matsi pou tomie gitou. ³⁰ Vamuri eia pou ari tomie gitou matsi abia bereti matsi vei neineki soio te Pago, tovia matsi abia soio tegitou. ³¹ Mata mata gitou kope gitou rovitsia vere Iesu. Subui vau mori eia kokovu bunau tsi mae gitou gama ino roua. ³² Egira vaivei kabiri tegira mori, "Sesere matomo arogo are eia tuga tomie tara oioa garuo eia pepere ira peperera oio a tava te Pago, tamusi gara ate saga vau?" ³³ Egira apuritsi subui pirivu soio e Jerusalem are gitou e aposei savuru gotaio ita pou vaikapopo tomie gitou sari-a, ³⁴ Egira vei agitou, sesere matomo Taro Kerira apuritsi rivu etsi, eia gari para oio te Saimon." ³⁵ Gira taro irua vei agitou ira tsibo gari oioa garu ma ari gitou rovie Iesu oioa rogo are eia tovia bereti tomie gitouo. ³⁶ Arogo are gitou so pepereo, Iesu mori gari kabiri tegitou, mate eia pepere agitou, "Tamusi maigira te Pago ga pou tomie mutou." ³⁷ Aramori gitou matau matomo ira vere gitou inoa tawo rivo ita. ³⁸ Iesu beiagitou, "Ira mavei te mutou matau? Ira mavei temutou gabutara matomo oioa tamusi mutou? ³⁹ Mutou inoa rimagu tomia va-agu, mutou ga sau eau ino eau, tsi eau mori. Gitou a taumaka amairi gitou ouka, sirari gitou tomia tua gitou, mae mutou inoa omai tegaku." ⁴⁰ Iesu vei maei karuvu, eia vaino gitou ira rimara tomia va-ara. ⁴¹ Oio arogo arere gitou gama vainoa momogera oioa tamusi gitou, gitou pou gabutara matomo, eia tagie gitou, "Mutou airari sari-i oio ga mutou aria, a?" ⁴² Mate gitou abia reia araia ita gitou gutu tsi a, ⁴³ matsi eia abia aria oioa mata gitou. ⁴⁴ Mate Iesu vei agitou, "Arogo are eau pou tomie mutou ei, eau vei amutou mae, peperera kakara gitou kekesia oioa vei matatara te Moses tomia taro ra vano parara aro tomi oioa tava ra birau, gitou pepere ire eau." ⁴⁵ Eia igoa gabutara gitou kope ire gitou ga rovira peperera pou oiroa tava te Pago. ⁴⁶ Tsi mae eia vei agitou, "Gitou kekesia pou maere, Karaesi ga borea airigi ga peo, mago oioa rogo aitorura eia ga apuritsi rivu. ⁴⁷ Tsi maea aigogoru ra vuroa tsi amu, tomia tavovuro tera ri vei parara tegitoue vararua oioa aisare Iesu ga sokoa oio e Jerusalem ga goio gomai oioa ba kakara oio a magasai. ⁴⁸ Ga mutou mori tsi vei para ira tsibo kakarao. ⁴⁹ Inoa, eau sova peperera sesere te Tamagu somai tamu tou, arimori soko mutou ga so pou oio e Jerusalem, koramuri ari mutou ga abia vagagarira oro ata. ⁵⁰ Mate Iesu abie gitou gogara oioa mautu kerira mate gitou goio gavi ta mautue Betani. Matsi eia vagoata arimara matsi vui te gitou o. ⁵¹ Arogo are eia vui egitouo, eia retaroa magasai soio toata mautu ru marokara. ⁵² E gitou rubu tavu eia mate gitou pirivu soioe Jerusalem voru vau ra momogera tavara. ⁵³ Arogo kakara gitou poupou oioa ruma ra kirakara, gitou vaisare a aisare Pago.