¹ Oioa rogo ra mairara te Pago, Iesu goiro ari oioa aruma te autora taro tegitoue Farisi. Egitou mata muri kiki mato mo soio tetara. ² Ataro ita robe, arimara tomia va-ara sogo piri eia pou agavi soio te Iesu. ³ Iesu tagiae gitou a tauwaro ra aigogoru ra lo tomie gitou e Farisi mae, "Eia neineki irari igo emie vararua ra airobe oioa rogo ra mairara te Pago o ouka. ⁴ Arimori gitou gama koria peperera ita ouka. Matsi Iesu abie eia matsi vei mauri eia ira airobe tetara matsi eia soio to. ⁵ Iesu vei agitou mae, "Erei oio tamutou, arogo are ratura taro o bulu makau tetara paru sotaro oioa paupao ra nanu oioa rogo ra mairara, eia gama ga rapu Subuia soata?" ⁶ Mate gitou gama kori subui a pepererai. ⁷ Iesu moe vararua gomai oioa airarei, gitou vera ga poupou oioa murira tauwaro tawara. Mate Iesu vei gau muria gitou mae. ⁸ "Ariga taro ita tore eme gomai ra airari ra taurai ra, eme gamaga poupou oioa murire tauwaro tawara ouka. Souka gitou ga tora taro tawara ita ga gomai oioa airari arere. ⁹ Arogo ari taro tora tomie mura gomai, eia ga vei aume mae, 'Eme abia sia are ataro aro.' Eme ga maera poro eme ga goio pou vamuri. ¹⁰ Atsi mae ariga taro ita tora eme gomai ira airari, veirou eme ga goio pou vamuri. Arogo are eia ga inoe me, eia ga vei aume mae, 'Tamigu, eme apuritsi goio pou muga oioa sirokora sia.' Gitou a tauwaro ari pou ari toi tomi eme o gitou ga abira aisa tawara soio taume. ¹¹ Gitou e vararua ari vago atata aisa gitou, Pago ga vagotaro e gitou. Arimori Pago eia vaisaisare aisara tauwaro ari vago tautaro egitouo." ¹² Iesu vei ara taro ari tora eia ira airario mae, "Arige eme raragia airari, eme gama torae tei tamimu, o gitoue tatuamu, o gitoue aeri taume-e, o vararua ari atotsibo komuko pou agavi taume. Souka vamuri gitou ga tora eme, ga koria airari taume. ¹³ Arimori arogo are eme ga igoa airari tawara, eme ga tora egitari bainia atotsibo ouka, gitoue vararua ari vagitou tomia rima gitou bunu, Varania ari mata gitou masori tomia are gitou gama pe-epere. ¹⁴ Gitoue vararua ari maei gitou gama ga koria airari taume. Arimori Pago ga vai vagarie me. Pago ga koria airari taume, oioa arogo ari vararua ra matatara ga apuritsi rivu oioa mautu ra pireo. ¹⁵ Taro ita pou ari toitomie Iesu roa peperera arei, matsi vei are Iesu mae, "Gitoue vararua ari aiari oioa mautu tawara te Pago, gitou ga momoge!" ¹⁶ Arimori Iesu vei areia mae, "Taro ita raragi airari tawara matsi tora tomie vararua komuko gomai gari oioa airario. ¹⁷ Arogo ari airari raragi, eia sova taro ra aigogoru tetara goio te gitou e vararua ari eia tore gitouo, iraga vei agitou mae, 'Mutou gomai, airari raragi etsi.' ¹⁸ Taro ra aigogoruo goio tora ari mori gitou vere gitou kakara gama ga gomai. Taro ita veivera, 'Eau rotoa ba-ara tabu ita tsimae eau ga goio inoa ba-ara ro ugogo matomo eau gamaga gomai.' ¹⁹ Taro ita vera, 'Eau rotoa bulumak au inimata tera aigogoru, tsi mae eau ga goio tovo murie gitou ira aigogoru ugogo matomo, eau gamaga gomai. ²⁰ Taro ita vei vera, 'Eau so taurairai morei eau gama ga gomai.' ²¹ Taro ira aigogoruo pirivu somai vei are auru tetara ira peperera kakara. 'Matsi tamara ruma ate mamasi matsi rei are taro ra aigogoru tetara mae,' Eme goio subui oioa mata garu ra mautu kakara abie gi tari totsibo oukao somai, egitari ava-a arima bunu, gitari mata gitou masori tomie gitari are gitou gama pepere.' ²² Taro ra aigogoruo goio igoa mae auru tetara veiao. Vamuri vora eia gomai vei areia mae, 'Auru, arova eme vei agaku vere eau ga igoao, eau igo tsi. Arimori aruma sogama voru. ²³ Auru vei are taro ra aigogoru tetara mae, 'Eme goio a garu tawara towia garuru-u ogara mautu kerira pepere vagari agitou vere gitou ga gomai goiro, kara ruma tegaku ga voru. ²⁴ Sesere matomo eau vei aume, gitari eau tore gitou irari gomai ario gitou gama kora muri sesere irari tovo muria airari tegaku." ²⁵ Taimare Tasema komuko vau tuga tomie Iesu. Matsi Iesu vuroa vuroa vei agitou mae, ²⁶ "Ariga taro ita gomai tegaku, arimori eia gama masage tamara tomie tsirara, ritura, e rauratura, tatuara tomie ratavevirera, tai gama masaga maurira, neineki ataro arere gamaga gari evaunini tegaku. ²⁷ Ariga taro gama borea aobu varautu tetara ga gomai tsirimuri eau, arimori eia gama pou evauni ni tegaku. ²⁸ Ariga taro ita oio tamutou, masaga vera ga igoa aruma tegitou e vararua ga pou bomuria totsibo. Soko eia ga pou gabu tara emia awatsi iriva ga eia abia vei karuvu ira arumao. ²⁹ Souka, eia gamaga igoa maere, eia ga taua simeni gamaga vaikoruvua aruma, vararua kakara ga inoa arumao gitou ga vakara muria. ³⁰ Ga vei mae, 'Ataro arei eia sokoa arumai eia gama vei karuvua.' ³¹ Ariga e King ita vera ga goio vaikue tomie King ita, veirou eia ga pou gabutara emi. Eia oio a taro varara savurugotaro ga goio vaikue tomie gitare King ari tauwaro tegitou varara savuru irua o ouka? ³² Ariga ouka veirou arogo ari egitoue ami oio so pou buao eia ga sove gitou ataro sari-i ga goio subui ga pepere irari vaigaria tamusi margi irari vaikaruvua vaikue rae. ³³ Tsi mori mae, ariga ita oio tamutou gama ritaroa totsibo kakara tetara, eia gama koramuria ari pou evaunini tegaku. ³⁴ Iesu vei roua mae, "Apuae eia neineki, arimori ariga apuae arei ritaroa maminara tetara, mavei eia ga abirivua maminara tetara? ³⁵ Apuae ari maei eia gama neineki oioa tabuei ouka, eia tai gama neineki irari tau tomia taera bulu makou Gitou ga pigia apuaei soio. Ataro ari agavusara eia ga no-o apeperera arei."